![]() |
تجربتي بأستخراج الفيزا الكندية السياحية في الرياض🇨🇦 بسم لله الرحمن الرحيم ترددت بكتابة هذا الموضوع بسبب قُدم تقديمي للفيزا .. لكن حبيت أكتبه لاكثر من سبب .. أولاً لافاده أعضاء وزوار المنتدى بالفيزا الكندية خصوصاً مع شح المعلومات هنا عن الفيزا الكندية .. ثانياً لان الاجرائات نفسها وما تغير الا طريقة دفع قيمة الفيزا وبذكرها بعد شوي .. ثالثاً عشان مع تقدم السنوات إذا أنا نسيت شيء أقدر أرجع لموضوعي هذا وأتذكر .. رابعاً لان كندا بلد جميل:) جهزت الطلبات التالية : - تعريف عمل مصدق من الغرفة التجارية ، التصديق للقطاع الخاص - كشف حساب لراتبي لاخر ستة شهور بالانقلش ، أتوقع يطلبون 3 شهور بس أنا أعطيتهم 6 شهور - نماذج الفيزا - شيك بتسديد رسوم الفيزا من البنك الاهلي السعودي - صورتين شخصية وذهبت للتقديم بتاريخ 11 أوقست 2014 وبنفس اليوم صرت أشيك على حالة طلبي بموقعهم وكان يطلع لا توجد تفاصيل:31: إلى أن صارت الساعة تسعة مساءً تحدثت الحالة ومكتوب بما معناه أن طلبي دخل للمعالجة .. وعلى مدى الايام اللي بعدها كنت أدخل أشيك لدرجة أدخل عده مرات باليوم من الحماس:24: حتى وصل التاريخ المنتظر 19 أوقست 2014 أرسلوا إيميل الساعة 4:25 مساءً يفيد بأنتهاء فيزتي:18: ولو كنت أدري أنهم بيبلغوني بالايميل كان ما تعبت نفسي كل يوم أدخل موقعهم .. وبتاريخ 20 أوقست 2014 رحت العصر لاستلام العروسة بقاعة مركز التأشيرات بأم الحمام بالرياض:) بدأت الفيزا بتاريخ 18 أوقست 2014 وتنتهي 16 مارش 2016 متعدده الدخول والجميل بالفيزا الكندية أنهم ما يطلبون حجوزات أو تأمين وحتى التقديم بدون موعد:58: والآجمل أن مده الفيزا على مده جوازك .. وتجربتي أعلاه قديمة نوعاً ما وحسب ما أعرف ما تغير شيء الا طريقة التسديد وأصبح كاش يُدفع أثناء التقديم .. وإن شاءلله بعد كم شهر بقدم مره ثانية على الكندية وبكتب تجربتي الحديثة هنا إن شاءلله .. وأي سؤال كلي لكم:) تحياتي لكم ،، |
الله يسعدك وليش تتردد يا غالي كل تجربة و فيها فايدة حتى لو كانت قديمة و طالما بتقدم من جديد هذا راح يفيدنا أكثر بالفعل ماتغير شي لأني كنت عامل موضوع عنها وبعد المراجعة لقيت نفس الاجراءات و النماذج ننتظر موضوع التقديم الجديد منك و بالصور عشان يصير مرجع للجميع |
يعطيك العافية يا بورمث لاهنت على الشرح |
تسلم على التوضيح وذكر التجربة وفقك الله |
شكرا لذكر تجربتك ثق أنها تثري المنتدي |
يعطيك الف عافية بس حبيت اسالك انت اعطيتهم الجواز مع الطلب ولا بعد ماوافقو على الفيزا سلمتهم الجواز؟ |
:e109: |
بقدم فيزا كندية الاسبوع القادم قدمتها قبل .. بس نسيت اجرائتها.. بس كنت اعتقد قرمتها اونلاين ممكن النماذج اللي اعبيها ؟ |
نفس حالتك بالضبط الأن أدخل على الموقع vfs مكتوب تحت المعالجة والله يكتب اللي فيه الخير. |
الساعة الآن 08:06 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO