محتاج مساعدة اهل الخبره / تعريف راتب وزارة التعليم
 

السلام عليكم
اليوم الوالد طلب تعريف عمل من شغله ولكن قالوا له بما انك من موظفين ( وزارة التعليم ) الخدمه هذي مو من عندنا في لا في الادارة ولا حتى في الوزاره ، هذي الخدمة تتم اكترونيه عن طريق ( الخدمة الذاتيه في نظام فارس )

سجل فيه و كل الامور سهالات لكن بعد ما طلب تعريف بالراتب و موجه الى السفاره الألمانية
طلع له نوعين من تعريف بالراتب :/

الاول اسمه ( شهادة تعريف بإجمالي الراتب )
و الثاني اسمه ( شهادة تعريف بالراتب )

راح احط لكم صورتين لهم ما نعرف وش نقدم للسفاره الاول ولا الثاني ؟؟
http://c.top4top.net/p_17091t91.jpg

http://b.top4top.net/p_170oa2j0.jpg
تورطنا ما نعرف وش نختار :/

السؤال الثاني هل في النظام تعريف بالانجليزي لأننا ما حصلنا الا عربي
وش الحل الان !!!
هل الترجمه يمشونها ؟؟؟؟

و السؤال الثالث انا قاري قبل فتره انو الأختام الاكترونيه مرفوضه هل لازم الوالد يروح يختمه مره ثانيه من الوزاره ؟؟؟؟

اهلاً

انا قدمت تعريف الكتروني وقبلوه واليوم استلمنا الجوازات واخذنا الشنقن ع اني كنت شايلة هم انو م يقبلوه لاني قريت هنا انه رفض !!


أرسلت بواسطة iPhone بإستخدام Tapatalk

بالنسبة للتعريف طبعت مثل الصورة الثانية اللي فيها الاجمالي لان مايهمهم التفصيل كم الراتب الاساسي وكم البدلات


أرسلت بواسطة iPhone بإستخدام Tapatalk

اخواني انتم قدمتم بالسفاره او مكتب التأشيرات الموحد اظن اسمه كذا ؟؟؟؟؟
انا زيك وخايفه ماتنقبل �� ورح اقدم ع النرويجيه

انت علشآن تقدم ماتروح الا المكتب الموحد للتآشيرات .. على العموم اطبع اي واحد مايهم , انا عطيتهم تعريف راتب علشآن تحويل من بنك الى اخر ومكتوب بالورقة والحمدلله قبلوه , اهم شئ رح لاي مكتبة او مكتب وترجممة بـ 20 ريآل , واذا الوالد موظف حكومي مايحتاج ختم , لكن اذا موظف قطاع خاص لابد ختم من الغرفة التجارية .

دعواتك

وزارة التعليم تطبع التعريف من موقع ( عين لخدمات المعلم ) لأي مرجع وايضاً موجود عربي وإنجليزي

جزاك الله خير يا اخوي على الرد

لا يا اختي المكتب الموحد
وبالنسبه للسفاره النرويجية تقدمين من السفاره نفسها
الله يسهل عليك

موفق يا رب ومشكور على الرد ما قصرت

ما قصرت يا ابو غسان
بعد ما خبصني الوالد بتعريف العمل اللي لازم أطبعه من النت ، دخل علي امس ومعه تعريف بالراتب من إدارة التربيه و التعليم
مختوم و موقع عليه الموظف المختص بالرواتب و مدير الرواتب و البدلات و مدير شؤون الموظفين

لكن السؤال حنا موعدنا في 29 June تاريخ شهادة التعريف مناسبه ولا لازم يكون التاريخ اقرب !!!
السؤال الثاني بعد ما اترجم شهادة تعريف بالراتب ويختم عليه مكتب الترجمه ، اخلي الوالد يصادق على الترجمه من شغله ؟؟

اعتذر على كثرة الاسئله