|
تجربتي في اجراءات استخراج الفيزا الالمانيه اليوم السلام عليكم اليوم الصبح كان موعدي مع الوالد في المكتب الموحد للفيزا الالمانيه الموعد كان في قسم كبار الشخصيات طلعنا الصباح الوراق مختصبه و حوسه و الوالد من الحماس والحرص مصور كل ورقه على 3 نسخ طبعا وصلنا المكتب وكان باقي على موعدنا 10 دقايق ولا لسا مابعد صورنا ( صور شخصيه ) حصلنا استديو مقابل مطعم كودو وجلسنا نقطع الشوارع ( سباق مع الزمن ) التصوير و تجهيز الصور ما ياخذ ولا 5 دقايق ( كان ودي اذكر اسمه بس نسيته ) طلعنا و اخذنا رقم .. طبعا الاوراق حدث ولا حرج جايبين كشف حساب 6 شهور و 3 شهور و كل ورقه مصوره 3 صور هههههههه المهم اختبصنا وبديت اعبي الابلكيشن حق الوالد وبعض النقاط طمرتها وجبت العيد قلت خلني انتظر دوري يمكن هم يساعدوني والله الموظفين قمه في الاحترام و التعاون قال لي مو لازم تعبي الابلكيشن انا اعبيه لك و لأبوك اكتروني اخذ الاوراق صورتين شخصيه صوره من الجوازات صوره من بطاقه الآي دي ( الأحوال ) حجوزات الفنادق ( فتح قوقل و جلس يبحث عن الفنادق مره حط اسم الفندق و مره ارقامهم ) كشف حساب 3 شهور طبعا قلت خذ ابو 6 احتياط قال انتا سعودي ما يحتاج طبعا اخذ نسخه لي و للوالد و عبا لنا التعهد اللي هو 55 / 54 وانا من الحرص قلت ترجم ابي افهم ( صار الموضوع عن القاعده و الاسلحه وخرابيط ) اخذ خطاب تكفل بالمصاريف نسخه لي و لابوي التأمين الطبي نسخه لي و الوالد تعريف العمل نسخه لي و الأصل للوالد طبعا حجوزات الطيران رجعهم لنا اخذو أرقامنا و ايميلاتنا وقالو 4 ايام او قبل العيد تجي الجوازات لان المانيا هذي السنه سريعه جدا طبعا انقل هذي التجربه للي مثل حالتي اللي هو لسا مابعد صار طالب ويرفض ان يسمى عاطل 😂 صارت مشكله بسبب صور البنات في القسم وكل واحد يقول مشي الصور ومن هذا الكلام لان كذا بنت رفضو صورهم و رجعوهم لأنهم ما طلعو منابت الشعر البنت لازم تطلع منابت شعرها من فوق ويصر الوجه كله باين نقطه مهمه : ابوي عنده حوالات من أشخاص و إيداعات عن طريق الصراف الموظفه قالت لي ابدا غير مهم ، اهم شي عندهم مبلغ الاقفال و انو الراتب ينزل عليه انا متخوف صراحه من هذي النقطه طبعا الحوالات لها 3 شهور عموما الامور سهالات وترا ما يحتاج معقبين و مكاتب ( المنتدى هذا افضل من الف مكتب ) وجد جد اشكر اخر فرصه على تجاوبه و رده على استفساراتي 😁 وشكرًا من القلب لباقي الاعضاء 😁 |
وعليكم السلام ورحمة الله الابلكيشن والصور من الاساسيات بس زين الموظف كان متعاون وساعدكم فيها عقبال الفيزا يارب شكرا على مشاركتنا التجربة |
اقتباس:
الصور كانت معنا جاهزه بس الابلكيشن قال راح اعبيه اون لاين ما يحتاج تعبيه الموظف ( هندي و قمه في الاحترام و التعاون ) |
|
طالبينكم للتحقيق :1: هذي رسالة تقول ان الجوازات وصلت للسفارة و كلها يومين و الجوازات عندكم مبروك مقدماً |
ما شاء الله تجربة مفيدة جداً للمتقدمين شكراً لك على طرحها السفارة الالمانية شادة عليهم السنة هذي و زادت عدد الموظفين عشان كذا الجوازات تنتهي بسرعة تستاهلون كل خير الله يحفظك ما قصرت |
اقتباس:
|
Your Application ref has been received at Embassy of the Federal Republic of Germany, Riyadh. for further processing on 29/06/2016. دخلت اتتبع الحاله وش المعنى 😑 |
اقتباس:
لا تشيل هم الجوازات بالسفارة و ان شاء الله الاحد تستلموها |
اقتباس:
جزاك الله خير |
بشر يا وحش وش صار على فيزتكم |
اقتباس:
ما اعرف اجازه نهاية الأسبوع يشتغلون فيه ولا لا !! |
عطهم هالاسبوع مهله , ممكن أنه قصدهم أيام عمل. |
شكرا لذكر تجربتك بكره روح لهم يا غالي أفضل وبتلقاها جاهزه بإذن الله |
وش صار على الفيزا يا صاحب الموضوع ؟؟؟!!! في البداية تحمست وفي النهاية سحبت :24: أبغى أعرف كم يوم أخذت وأستلمت الفيزا ؟؟؟!!!! |
مشكور على ذكر تجربة تقديمك ومنتظرين البشاره بحصولكم عليها |
| الساعة الآن 10:48 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO