|
تجربة التقديم على الألمانية والمفاجأه غير المتوقعه!! 27/7 [COLOR="blue"]بسم الله الرحمن الرحيم من باب رد الجميل للأخوان والأخوات بهذا المنتدى وما يقدمونه للجميع من معلومات ومساعدة أحببت أشارككم تجربتي لطلب الفيزا الألمانية http://www.arabtrvl.com/vb/images/Sm...tsapp/e301.png لعل فيها فائدة لمن أراد التقديم عليهم بالايام القادمه في البداية كنت حاجز موعد اليوم لي أنا وزوجتي في قسم العوائل أول الصباح الساعه 9 وربع وقبل من أدخل المكتب رحت أخذت صوره لي من محلات التصوير المقابلة للمكتب http://www.arabtrvl.com/vb/images/Sm...tsapp/e008.png بحكم معرفتهم لمقاسات الصور المطلوبة لكل سفارة وكذلك زوجتي دخلت لاستديو تصوير نسائي مقابل للمكتب ورتبت أوراقي وتوجهت للمكتب ومعي ورقة الموعد ودخلت انا والموظفين بنفس الوقت:24: سحبت رقم وتوجت لقسم العوائل دقايق الا يجي السوبر فايزر ويسحب بعض الأرقام لقسم الأفراد للتخفيف عن الموظفات وكنت أنا من ضمنهم بدأ الموظف بأوراقي وكانت كتالي [LIST=1]ـــ الأبلكيشن الألكتروني وما قصر أخونا آخر فرصه بتوفيره هنا ـــ نموذج للتكفل بالمصاريف بالنسبة للزوجة(الموظف أعطاني ورقة بيضاء وقالي أكتب بنفسك ولكن بعدين حصلت عندهم نموذج جاهز ـــ صورة للجواز لصفحة البيانات والصفحه الي فيها توقيعي ـــ التأمين الطبي ـــ تعريف بالراتب وكان ألكتروني وطبعته ملون ـــ صورتين شخصية ـــ صورة من حجوزات الفنادق ـــ صورة من الهوية الوطنية ـــ صورة من البطاقة الائتمانية ـــ صورة من دفتر العائلة قدمت الأوراق هذي للموظف ولكن كانت المفاجأة :10: سألني عن كشف الحساب قلت أنا مقدم لك بداله البطاقة الائتمانية!! قال لا لازم كشف حساب ولا ما تمشي اوراقك :21: كلمت السوبر فايزر قال أن نظام الألمانية تغير في السابق كان تقدم كشف حساب أو صورة من البطاقة الائتمانية لكن الان لا من ضمن الشروط كشف الحساب قلت طيب بروح اجيب كشف حساب لكن ما اخذ رقم من جديد ورفض :11: قال لا تاخذ رقم جديد رحت للبنك وطبعت كشف الحساب لثلاث أشهر إنجليزي ومختم ورجعت المكتب وسحبت رقم جديد جا رقمي وكان عند موظفات سعوديات واخذت الاوراق ودققت فيها وكانت المفاجأه الثانيه :10: قالت ان رصيدك ضعيف ولازم يكون مدته 6 أشهر والرصيد لا يقل عن 20 ألف لكن إذا تبغاه كذا راح أرفقه مع اوراقك لكن ممكن يكلمونك السفارة ويطلبون كشف حساب ثاني قلت طيب أمرها سهل أحول للحساب أون لاين واطير للبنك أطبع الكشف لست أشهر وإنجليزي ومع الختم لكن بشرط:24: أجيب الأوراق لكن ما امسك رقم جديد:2: قالت أوك خلص اوراقك وتعال بدون رقم جبت الكشف بعد ما رفعت الحساب والمده وأرفقتها مع الأوراق ودفعت قيمة التأشيرة كاش مثل ما الكل عارف لكن هنا نقطه مهمه لازم يكون مع صرف علشان ما تتوهق مثلي أروح ساعه ادور صرف خمسين:24: وبعدها بصمنا واخذت الفاتورة بعض النقاط البسيطه ـــ استغرق وقت التقديم من تسع وربع لين وحده ونص ـــ الألمانية الفرنسيه أكثر سفارتين عليهم ضغط من دول الشنغن ـــ على كلام الموظفه أن السفارة الألمانية شددت على موضوع التأشيرات وهذا الكلام صار بعد رمضان(ضروري كشف الحساب لست أشهر إنجليزي ومختم ولا يقل الرصيد عن 20 ألأف ولا يهم إذا كان ينزل فيه الراتب أو لا) ـــ كما هو حال المكتب من سنوات تعتقد للوهله الأولى أنك في مومباي ولست بالرياض:24: والان انتظر رد السفارة وان شاء الله تتسهل الأمور وتطلع التأشيره بسلام هذي كانت حكايتي المريره مع السفاره الألمانية أتمنى انها تكون مفيده ولا أحد يقع بنفس المطبات الي وقعت فيها بالتوفيق للجميع:e306: /COLOR] |
شكرا لذكرك تجربتك بالتوفيق ان شاء الله طمنا عنك |
الله ييسر امرك |
شكراً لذكر التجربة وأسأل الله أن يسهل دربك وييسر أمرك متابعين معك |
يعطيك العافية على ذكر التجربة ،، أنا برضوا رفضوا يستلمون مني الماستركارد وكشف الحساب أعطيتهم لمدة 3 شهور والله يستر على التعقيد ياللي عليهم :21: انا قلت تووووبه اطلع شنقن من الألمانية المرة الجاية ... أنا عايشه في قلق خايفه تنرفض .... تدقيقهم بشكل مبالغ فيه ، وتعامل بعض موظفينهم سيّء جداً واللي زاد الطين بله حجز من حجوزاتي في النمسا اليوم ألغي ولا أعرف أيش السبب ،، مع العلم انا ما ألغيته الله ييسر أمورنا وأموركم يارب.... |
اقتباس:
لا شكر على واجب اخوي طارق وشرفني مرورك واطلاعك على تجربتي :e306: :e306: |
اقتباس:
|
اقتباس:
اللهم آمين وياك والاخبار طيبه ولله الحمد:14: |
اقتباس:
صادقه كان تدقيق الموظفين غريب جدا وما حصلت معي قبل كذا مع اني جربت مع فرنسا وبريطانيا والموظفين الهنود بالمركز كثير يشتكون منهم ومن نفسياتهم بعكس الموظفات السعوديات بقسم العوائل واعتقد ان مدة الكشف ثلاث أشهر لأن اكثر من شخص هنا ذكر انه مقدم ثلاث شهور وقبلوا طلبه بدون مشاكل الله يسهل امورك ويسمعك الاخبار الطيبه |
الحمدلله تسهلت عقبال الفيزا يارب شكرا على طرح تجربتك |
يا جماعه قبل شوي جاني إيميل من المكتب ومسج على الجوال ان الجوازات طلعت من السفاره :10: وبعدها بدقايق جاني ايميل ورساله على الجوال أن الفيزا جاهزه بالمكتب :10: :10: معقول 24 ساعه فقط للتقديم والموافقه؟؟؟ المسجات الي وصلتني من المكتب واضحه لكن الصراحه دخلني الشك ان الموضوع فيه شي :8: |
اقتباس:
اللهم لك الحمد وتشرفت بمرورك :e306: |
اقتباس:
ماقدر اصبر ليوم الاحد:12:[/LIST] |
اقتباس:
المستحيل ليس المانياً هذي السنة حتى الطلبات العادية في عز الزحمة خلصوها في 48 ساعة لأنهم السنة هذي مستعدين من بدري عكس السنة اللي فاتت اللي كثير من الناس زعل منهم تطمن رجعت بالموافقة 1000 مبروك |
شكراً لطرح تجربتك كثير راح يستفيد منها نقطتين مهمة ذكرتها في تجربتك ضرورة احضار كشف حساب الرصيد لايقل عن 20 الف ريال بالطبع قمت بتحديث الطلبات بناءً على تجربتك لذا نطلب من الجميع ذكر تجاربهم لأن كل تجربة فيها فائدة شكراً لك |
اقتباس:
الله يبارك فيك وعقبال كل المنتظرين اقتباس:
وبالفعل انا استفدت من تجارب غيري الي سبقوني واتمنى للجميع التفويق اسعدني مرورك وتجاوبك السريع:e032::e032: |
| الساعة الآن 09:56 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO