شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   فيزا (https://www.arabtrvl.com/vb/f317.html)
-   -   مهم لو سمحتوا... احد مر عليه هذا الامر مع السفارة الألمانية؟!! خلال 24ساعة فقط!!! (https://www.arabtrvl.com/vb/t21507.html)

DELL 22-08-2016 06:10 PM

مهم لو سمحتوا... احد مر عليه هذا الامر مع السفارة الألمانية؟!! خلال 24ساعة فقط!!!
 
السلام عليكم



تم التقديم على الفيزا في الرياض صباحا بالمركز الموحد


الغريب في الامر... وبعد ان وصلني رسائل المتابعة عن وصول الوثائق للسفارة لمعالجة الطلب في نهاية اليوم...


تفاجأت بعد 24 ساعة انه وصلني رسالة من الفندق اللي حاجز فيه في المانيا بانه تم الغاء الحجز بناءا على طلبي!!!!!!!!!
نوع الحجز مدفوع عند الوصول... مع العلم اني ما طلبت ابدا ولا غيرت اي شي عليه والمهلة حسب نظام الغاء الحجز تنتهي في 6 مساء يوم الوصول!!!


ما انتهت السالفة... وصلني بعدها بدقائق رسالة جوال بأن الجوازات طلعت من السفارة للمعالجة...!!!


وبعدها بدقائق وصلني نفس الرسالة مكررة!!


وبعد دقائق وصلني رسايل مكرره ان الجوازات وصلت لمركز التأشيرات الموحد وجاهزه للاستلام !!!!




باختصار تم العاء حجزي ثم وصلني رسالة بان الجوازات طلعت من السفارة لمعالجة الطلب ثم رسالة انها وصلت للمركز الموحد وجاهزة للاستلام !!!!!!


ممكن تفيدوني وش اللي صاير.. كيف الغي حجزي... وهل تقدر تتصرف السفارة فيه... وهل فعلا تم الامر معكم بهالسرعة في حالة الموافقة ع الفيزا او معناها رفضت؟؟

للعلم الرحلة ذهاب وعودة من ميونخ والاقامة اولها في واخرها في المانيا.. والفرق زيادة يوم لالمانيا منعا من مفاجآتهم...!!! بس شكلنا ما سلمنا!!!

طله ملك 22-08-2016 11:58 PM

وعليكم السلام ورحمه الله وبركاته

لا تخاف مثل ما صار معك صار معي بالضبط:14:

طلعت التأشيره بيوم واحد فقط
وكنت مثلك مو مصدق وقلت اكيد الموضوع فيه شي حتى رحت المكتب وشفت التأشيره بجوازي:24:

لكن موضوع الفندق حاله غريبه ولا اعتقد السفاره لها دخل او تدخل في الغاء حجز الفندق
لو ماعجبهم شي ما يعطونك التأشيره من الاصل مو يلغون لك حجز سكن ويطلعون لك تأشيره

الف مبروك خروج التأشيره بوقت قياسي:3:

DELL 23-08-2016 03:02 AM

اقتباس:

المشاركة الأصلية كتبت بواسطة طله ملك (المشاركة 264299)
وعليكم السلام ورحمه الله وبركاته

لا تخاف مثل ما صار معك صار معي بالضبط:14:

طلعت التأشيره بيوم واحد فقط
وكنت مثلك مو مصدق وقلت اكيد الموضوع فيه شي حتى رحت المكتب وشفت التأشيره بجوازي:24:

لكن موضوع الفندق حاله غريبه ولا اعتقد السفاره لها دخل او تدخل في الغاء حجز الفندق
لو ماعجبهم شي ما يعطونك التأشيره من الاصل مو يلغون لك حجز سكن ويطلعون لك تأشيره

الف مبروك خروج التأشيره بوقت قياسي:3:

الله يبشرك بالخير....
نسيت اصحح معلومه حجز السكن موزع بين النمسا بداية الرحلة وألمانيا<<هذي الاكثر بزيادة يوم والاخيرة قبل العودة

جالس على اعصابي لا يرفضونها هههه ولو بيدي مشيت بوقتها اشوف الجواز بس كانت بعد وقت اغلاق المركز...
شايل هم اني الغي تذاكري وارجع احوس للتقديم لسفارة ثانية
يا حلو استراليا ونيوزيلند واجراءاتهم عند هالشيوخ:28:

وقت التقديم بعض الاوراق اللي طلبوها من الاعضاء رجعوها لي مثل التذاكر ونسخة بوليصة التأمين للمرافق قالو ما نحتاجها
وكم شغله اغلبها للمرافق

بصراحه وسوست من طلعت منهم واللي صار لبعض الاخوان وكملها الغاء حجزي قبل رسايل المركز بدقائق بسيطه... الجوال خلال 10 دقايق وصله تقريبا 8رسايل ورا بعض...

فيصل 23-08-2016 10:49 PM

بشري
إيش صار
يمكن الأمور متسهله

tab_el 24-08-2016 06:24 PM

بشرنا كم عطوك ؟

الغردقاوي 27-12-2016 07:39 PM

غريبه إلغاء حجز الفندق بدون إلغاء منك !!!
عموما ألف مبروك التأشيره
وأعلمنا ما الذي جرى معك بخصوص الحجز الفندقي

DELL 27-12-2016 09:15 PM

عدنا بعد غيبه..

كنت منزل رد عن نتيجة التقديم واحداثها لكن مدري وين اختفى!!

ما علينا..

رحنا وجينا والحمد لله تسهلت..

الشي الوحيد اللي ازعجني ان الفيزا كانت تبدا من تاريخ السفر وتنتهي بعدها بشهر تقريبا.. وما عطوني سنة ع الاقل.. ولذا قررت ما اقدم عليهم غير هالمرةواغير وجهة السفر القادمة إلى فرنسا لاستمتع بما لا يقل عن 4 سنوات.. بدل خساير التقديم كل سنة عليهم وع غيرهم للشنغن... ومن فرنسا اقدر ادخل الدول الباقية ولاكثر من مرة وأكثر من سفره...

بلا شنغن المانيا بلا هم :16:

بالنسبة للحجوزات في المانيا فعلا انلغت وقبل السفر سويت حجز جديد تفاديا للمشاكل في المطار والحمد لله مشت..

الغردقاوي 27-12-2016 09:21 PM

الحمد لله
وحمدا لله على السلامه


آخـــرفـــرصـــة 27-12-2016 09:57 PM

الله يحييك

شكراً للتحديث

والمانيا دايم تدقق على المدة الممنوحة
فرنسا أفضل منها بالناحية هذي

ولاتنسى تعطينا علوم الرحلة

فيصل 27-12-2016 11:12 PM

الحمدلله
شكرا علي اطلاعنا بما جري
تحياتي


الساعة الآن 11:08 PM

Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO