أستخراج الفيزا السويسريه ... بالتفصيل
 

الامس تاريخ 10- 02-2015 قدمت طلبي لاستخراج فيزا الشنغن السويسرية من المكتب الوحد بالرياض وحبيت أنقل لكم تجربتي بالتفصيل


بالنسبة لجميع الشباب الي متخوف من استخراج الفيزا ... أطمئنكم ان الموضوع بسيط جداً ولا فيه أي تعقيد كل الى تحتاجوه تستوفوا الشروط كلها وراح تشوفوها في هذا الموضوع بالتفصيل


أولاً:- لازم تعرف من أي سفاره يتوجب عليك استخراج الفيزا ... وعشان تحدد أي دوله لازم يكون جدولك جاهز وتعرف منطقة الوصول وعدد الأيام في كل دوله


1_ النظام يقولك تستخرج الفيزا من الدولة الي بتجلس فيها اكثر عدد أيام ... بغض النظر عن دولة الوصول.


2_ اذا وصلت الى دولة الي بتدخلها وكانت فيزتك صادره من دولة أخرى .. يمكن تتعرض للسؤال ليش انك استخرجت الفيزا من دولة أخرى وليست من دولة الوصول. جاوبه بكل سهوله ان اكثر عدد ايامك في الدوله الي انت مصدر منها الفيزا وخلي حجوزات الفنادق موجوده معك .. عشان لو حب يتأكد الا تكون اوراقك جاهزة.


3_ نصيحتي الشخصية ان تخلي دولة الوصول هي الدولة الي بتجلس فيها اكثر عدد أيام عشان تتفادى السؤال والجواب مع موظفين الجوازات.


ثانياً


هنا بنتكلم عن تجربتي الشخص يوم امس تاريخ 10-2-2015 لاستخراج الفيزا الشنغن عن طريق السفارة السويسرية من المكتب الموحد بالرياض بالخطوات والتفصيل


1_ حجز موعد لاستخراج الفيزا من المكتب الموحد بالرياض او جده ( ملاحظه السفارة السويسرية غير موجود بفرع المكتب الموحد بالخبر ) عن طريق هذا الموقع
https://www.vfsglobal.ch/Switzerland...pointment.html


في الأسفل بتلاقي مكتوب click here اضغط عليها وبحولك على صفحة حجز الموعد


بتفتح الك مثل هذه الصفحة .. واذا كنت غر مسجل من قبل اختار New user

http://www.arabtrvl.com/vb/picture.p...ictureid=17455




http://www.arabtrvl.com/vb/picture.p...ictureid=17454
ادخل ايميلك مع باسورد وتأكيد واختر submit >> اول ما تخلص تسجيل برجعك للصفحه الي قبل وسجل دخولك مباشرة وبتفتح الك مثل هالصفحة
http://www.arabtrvl.com/vb/picture.p...ictureid=17456


اختر عددكم ونوع الفيزا و individual مثل الصورة واختر submit >> بعد كذا بتفتح الك مثل هالصفحه ادخل البيانات المطلوبة فيها واضغط submit وانتهى الموضوع وموعدك صار جاهز



http://www.arabtrvl.com/vb/picture.p...ictureid=17457





كذا انتهينا من الخطوة الأولى وهي حجز الموعد ...


2_ تعبئة الفورم الموجود في الموقع والطريقة سهله وواضحة ومكتوب الفورم بالعربي والانجليزي لكن انت تعبيه بالإنجليزي بس.


3_ صورتين بدون غطاء راس للرجل وبحجاب للمرأة طبعاً مقاسها 3.5 في 4.5 وخلفيتها بيضاء والوجه مأخذ 80% من الصورة.


4_ الجواز الأصلي مع صوره لصفحة البيانات والصفحة الثانية واذا كان في الجواز موجود فيزات شنغن سابقه تصور الصفحة بعد .


5_ حجوزات من أي موقع بوكنق او غيره لطيلة فترة السكن وليس فقط الفترة الي بتكون فيها في الدولة المصدرة للفيزا.


6_ حجز طيران ذهاب وعوده .


8_ تامين سفر طبي .. طول أيام السفرة.


9_ صوره من بطاقة فيزا أو كشف حساب ( انا شخصياً قدمت بطاقة الفيزا فقط ولا سأل عن كشف الحساب . والسنه الماضيه أصدرت النمساويه أيضا بدون كشف حساب )


10_ صوره من بطاقة العائله او عقد الزواج (( انا استغربت من هذا الطلب لان السنه الماضية النمساوية ما طلبوه ... وهذي السنه طلبه وبإصرار وبغا ينكبني لأنه كان موجود في الفندق بحكم ان أنا من اهل الشرقية . بس الحمد الله ان كان عقد الزواج في السيارة وجبته اله وصوره هو وقال ضروري لنتأكد ان انت الي بتصرف عليها طول الفترة ولان التامين الطبي جايبه من ارامكوا واسمها غير مسجل عليه ... ولكن مكتوب انه يشمل افراد العائلة))


طبعاً كل الأوراق الي فوق تحتاج نسخه منها الك ونسخه لزوجتك .




كذا امورك كلها جاهزة... وتوجه للمكتب فالموعد والله يسهل عالجميع .


وبأذن الله اول ما تصدر الفيزا بخبركم ... أتمنى أكون افدت اكبر عدد من الأعضاء ..


والي عنده أي استفسار انا حاظر وفي خدمتكم

رد: أستخراج الفيزا السويسريه ... بالتفصيل
 

و عليكم السلام

ما شاء الله شرح واف و كاف

شكراً لطرح تجربتك كثير راح يستفيد منها لأنها تجربة حديثة

الله يعطيك العافية

رد: أستخراج الفيزا السويسريه ... بالتفصيل
 

وعليكم السلام ورحمة الله وبركاته
يعطيك العافيه أخي almatrook_mn على الشرح الجميل البسيط
وشكرا جزيلا على ذكر تجربتك لتعم الفائده

رد: أستخراج الفيزا السويسريه ... بالتفصيل
 

رد: أستخراج الفيزا السويسريه ... بالتفصيل
 

رد: أستخراج الفيزا السويسريه ... بالتفصيل
 

رد: أستخراج الفيزا السويسريه ... بالتفصيل
 

جزاك الله خير عالافادة
وإن شاء الله تطلع الفيزا على خير

لكن عندي سؤال بخصوص الفيزا او كشف الحساب ، انت قلت عطيتهم الفيزا ، انا عندي مسبقة الدفع ماستركارد ، وفاضية اشحنها اذا بغيت شئ معين مثلا حجز فنادق وكذا
عادي ؟
واهم شئ ماطلبوك تعريف عمل ؟

رد: أستخراج الفيزا السويسريه ... بالتفصيل
 

الله يعافيك اخوي ..

رد: أستخراج الفيزا السويسريه ... بالتفصيل
 

الله يعافيك اخوي ... العفو حاضرين

رد: أستخراج الفيزا السويسريه ... بالتفصيل
 

الله يعافيك اخوي ...

رد: أستخراج الفيزا السويسريه ... بالتفصيل
 

العفو مديرنا الغالي ... حاضرين لخدمة الجميع

رد: أستخراج الفيزا السويسريه ... بالتفصيل
 

الله يعافيك اخوي ... العفوحاضرين لخدمة الجميع

رد: أستخراج الفيزا السويسريه ... بالتفصيل
 

استفساري سحبت عليه ؟ :busted_red:

رد: أستخراج الفيزا السويسريه ... بالتفصيل
 

اقتباس:
المشاركة الأصلية كتبت بواسطة be nice http://www.arabtrvl.com/vb/traveler/...s/viewpost.gif
استفساري سحبت عليه ؟ :busted_red:

عزيزي لو عندك استفسار حطه بقسم الاستفسارات
و ابشر بالاجابة

رد: أستخراج الفيزا السويسريه ... بالتفصيل
 

اقتباس:
المشاركة الأصلية كتبت بواسطة be nice http://www.arabtrvl.com/vb/traveler/...s/viewpost.gif
جزاك الله خير عالافادة
وإن شاء الله تطلع الفيزا على خير

لكن عندي سؤال بخصوص الفيزا او كشف الحساب ، انت قلت عطيتهم الفيزا ، انا عندي مسبقة الدفع ماستركارد ، وفاضية اشحنها اذا بغيت شئ معين مثلا حجز فنادق وكذا
عادي ؟


والله ما ادري عن مسبقة الدفع .... لان الفيزا الي عندي كردت ... لكن ما لاحظت انه دقق عليها او سال اذا كانت مسبقة الدفع او كردت . اذا انت خايف منها طلع كشف حساب وريح راسك ما تسوى يردوك



واهم شئ ماطلبوك تعريف عمل ؟


تعريف العمل لم يطلبوه ... ولكن بحكم ان انا موظف ارامكوا فجبت تعريفه كبديل للتأمين الطبي فقط لا غير

رد: أستخراج الفيزا السويسريه ... بالتفصيل
 

اقتباس:
المشاركة الأصلية كتبت بواسطة be nice http://www.arabtrvl.com/vb/traveler/...s/viewpost.gif
استفساري سحبت عليه ؟ :busted_red:
آسف اخوي بس ما انتبهت له ... والان تم الرد


اعذرني مره أخرى

رد: أستخراج الفيزا السويسريه ... بالتفصيل
 

السلام عليكم ورحمة الله وبركاته


ولله الحمد امس وصلني ايميل ... بان إجراءات الفيزا انتهت وتم تسليم جوازي لارامكس لتوصيلها للمنطقة الشرقية.


واليوم وصلت رساله من ارامكس ان الجوازات موجود في الفرع ... واستلمتها الحمد الله والفيزا لمدة سنه .


ولكن فيها مشكله متخوف منها ان الفيزا ليست مختومة من السفارة السويسرية .


للمعلومية السنه الماضية استلمت جوازي غير مختوم وجواز اهلي مختوم ... بس كنت مستلم الجوازات من المكتب الموحد بنفسي وعلمت الموظف واخذ الجواز من عندي ورجع للرياض انختم ورجع.


السنه هذي الجوازات اثنينهم بدون ختم ... ياليت تفيدوني هل اطنش عادي ... او الختم اجباري؟؟


هل سبق ان حصلت نفس المشكلة لاحد من الأعضاء ؟؟

رد: أستخراج الفيزا السويسريه ... بالتفصيل
 

الله لا يهينك .. وتسلم يدينك


يعطيك ألف عافية على مشاركتنا التجربة

رد: أستخراج الفيزا السويسريه ... بالتفصيل
 

رد: أستخراج الفيزا السويسريه ... بالتفصيل
 

Passport No * Passport Expiry * Current Nationality * Residence permit Expiry date (incase of non-residents) Date Of Travel * Title* Given Name(s)* Surname* Gender * Date Of Birth * Landline No* Mobile No* Email* Visa Class House Number * Street name & number * Town * Post Code Country * Was your biometrics data collected by any of Schengen Member state representation in the past 59 preceding months?


ياليت تشرح لنا ه>ي الطلبات بعضه واضح لكن مثل
Landline No ايش يقصد
Was your biometrics data collected by any of Schengen Member state representation in the past 59 preceding months?

رد: أستخراج الفيزا السويسريه ... بالتفصيل
 

ابشر ابشر نشرح الك اخوي من عيوني

passport No :- رقم الجواز
passport Expiry:- تاريخ انتهاء الجواز
Current Nationality :- جنسيتك الحالية
Residence permit Expiry date (incase of non-residents) Date Of Travel :- هذي خاصه بالمقيمين في دولة غير دولتهم ( الي هي تاريخ انهاء الإقامة )
Title :- هذي معناها تحط قبل الاسم .. مستر او مس او دكتور ومن هالكلام
Given Name(s) :- اسمك الأول
Surname :- العائلة
Gender :- الجنس ( ذكر / انثى)
Date Of Birth :- تاريخ الميلاد
Landline No :- رقم هاتف ثابت
Mobile No:- رقم الجوال
Email:- الايميل ... البريد الالكتروني
Visa Class :- نوع الفيزا .. عمل او سياحه وكذا
House Number :- رقم المنزل
Street name & number :- اسم الشارع و رقمه
Town :- المدينة
Post Code Country :- الرمز البريدي

Was your biometrics data collected by any of Schengen Member state representation in the past 59 preceding months:- هذي معناها هل اخذت بصماتك لاي مكتب فيزا شنغن خلال ال 59 شهر الماضيه ( الجواب يكون لا ... اذا كانت هذي اول مره تصدر فيها فزا شنغن ... ونعم للي مثل حالتي لان السنه الماضيه كنت مطلع فيزا شنغن نمساويه .


أتمنى الشرح يكون مفيد

واي استفسار انا حاظر

رد: أستخراج الفيزا السويسريه ... بالتفصيل
 

واضح جدا جزاك الله خير