|
متورط بالشنغن السلام عليكم ياخوان قدر الله علي واعتمدت على مكتب ووهقني قالي باسبوع اجيب لك شنغن من القنصلية الفرنسية وعلى اساسها رتبت حجوزاتي والحين صار لي٩ ايام اكلمه يقول علمي علمك .. ومريت المكتب الموحد حق التاشيرات يقولون سستم الفرنسية عطلان باقي اليوم وبكرة ورحلتي الاثنين .. في حل ابلغهم يعجلون؟ ولا اطلب الله بحجوزاتي |
في العاده ما يتأخرون 9 ايام .. ايام عمل وإلا مع العطلة |
٧ ايام عمل من الثلاثاء اللي فات |
انت راجعتهم بالوصل ؟؟ انا اتوقع انك تاخذها بكره .. باذن الله |
مريتهم يقولون عطلان سستم القنصلية والشغل متوقف في حل لتقديم الشنغن يعني يعجلونه |
صادق ياخوي امس انا كنت في المكتب الموحد في جدة .. وكان فيه سيدة متورطه ... جوازها في القنصلية الفرنسية .. وتعطل السستم .. وعندها فيزا بريطانيا .. ولازم تسافر اليوم لبريطانيا لحضور حفل تخرج بنتها .. وقالت خلاص ماابي الفيزا الفرنسية رجعوا لي جوازي بس .. بروح بريطانيا لحفل بنتي .. واشوفها تكلم السوبر فايزر في المكتب الموحد .. ومحاولات واتصالات بالقنصلية .. لين رجعوا لها جوازها .. بخصوص موضوعك .. كيف يسرعون فيها والسستم عطلان ؟ ... انا لو كنت مكانك ألغي حجز الفنادق واسترجع القيمة ... وبخصوص تذاكر الطيران احاول اخلي الحجز مرن .. بدفع مبلغ .. قبل فوات الاوان .. لكن اول شيء تسويه اذا حجزك مسترد في الفنادق والالغاء مجاني قبل يومين من الوصول .. فألغيه .. والطيران مثل ماقلت لك .. ودايما وابدا ... احسب حساب المفاجئات والطواريء .. في كل شيء .. حتى في الترانزيت بين خطوط الطيران المختلفة .. في كل شيء .. انت الله يهديك حشرت نفسك في عنق الزجاجة ماتركت فرصة للمفاجئات هذي .. وادري السبب هو حماس المكتب ووعودة لك وتطمينه ... اي مكتب هذا اللي رحت له ؟ |
كلام سليم " البداية فكرة " حسب بحثي المتواضع يفضل يكون موعد المقابلة قبل السفر ب3 اسابيع على الاقل لتجنب اي تأخير من السفارة خصوصا اذا دخل وقت فيها اجازة العيد مثلا |
البداية فكرة كلامك صحيح لكن المكتب اكد لي انه باسبوع يخلص كل شي .. وحجزت على اساسها اللي طلعوا قبلي بيومين خلصوا امس اللي قبلي بيوم ونحن ماخلصنا |
البداية فكره .. ما عاد ينفع العتب .. انا متفائل انك الصباح راح تستلمه .. بأذن الله |
اللي قدموا يوم ١٠ ماستلمو وانا قدمت يوم ١١ لو بكرة ماستلم احد معناه راحت الحين وش الحل عشان اسحب الجوازات |
بشر ان شاء الله انك استلمت التاشيرات والجوازات اليوم . خوفتني بصراحه انا امس الاربعاء كانت البصمه وموعد الطيران بعد 13 يوم بالضبط الله يستر |
ماستلمت |
انصح المستعجلين بالvip |
اصعب شي تجلس على أعصابك صارت لنا زمان بسبب ضيق الوقت وطلعت الفيزا قبلها ب ليله الله يكتب لك إليّ فيه خير لك |
للأسف لازال مكتوب في موقع السفارة Due to some technical problems, there is a delay in processing visa applications at the Embassy of France. Please note that the processing time may take 2 weeks. ليكون في علم العملاء انه سيكون تأخير في اصدار التأشيرات الفرنسية وذلك لوجود خلل تقني في السفارة الفرنسية ,واحتمال ان تأخذ اجراءات استخراج التأشيرة أسبوعين من تاريخ تقديم الطلب .:21: الله يستر صرت على أعصابي... بس الحمدلله حجوزاتي قابلة للإلغاء. |
اقتباس:
أنا أريد اعرف هم يحسبون التقديم من تاريخ أخذ الموعد في المركز او من تاريخ إستلام الجواز في السفارة ؟!!:22: |
بشر ان شاء الله استلمت التأشيره والجواز وتيسرت امورك ؟؟؟ |
كنسلت الرحلة وحجزت على جنوب السعودية |
من جدك انت ؟؟؟؟؟ طيب وش اخر ماتوصلت له معاهم ؟ انت متى قدمت ومتى كان موعد سفرك |
اقتباس:
اهم شيء طمنا ماخسرت بحجوزات الطيران والفنادق ان شاء الله ؟ |
عز الله خسرت والاغلب غير مسترد لكن الله يعوضنا .. يمدحون جو ابها �� |
اقتباس:
قدمت ١١ يوليو وسفري المفروض امس .. ابها وتنومة والنماص ماتحتاج جواز |
ثق انها خيرة لك الله يعوضك |
الله يعوضك خير .. ويخلف عليك بخسارتك .. وان شاء الله خيره لك .. |
]السلام عليكم اخي لقد رايت تعليقاتك بخصوص الشنجن وان فات معاد سفرك الله يعوض عليك وانا قدمت بنفس اليوم والي الان ما استلمت الفيزا هل انت استلمت ولا لسه؟؟؟؟ وماذا قالو لك عن التاخير ارجو الايفاده لان المندوب مافادني باجابه |
الله يعوضك خير راسل الفنادق أن الفيزا تأخرت لعلهم يسترجعون المبلغ لا أعلم هل تأمين السفر يشمل ذلك للتعويض |
الله يعوضك خير منها... |
| الساعة الآن 01:59 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO