|
تجربتي المختصرة والميسرة في التقديم على شنغن فرنسية السلام عليكم .. كان موعدي الساعة 1.30 بالمركز الموحد بجدة المستندات اللي استلموها مني : ورقة الموعد الابلكيشن (نفسه اللي حملته من الموقع) كشف حساب بنكي حجز الفندق صور التاشيرات السابقة السجل التجاري الخاص بي (مترجم) التامين الصحي (الدرع العربي للتامين) صورتين شخصية خلفية بيضاء كان عندي حجز طيران حقيقي وحجز يورو ستار لندن-باريس رجعها لي الموظف وقال للسعودي مانحتاج حجز الطيران والسفر وانتهيت من التبصيم والتصوير وقالي الموظف خلال 15 يوم يوصلك الجواز ملاحظة مهمة بالنسبة لي اشكر الاخ عبد الجبار والاخت منى كانو جداً متعاونين لانهم ساعدوني في اكمال التقديم وتسليم الاوراق والجواز بعد ماجمعو الجوازات وقبل نهاية الدوام بأقل من ربع ساعة ولا كان يروح علي اليوم ولازم احجز موعد ثاني والسبب كشف الحساب البنكي كان فارق كم يوم بس وطلبو اني اجيب كشف حساب حديث .. وقبل خروجي ساعدوني الاثنين في التبصيم والتصوير بدون انتظار واكملو ادخال بياناتي على الجهاز قبل يقفل السستم لليوم وقالو بسرعة روح جيب الكشف وتعال وخرجت ادور اقرب فرع للبنك والحمد لله واللي ساعدني كثير اني من عملاء الوسام وطلعت كشف الحساب بعيدا عن زحمة انتظار البنك بشكل سريع ورجعت للمركز وكملت بقية اوراقي ولله الحمد واستلمت الايصال .. تقريباً اخر عميل خرجت :1: ---------------- تحديث 31 يوليو------------------ وصلتني اليوم 31 يوليو رسالتين 1: جوازك تم وصوله الى مركز التأشيرات وجاهز للاستلام 2- جوازك تم شحنه الى عنوانك عن طريق ارامكس وان شاء الله غالبا بكرة يوصل لي .. واستمله الخلاصة : التجربة كانت جدا سلسلة وسريعة في انجاز اجراءات الفيزة من الفرنسية تقريبا ( 6 ايام ) عمل .. وفي الصيف اكثر شهور السنة ازدحاما رحلتي 18 اوغست ولو كنت ادري ان البريطانية و الشنغن تخلص بالسرعة هذه كان حجزت رحلتي في 2 او 3 اوغست .. لكن عملت حسابي على كل سفارة 15 يوم عمل والحمد لله من قبل ومن بعد :) |
تجربة جميلة ومتميزة نشكرك على طرحها للفائدة كما نشكر الاخ عبدالجبار والاخت منى على حسن تعاملهم ومساعدتهم للعملاء وان شاء الله نبارك لكم بالفيزا قريب |
بارك الله فيك ومشكور على التجربة . كشف الحساب اللي معي قبل اسبوعين تتوقع يقبلونه . |
ماشاء الله الله ييسر لك وتطلع في اسرع وقت ممكن تحط رابط الابلكيشن اللي حملته من الموقع لاحظت انك ماكتبت انهم طلبوا تعريف راتب هل لانه عملك خاص فيك واكتفوا بالسجل التجاري ؟؟ |
اخوي كم المدة المحددة لكشف الحساب هل ينفع قبل الموعد بيومين؟ يعطيك العافية |
اقتباس:
اقتباس:
وانا واقف عند الموظف وهو يشيك الاوراق شاف تاريخ كشف الحساب وسأل موظف او مشرف كان قريب منه قال له كم اقصى يوم لتاريخ كشف الحساب قال اسبوعين قال يعني عشرين يوم ما يمشي .. قال لا .. ولذلك ردني الموظف وقال روح جيب كشف حساب حديث |
يعطيك العافيه على ذكر تجربتك .. والحمد لله انك قدرت تلحقهم .. وماقصروا الاخ عبدالجبار والاخت منى الله يعطيهم العافيه .. ماادري اذا سألتهم هل السستم عطلان في القنصلية او لا ... لان الموظف قال لك بعد 15 يوم يصدر جوازك .. فياليت توضيح منك ؟ |
1 مرفق اقتباس:
اول ما تدخل المركز الموحد تلاقي في الاستقبال النماذج في الرف .. او حمل اللى انا عبيته من المرفقات .. تعريف الراتب .. بالنسبة لي استبدلته بالسجل التجاري الخاص بي مترجم ترجمة معتمده .. |
اقتباس:
الحقيقة لا حظت اغلب الموظفين متعاونين جدا وحريصين انهم يساعدون الشخص باللى يقدرون عليه .. بالنسبة لحكاية السستم للاسف ما سألته لانه ماجا على بالي شي غير اني اخلص اوراقي .. وانا لاحظت انه كل الامور طبيعية مجرد سألته كم يوم تاخذ الفيزا قال لي 15 يوم ان شاء الله |
اقتباس:
|
للمعلومية بعض السفارات غيرت في نموذج الابلكيشن والتغيير في التعليمات فقط لذلك اخذنا نموذج جديد وعبيناه فالأفضل أنكم تطبعونه من الموقع |
وصلتني اليوم 31 يوليو رسالتين 1: جوازك تم وصوله الى مركز التأشيرات وجاهز للاستلام 2- جوازك تم شحنه الى عنوانك عن طريق ارامكس وان شاء الله غالبا بكرة يوصل لي .. واستمله الخلاصة : التجربة كانت جدا سلسلة وسريعة في انجاز اجراءات الفيزة من الفرنسية تقريبا ( 6 ايام ) عمل .. وفي الصيف اكثر شهور السنة ازدحاما رحلتي 18 اوغست ولو كنت ادري ان البريطانية و الشنغن تخلص بالسرعة هذه كان حجزت رحلتي في 2 او 3 اوغست .. لكن عملت حسابي على كل سفارة 15 يوم عمل والحمد لله من قبل ومن بعد :) |
ان شاء الله تستلم وبها التاشيرة لاطول فترة ورحلة موفقه باذن الله |
مبروووك وان شاء الله مده تستاهل .. ٦ ايام على العطل والتراكم اللي صار تعتبر ممتازه .. .... |
وعليكم السلام علي البركه وشكرا لذكر تجربتك موفق |
شكرا لك |
| الساعة الآن 03:25 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO