|
صلاحية الجواز وتأشيرة شنغن السلام عليكم ورحمة الله وبركاته انا قدمت على التأشيرة الهولندية من مكتب VFS في مسقط تقريبا قبل 3 أسابيع بتاريخ (13/5/2018) وللحين ما طلعت التأشيرة. المهم, بعد ما قدمت معاملتي بكم يوم تذكرت ان بعض صفحات الجواز الفاضية فيها عطر ومؤثر على الصفحات ( صفحة بياناتي الشخصية ما متأثرة) هل في هذي الحالة جوازي يعتبر غير صالح للسفر ؟ لأني حاولت استفسر من خدمة العملاء وما افادوني, واخاف ان ما احصل التأشيرة والسبب هذا. أفيدوني جزاكم الله خير. |
وعليكم السلام هلا يا غالي وجود عطر على بعض صفحات الجواز يعني أن الجواز تالف ومحتاج تجديد ننتظر ونشوف قرارهم في حال صدروا لك التأشيرة لابد تجدد الجواز وتسافر بالجوازين مع بعض بس تنتبه ما يجي اي شطب او كشط او تخريم على صفحة التأشيرة |
شكرا لك اخي على الرد الحمدلله طلعت التأشيرة امس لمدة سنة ان شاء الله بحاول اجدده قبل ما اسافر تسلم على الملاحظة. |
مبروك يا غالي عطنا تجربتك عشان يستفيدوا الاعضاء دايم حط الجواز في بلاستيك مايدخله الماء موجودة بالسوبرماركت رخيصة ولها اشكال كثيرة https://www.arabtrvl.com/vb/picture....ictureid=65457 |
صاحبي قدم معاي شنغن المانية قبل شهر تقريبا او اقل وكان جوازه غرقان ماء وفيه صفحات مرة متأثرة وسجلوا عليه تعهد انهم استلموا الجواز بحالته هذي عشان محد يتهمهم انهم اتلفوا الجواز وكنا خايفين فعلا من هالموضوع والحمد لله مشت الأمور واستلمنا الجوازات واعطوه سنة |
اقتباس:
الله يبارك ف حياتك الغالي زين والله ماجات ف بالي فكرة البلاستيك.. ان شاء الله باخذ تسلم |
اقتباس:
لكن الحمدلله الامور عدت على خير. |
| الساعة الآن 08:10 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO