|
تجربتي في استخراج فيزا شنغن "سويسرا" .. بالتفصيل السلام عليكم ورحمة الله وبركاته في هذا الموضوع راح اذكر تجربتي في استخراج فيزا الشنغن لسويسرا وكل اللي حصل معاي بالتفصيل الفيزا لثلاثه اشخاص (انا وزوجتي وطفلي سنه ونص) في البداية سجلت في الموقع وقمت بتعبئة النموذج بمساعدة ابو غسان (آخر فرصة) ، وابو محمد ( azzam ) .. اللي ماقصروا معاي وبعد تعبئة النموذج وطباعته اخذت موعد عن طريق الموعد .. ولكن مارضت تطلع لي طباعة ورقة الموعد .. فـ إتصلت عليهم الصباح واعطيتهم العلم اخذ مني ارقام الجوازات وارسل لي اوراق الموعد على البريد الالكتروني وطبعتها ----------------- بالنسبه للطلبات .. اخوكم نظامه نظام شياب .. اخذت معاي كل شي ممكن ينطلب واخذته 3 نسخ .. لدرجة اني كنت باخذ معاي شهادة ميلاد الام لان تدرون عندنا يحبون يعقدون الامور :(37): موعدي كان الساعه 11 ونص .. وصلت هناك الساعه 10 .. وقلت بتوكل على الله وادخل .. ودخلت وماسألني عن وقت الموعد . سأل عن الورقه بس .. شافها واعطاني رقم والحمد لله كان قدامي شخص واحد بس جاء رقمي وكان الموظف هندي ... كان متعاون جدا وواضح في طلباته وعند الطلبات قال لي سلمني الطلبات لكل شخص لوحده وبدأ بي اولا وكانت الطلبات الي اخذها مني كالتالي: ورقة الموعد .. ضرورية اول شي يطلبه نموذج طلب التأشيرة ( عدل عليه كم شغله الموظف: عدل تاريخ الطلب واضاف خيار فيزا كارد مع خيار كاش في الدفع، وحذفها من نموذج الزوجة والولد وكتب برفقة الزوج وبرفقة الوالد للولد ) نسخه من حجز الطيران نسخه من حجز الفنادق ( وكان يدقق في التواريخ وسألني عن الاقامه الاكثر ) نسخه من جواز السفر مع الاصل ( اخذ الورقة الاولى من الصورة واعطاني الباقي لكل الاشخاص ) صورة الهوية الوطنية ( للزوجة والولد طلب صورة كرت العائلة ) التأمين الطبي ( التعاونية ) صورة بطاقة الفيزا وصورة شخصية لي وللزوجة وللطفل ( بالنسبه للطفل لان جوازه سويته العام الماضي فلما لاحظ اختلاف الصورة وضحتله الموضوع .. فطلب صورة ثانية وكتب عليها الاسم ورقم الطلب وحطها في جيبه ) كنت جايب تعريف بالراتب بس ماطلبه مني وبعد تسليم الاوراق وادخالها عن طريق الكمبيوت طلبني المبلغ وكان المبلغ ( 1062 ) ريال الطفل اخذوا قيمة حجز الموعد فقط .. واعطيتهم مبلغ لارسال الفيزا عن طريق ارامكس وبعدها سلمنا الاوراق وارسلنا للتصوير والتبصيم .. خلصنا وخرجنا وكان الموضوع سهااااله اتمنى اكون افدتكم ولو بالشي القليل :(95): |
رد: تجربتي في استخراج فيزا شنغن "سويسرا" .. بالتفصيل وعليكم السلام زين اللي ما أخذت صك البيت معك ههههه تفاصيل دقيقة و مفيدة للجميع الموضوع سهل و مافيه تعقيد شكراً أبو راكان لطرح تجربتك |
رد: تجربتي في استخراج فيزا شنغن "سويسرا" .. بالتفصيل شرح جميل وميسر مشرفنا علي وبإذن الله توفق وتحصل على التأشيره في أقرب وقت وأتمنى لك رحلة موفقه وسعيده |
رد: تجربتي في استخراج فيزا شنغن "سويسرا" .. بالتفصيل وعليكم السلام ورحمه الله وبركاته شكرا لذكر تجربتك موفق |
رد: تجربتي في استخراج فيزا شنغن "سويسرا" .. بالتفصيل الف شكر على ذكر تجربتك بس عجبتني شهادة الميلاد :yolks00250: ربي يسهل امورك يا ابو ركان وعقبال السيارة |
رد: تجربتي في استخراج فيزا شنغن "سويسرا" .. بالتفصيل ممكن سؤال التاشيرة تاخد كام يوم وتطلع ولازم ناخد موعد ولا نروح كدا ��؟؟ |
رد: تجربتي في استخراج فيزا شنغن "سويسرا" .. بالتفصيل أفدتنا بالكثير يا مشرفنا العزيز عقبال الفيزا يارب ولاهنت على طرح التجربة |
رد: تجربتي في استخراج فيزا شنغن "سويسرا" .. بالتفصيل اقتباس:
اصلا تحس الموظف يسألك وش الي ماعجبته معاك .. عشان يقول لك نحتاجه :204: اقتباس:
اقتباس:
اقتباس:
الله يسمع منك .. اما موضوع السيارة مأرقني صح اقتباس:
ﻻزم تاخذون موعد .. مايستقبلون احد بدون موعد .. والموعد عليه رسوم مادية ياخذونها منك وانتي عندهم التأشيرة في اﻻيام العادية مثل الحين تاخذ بين اسبوع الى اسبوعين تقريبا .. في اشهر الصيف تاخذ حدود الشهر اقتباس:
|
رد: تجربتي في استخراج فيزا شنغن "سويسرا" .. بالتفصيل ابو راكان انت متاكد انك بتقدم على تأشيرة سياحية او هجره ربي يوفقكم في رحلتكم |
رد: تجربتي في استخراج فيزا شنغن "سويسرا" .. بالتفصيل اقتباس:
ههههههههههههههه الخطوة القادمة شكلها هجرة :yolks0010: |
| الساعة الآن 04:44 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO