|
فيزا الشنغن من فرنسا السلام عليكم يا اخوان عندي استفسار الحين انا عندي موعد للفيزا البريطانية في 26 مايو الثلاثاء القادم ابي اعرف كم يجلس الجواز عشان يطلع ؟ متى احجز موعد الشنغن مع العلم ان اقرب موعد في 4 جون ؟ اخاف احجزه والجواز ما يطلع وش اسوي بهالحاله ؟ مع العلم تاريخ السفر 13 جولاي يعطيكم العافية |
رد: فيزا الشنغن من فرنسا و عليكم السلام سعيدين بتواجدك بيننا الوقت المتوقع 3 أسابيع للسفارة البريطانية يعني تحجزين 17 جون أو بعد عندكم وقت لأن الشنغن سريعة اجراءاتها الايام هذي أقصى حد 10 أيام و تكون جاهزة بمشيئة الله |
رد: فيزا الشنغن من فرنسا حياك الله اختي بالمنتدى ماقصر مديرنا .. بعد 17 جون يبقى تقريبا شهر على السفرة كافية ياليت الجوازات تكون جديدة راح تساعدكم تحصلون تأشيرة مدة أطول موفقين |
رد: فيزا الشنغن من فرنسا أختي أنا قبل شهر ونص طلعت الفرنسية والبريطانية الفرنسية جلست بس يومين .. قدمنا الأثنين واستلمناها الأربعاء البريطانية الله وكيلك جلسو أكثر من ثلاث أسابيع بعدين طلعوها لنا ( تقريبا 18 يوم عمل ) أنتي احجزي موعد تقريبي بعد 3 أو 4 أسابيع .. ولو تقدري تحجزي موعدين يعني مثلا موعد بعدها بـ 3 أسابيع وبعدها بـ 10 أيام يكون الموعد الثاني .. احتياط :(47): مووفقين ان شاء الله |
رد: فيزا الشنغن من فرنسا شكرا لكم يا اخوان :) حجزت الموعد في ١٤ جون وان شاءالله تتيسر امور البريطانية وتطلع بدري |
رد: فيزا الشنغن من فرنسا بالتوفيق لكم و لا تنسين تكتبين لنا تجربتك هنا |
رد: فيزا الشنغن من فرنسا شكرا للجميع :) الحمدالله أبشرك تم اصدار الفيزا البريطانية وبوقت قياسي وغير متوقع خلال 5 ايام وبناء على كلام الموظفين وبعض الاعضاء بان الفيزا البريطانية يتم استخراجها خلال اسبوعين الى ثلاثة تم حجز موعد فيز الشنغن من السفاره الفرنسية في المركز الموحد بتاريخ 15 جون يوم الاثنين.. المركز الموحد كان قمة الفوضى وتفاوت في الطلبات على حسب مزاج المشرف حيث انه سيسافر معنا اخي الصغير بدون الوالد والوالدة واحضرنا خطاب موافقة الوالدين وموقع وكل اوراقنا كاملة طلبو مننا احضار كرت العائلة مترجم! او صورة من جواز الوالد وجلسنا في المركز قرابة 5 ساعات من الساعه 9 الى 3 بسبب المعقبين وحقين المكاتب يحضرون معاهم اكثر من عائلة ويدخل بدون رقم او موعد ! بعد التبصيم قالو لنا الفيزا تصدر بعد 5 ايام عمل ان شاءالله تكون 4 سنوات جزاكم الله خيرا على مساعدتكم :) |
رد: فيزا الشنغن من فرنسا ألف مبروك أخت نجود وبإذن الله تتيسر لكم الرحله كما تيسرت التأشيره رحلة سعيده موفقه |
رد: فيزا الشنغن من فرنسا الحمدلله متيسرة ياليت لو كتبتي تجربتك بموضوع جديد عشان تعم الفائدة يعطيك العافية |
| الساعة الآن 06:42 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO