السلام عليكم
اخواني لو سمحتم ساعدوني في المخطط حق الرحله
انا وزوجي واذهاب والعوده من فرانكفورت ومانقدر نعدلها من تاريخ 28 سبتمر الى 12 اكتوبر
فكرت اول شيء نروح لرست عشان اليورباك ونجلس يومين
بعدين انترلاكن ست ايام
بعدين انسي ثلاث ايام
والباقي ماعرفت ما ابي نرجع على نفس طريقنا لجل فرانكفورت

ياليت تساعدوني في الباقي والي عنده مخطط ثاني يقول لي ومششششكورين

حياك اختي ,, رحلة سعيده مقدمآ

اليوروبارك يوم واحد يكفيهآ ,, هذا رأيي وبإمكانك اخذ اراء بقية الاخوان والاخوات

بالنسبه للنهايه عندي لك مقترح

يا أنك تنهي رحلتك بعد قضاء 3 ليالي في انسي عن طريق مطار جنيف ويبعد 30 كيلو تقريبا عن انسي

يعني شي مشوار نص ساعه افضل لك من الرجوع لفرانكفورت

او الخيار الثاني تنتقلون الى باريس جوآ عن طريق مطار جنيف القريب جدآ

واحب افيدك بسعر التذكره من بجنيف الى باريس على الطيران الفرنسي مايقارب 220 ريال للشخص

وانا شخصيآ عامل حجز بتاريخ 1 اكتوبر لشخصين بقيمة 440 ريال ( سياحي )

اتمنى اكون افدتك والله يوفقكم ان شاء الله

انا مع اقتراح الأخ بيتر

اذا في امكانية تغيير الحجز والعودة من جنيف أفضل او من جنيف الى فرانكفورت بالطيارة

من وجهة نظري ألعاب يوروبا بارك تحتاج يومين

وممكن الغاء انسي، والذهاب الى كونستانس وزيارة المنطقة (كونستانس- شلالات الراين - لنداو - سانت جيلين -بريجنز) وبعدها الى فرانكفورت

اخوي بيتر واخوي ابو مهاب شكرا على الرد والمعلومات .
مانقدر نعدل على مطار العوده عشان خلاص حجزنا السياره وكذا

بس انا اقصد انه بعد الريف الفرنسي وين تقترحون اروح
هل مثلا اروح لقرية هايدي ثم كونستانس الما ارجع لفرانكفورت يعني يصير حركتنا دورانيه مو على نفس الخط الي جينا معاه .
يارب فهمتوا علي

وانا جلست برست يومين مو كلها عشان اليوربارك
اول يوم ممكن نزور الغابات السوداء ولا ستراسبورغ ولا شيء جنبها
واليوم الثاني بروح للالعاب .

عشان تغيري الطريق وتشوفي شي جديد

اقترح تغيير خط السير قليلا

فرانكفورت - رست - أنسي - انترلاكن - كونستانس - فرانكفورت

والله يااختي ابومهاب ماقصر اعطاك اقتراحات

ومثل ماقلت لك تقدري تطلعي لاي منطقه جوا من مطار جنيف كونه قريب من انسي

خصوصا ان الطيران اسعاره حلوه مابين دول اليورو

والله يوفقكم ان شاء الله