السلام عليكم ورحمه الله

لدي بعض الاسفسارات بخصوص الذهاب من الرياض إلى دبي :
1- افضل طريق من الرياض الى دبي .. للمسافر في الليل

حسب كلام احد الأخوان.. فيه ثلاث طرق

الطريق الأول
الرياض - الخرج - حرض - الغويفات(الحدود السعوديه الاماراتييه )

الثاني
الرياض - مخرج خريص - الهفوف - سلوى - الغويفات

الثالث
الرياض - مخرج الهفوف النعيريه - سلوى - الغويفات


ايهما افضل للمسافر ليلا .. يعني طريق منور او شارع حفريات ومايصلح نروح معه

اختياراي تقريبا مع الطريق الثاني (مخرج خريص ) .. لكن ما ادري هل هو كويس او لاينصح الذهاب معه ليلا

--------------------------------

2- طريق دبي-الغويفات .. هل هو مباشر الى دبي .. ام يوجد مسارات اخرى (حسب جوجل ماب)




--------------------------

3- هل المنفذ فيه زحمه ذهاب و عودة .. وفي اي وقت تقريبا بيكون مزحوم
4- ايش الاجراءات التفتيشية للمنفذ. هل فيه تعقيدات وتأخير .. وهل يوجد رسوم دفع مثل تأمين مركبة .إلخ

بارك الله فيكم
كل الشكر

وعليكم السلام ورحمه الله وبركاته

جربت طريق مخرج الهفوف كويس صراحه لكن ما فيه إناره كامله


بخصوص من الغويفات الي دبي مباشر خلك من جوجل

التأمين لازم تدفع وحسب كلام الأخت عشقي السفر بموضوعها أن الأسعار زادت عن قبل
( ممكن تشوف موضوعها في البوابه الرئيسيه للأمارات )

التفتيش ما أعتقد فيه مشكله إلا أذا عاد شكوا بالواحد

مرحبا اخوي بالنسبه للتفتيش والتعقيدات في منفذ الغويفات مااعتقد في اي تعقيدات والامور سهله وسلسه ومايحتاج تنزل من السياره الا اذا عندك عوايل فالحريم لازم تنزل للمطابقه عند اول شباك توقف عنده في الحدود السعوديه اسال عن المطابقه حتى ماتوقف وتنتظر بعدين يرجعك للمطابقه واذا وصلت الحدود الامارتيه بعد اسال عند اول شباك عن المطابقه حتى مايضيع وقتك والتأمين مثل ماذكر الاخ فيصل في موضوع انا منزلته عن اسعار التامين وهو اجباري بالنسبه للطريق لدبي واضح وما يضيع خلك على قوقل ماب لكن الطريق هذي الفتره في تحويلات كثير وجديده وحفريات خلك مركز باللوحات وبالنسبه للزحمه في المنفذ الحين وقت اجازه وجميع دول الخليج منافذها مزدحمه وكل ما اكن دخولك بساعات الصباح المبكر كان الازدحام اخف

الله يعطيكم العافية

ماقصروا خبرانا فيصل وعشقي للسفر وماهي غريبه منهم. ..

حبيت أضيف معلومه أن شاء الله تستفيد منها. ..

استخدم خرائط قوقل هناك وذلك من خلال حفظ العنواين والأماكن قبل ماتروح واذا وصلت هناك استخدمها وامشي عليها

أيضا أحفظ موقع السكن. ..

أيضا ونصحيه احجز لما توصل. ..