السلام عليكم
راح أتوجه إن شاء الله إلى الشمال التركي في مايو القادم
وبغيت أستفسر عن إجراءات إيجار السيارة
لدي بطاقة ائتمانية مسبقة الدفع وأغلب المواقع من شروطهم انهم مايقبلون مسبقة الدفع
في أحد جرب وقبلوها معاهـ
والشيء الثاني في إختلاف في حروف اسمي بين رخصة القيادة والبطاقة الائتمانية هل فيها مشكلة وانهم مايقبلوها .
وشكرا مقدما

.
.
.


لا مشكلة يا غالي ،،،

أنا حجزت لنفسي ولغيري عن طريق هالموقع ،،،


http://www.arabtrvl.com/vb/t7447.html



ولي قريب ، راح معاه 3 من أصحابه ،،

وحجزت لكل واحد منهم بإسمه ،،،

والدفع عن طريق بطاقة قريبي ،،،



لا تحاتي وتوكل على الله ،،

إختلاف الإسم ليس مشكلة أصلا ،،،


يبون دراهمك في الأخير ،،، وياليت تقرأ الملاحظات جيدا اللي في الموضوع ،،،






بالتوفيق

اعتقد بشهر مايو ما يحتاج تحجز عن طريق الموقع توجه مباشرة للشركات واختار السيارة الي تناسبك

وياريت احد يفيدنا اكثر لاني رايح نفس الفترة

موقع Cheap Car Rentals, Best Prices Guaranteed! - Rentalcars.com

حسب شروطهم انها ماتقبل المسبقة الدفع

انا حصلت لي مشكلة معهم وهي كالتالي

حجزت منهم سيارة ببطاقة مسبقة الدفع وتم خصم المبلغ منها وتاكيد الحجز

فقلت الحمد لله انتهى موضوع السيارة
يوم قرب السفر ابغى اتاكد كلمت الموظف عن موضوع الفيزا مسبقة الدفع قال حسب موافقتك على الشروط انها لا تقبل
طيب وخصم المبلغ والتاكيد افاد انه فقط حجز مبلغ فقط وانه اذا ماقبلت المسبقة الدفع لا تستلم سيارة ولا يرجع المبلغ

توكلت على الله ووصلت على مطار طربزون الساعة تقريبا 7 مساءا

فحدث مالم يكن في الحسبان وهو ان وصولي في المساء والمفروض استلم السيارة 10 الصباح لاني مااخترت وقت الوصول وخليتها مثل ماهي

فقال الموظف مافي سيارة خلصت

طيب والحجز الموكد قال كنسلناه طيب والمبلغ قال راجع موقع حجزك الاساسي




رحت لمكاتب غيره والحمد لله اخترت افيس شركة معروفة واخذت من عندهم ببطاقة مسبقة الدفع والرخصة العادية والجواز




وانت اختصرها اذا مو وقت اجازة خذها من هناك

جزاكم الله كل خير ان شاء الله
احترت كثيرا قبل لا أحجز والآن تطمنت الحمد لله
شكرا لكم

لاتحجز قبل السفر خذ مباشر اوفر بس خذه تامين شامل وتكميلي من المكتب افضل لانه لست في موسم الموسم بعد عيد رمضان بيكون حفله ماتحصل سيارة