السلام عليكم ورحمة الله وبركاته ..

ممكن أحد يساعدني في ترتيب سفر " شهر عسل "
بس المدة مو طويلة 14يوم تقريباً

النزول في ميونخ و أريد أن أقضيها بين ألمانيا و سويسرا و العودة تكون إلى ميونخ أيضاً ..

والتقسيم يكون في كل منطقة يومين أو ثلاث أيام

ياليت تكون بين مدن ومناطق ريفية

وشكراً ..

أوكي أنا زرت النمسا اخر صيف
و مو حاب أروح ل زيلامسي " اريد أماكن هادية بعيده عن زحمة العرب ..

أقدر أروح قارمش في الوصول ليلة ومن ثم اوزع الأيام بين هايدي و انترلاكن والقرى اللي حولها و اخرها اروح زيورخ عشان تكون المسافة أقرب لميونخ
هل الجدول مناسب ولا تنصحوني في أماكن ثانية ..

للعلم إني بأجر سيارة . .

حياك الله بيننا

ممكن هذي الخطة تعجبك



1 يوم ميونخ
2 يوم شتوتغارت المانيا
2 يوم ستراسبورغ فرنسا تزوروا يورب بارك منها
2 يوم بحيرة كونستانس المانيا
2 يوم زيورخ لرؤية الشلالات
3 يوم لوزيرن الرومانسية و جبال الجليد
2 يوم ميونخ

اولا الف الف مبرووك الله يقدم الي فيه الخير

ماقصرو الاخوان جزاهم الله خير
بما انك رايح شهر عسل انا افضل تقلل التنقلات وتحاول بقدر المستطاع تستقر

ممكن توزع الــــ 14 يوم على هالمخطط بين المانيا وسويسرا

الوصول ميونخ ليلتين
فرايبورغ 3 ليالي
( يوروبابارك و ستراسبورغ وبادن بادن والغابات السوداء )
انتر لاكن 5 ليالي
بيرتساو ليلتين
( منها تزور قارمش وانسبروك )
ميونخ ليلتين

عشان نكون واضحين اكثر بيرتساو نمساويه بس على نفس خط العوده الى ميونخ

ماقصروا الخبراء بارك الله فيهم وفيك. ..

افضل لك الآتي

ميونيخ ليله

بريغنيز أو بيزوا أو كونستانس يومين

فرايبورغ 3 أيام

انترلاكن 4 أيام

انسبروك 3 ايام ( اذا ماتبي تشوف عربي ضيف يوم في انترلاكن وخذ لك يومين في فوشن أو شوانقو أو ليرموس أو سيفيلد )

ميونيخ يوم

شكراً أخواني ماقصرتوا على الاقتراحات الجميلة ..

عيبتني المخططات والمدن والقرى اللي ذكرتوها

لكن قررت أعكس الخط ..


وراح يكون توزيع الأيام كالآتي

ميونخ
انسبروك( ومنها قارمش و بيرتساو بما إنهم قراب من بعض )
انترلاكن ( والقرى المجاورة لها )
فرايبورغ ( بادن بادن و ستراسبروغ و الغابات السوداء )
والعودة بعدها إلى ميونخ ..



بس ممكن حد يساعدني
أو إذا موجود موضوع يحتوي على المسافات بين المناطق اللي اخترتها
عشان أرتب الجدول

ميونخ - انسبروك 165 كم ( ساعتين بالسيارة)

انسبروك - انترلاكن 375 كم (4.5 ساعة بالسيارة)

انترلاكن - فرايبورغ 220 كم (ساعتين وربع بالسيارة)

فرايبورغ - ميونخ 425 كم (4 ساعات وربع بالسيارة)

المسافات ومدة السفر تقريبية وتعتمد على الطريق والزحمة والتوقفات

ماقصر الخبير أبو مهاب بذكر المسافات ودايم طروحاته جميله. ..

لمعرفة المسافات استخدم برنامج قوقل خرائط وهناك برامج اخره مثل


Wikimapia.org
Mapquest.com
Mappy. Com
Viamichelin. Com