استفسار خط سير من ميونخ

مساعد · 23-01-2016, 08:34 PM

السلام عليكم

انا مسافر ان شاء الله في شهر خمسه ( مايو )
وابي اللي عنده خبره يساعدني واكون له من الشاكرين

ودي ارتب الخطه اول ماانزل المطار في بداية مايو اخذ السياره واروح لاحد المدن القريبه من ميونخ
وش افضل مدينه ابدا فيها روست او بادن بادن ..
وميونخ تكون المحطه الاخيره

علماً ان من اساسيات الرحله زيارة اليوربارك وليقو وحضور مباراة للبايرن في الاليانز ارينا في تاريخ 13 مايو
وهذا السبب اللي خلاني اقول ابيها اخر شي

فينيسيا لو بغيت اروح لها فيها امكانيه او بعيده ؟!

وشكراً لكم
والله لايحرمكم الاجر

مساعد · 23-01-2016, 08:50 PM

واسامي فنادق بعد الله يعافيكم اذا فيه امكانيه

آخـــرفـــرصـــة · 23-01-2016, 09:26 PM

و عليكم السلام

حياك الله بيننا

شوف المخطط هذا ممكن يعجبك

تاخذ السيارة و تطلع على رست و تقضي فيها يومين عشان يورب بارك
ممكن تمر على ستراسبورغ الفرنسية خلال تواجدك هناك

من رست تروح لبازل مرور و منها لزيورخ تقضي فيها يومين عشان الشلالات

تروح منها لمدينة لوزيرن و هي مصيف السويسريين و تروح لقمة التتلس الثلجية
و تسكن على البحيرة للاسترخاء لمدة يومين

من هناك الى زيلامسي و قضاء 3 أيام فيها

و منها العودة الى ميونخ

الجوكرمعجبون بهذا.

الجوكر · 23-01-2016, 09:50 PM

ماقصر خبيرنا أبو غسان بارك الله فيه. ..

في واحد من الاعضاء على مااظن رحلتكم سواء ...

متى تاريخ العودة؟
وكم شخص؟

مساعد · 23-01-2016, 10:01 PM

رست من ميونخ 3 ساعات وزياده
مايصلح ابدا فيها لاني بمشي اول مااوصل من الرحله كذا متعبه جداً
وانا بجلس تقريباً 15 يوم

هذي الاماكن اللي ابي ازورها
وماهو اقتراحك لخط السير
وشكرً لسرعة التجاوب

ميونخ
يورب بارك ( روست )
استرسبورق (فرنسا)
قارمش بحيرة ابسي
كولمار قرب اينهاتن
هيدلبرق

مساعد · 23-01-2016, 10:03 PM

ماقصر الله يعافيه

العوده ١٦ مايو اذا الله اراد

وشكراً

وجهات أوروبيةمعجبون بهذا.

وجهات أوروبية · 25-01-2016, 06:00 PM

مرحبا اخوي

ممكن اعرف على اي خطوط طيران بتسافر عليها !!
عشان اعطيك مخططي

وايضا ليش ماتكون سفرتك تاريخ 11
والجلوس في ميونخ يومين ومنها تحضر المباراه تاريخ 13
ويوم 14 تبدأ جولتك

على اساس يكون عندك مجال لو تبغي تزور فينيسيا وماترتبط بالمباراه او اي تغيرات ثانيه ماتكون مرتبط بتاريخ المباراه

وايضا على اساس تضمن ان نص شهر مايو جميع النشاطات والفعاليات مفتوحه

بالتوفيق ان شاء الله

وجهات أوروبية · 25-01-2016, 06:02 PM

اقتباس : المشاركة الأصلية كتبت بواسطة مساعد

رست من ميونخ 3 ساعات وزياده
مايصلح ابدا فيها لاني بمشي اول مااوصل من الرحله كذا متعبه جداً
وانا بجلس تقريباً 15 يوم

هذي الاماكن اللي ابي ازورها
وماهو اقتراحك لخط السير
وشكرً لسرعة التجاوب

ميونخ
يورب بارك ( روست )
استرسبورق (فرنسا)
قارمش بحيرة ابسي
كولمار قرب اينهاتن
هيدلبرق

هلا اخوي مساعد المدن الي ذكرتها كلها تمام تقدر تزورها بسهوله

بس سؤالي ليش تبغي تزور هايدلبيرغ !!
يعني معظمها مستشفيات وهي اكثر شي لدارسين الدكتوراه والعلاج

اذا تبغي مدينه اخرى قريبه منها ممكن تزور مانهايم
مدينه اكبر واشرح وحلوه

مساعد · 25-01-2016, 06:08 PM

هلا وغلا بالحبيب شف انسى اللي راح
وشف هالخطه
من تاريخ 2 مايو الى 19
على خطوط لوفتهانزا

قارمش 2،3،4
كونستانت 5،6،7
ستراسبورق 8،9،10
شتوتقارت 11،12
ميونخ 13،14،15،16،17،18

الاقلاع 19

والخريطه مرفقه

الصور المصغرة للصور المرفقة

آخـــرفـــرصـــة · 26-01-2016, 02:45 AM

الخطة روعة

توكل على الله

و لاتنسانا من التقرير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار عن السفر من ايطاليا لـ ميونخ وزيلامسي ارجو المساعده	R7MONI	بوابة ايطاليا	7	25-01-2016 05:02 PM
استفسار عن السفر من ايطاليا لـ ميونخ وزيلامسي ارجو المساعده	R7MONI	بوابة النمسا	1	30-12-2015 12:40 AM
استفسار عن ميونخ	محمد بن منصور	بوابة المانيا	11	04-11-2015 02:26 AM
رحلتي من ميونخ والعودة من ميونخ . آراؤكم	ALRAZEEN	بوابة المانيا	15	03-04-2015 10:53 PM
استفسار حول فنادق ميونخ	مريم	بوابة المانيا	1	17-03-2015 10:24 PM