السلام عليكم ورحمة الله وبركاته

انا لي 6 سنوات وانا اروح لامريكا وكل الرحلات كانت في كالفورنيا وبعض الرحلات يتخللها زياره لنييورك او شيكاغو

والحمد لله هالسنه ربي رزقني بمولوده ووقت السفره بيكون عمرها 10 شهور تقريباً ..

ودي اغير عن كالفورنيا وبنفس الوقت ابي شي مريح مع البنت يعني ودي بمدن تكون التنقلات بالسياره فكرت في اورلاندو بس ماراح استمتع العب وغيرها ..

نصيحتكم

لحد يقول لا تاخذ البنت معك ( لازم اخذها ) ..

بإنتظار آرائكم

وعليكم السلام ورحمة الله وبركاتة

ماشاء الله الف مبروك وتتربى في عزك يارب

انا بقولك نفس الشي أورلاندو وفلوريدا بشكل عام. بشكل عام مريحه وجوها استوائي

بس ما قلت متى الشهر اللي بتسافر فيه؟
وايش رغباتك انت شخصيا والعائله ؟ هل تحب المدن؟ الطبيعه؟ البحر؟
عشان نسهل الاختيار

مثل ما تفضل بوناصر
بأي شهر مسافرين

اشكر لكم سرعة تجاوبكم

بخصوص وقت السفره بيكون من نهاية ابريل الى بداية ماي

العفو

أرى والرأي لكم. فلوريدا خصوصاُ في هذا الوقت بيكون الجو رائع

تسوو ذكريات في ديزني وبعد عمر طويل تاخذو صور في نفس المكان لما تكبر البنت الله يخليها لك ويكون جاها اخو وهكذا

بالاضافه تقدر تاخذ كروز والخيارات كثيره:
- كروز للبهاماز فقط يكون مدة الكروز 4 ايام مع اقامة يومين في الباهاما
- كروز ديزني (يكون كروز عادي بس الثيم ديزني)
كروز عام وهي اللي تروح لدول امريكا اللاتينيه

ليش الكروز!! لأن فيها حضانه وفيها نشاطات للكبار والصغار. وتزور اكثر من مكان

يعني تضرب عصفور بأكثر من حجر من واقع تجربه لأني جربت الكروز 4 مرات والخامسه بعد كم شهر (ان شاء الله)

في كروز جداً رائع للبهاماز هو تابع لمنتج كبير وفخم في الباهامز شفته في امريكا العام الماضي

بحاول اتوصل الليله مع الزملاء في امريكا واجيب لك اسمه

مرحباً بك أخي مرةً أخرى
الكروز اللي قلتلك عليها
world bimini cruise

وهي كروز تابعة لنفس المنتجع


ممكت تخليه أحد الخيارات

يا مال العافيه والله يبو ناصر

شاكر لك جداً سرعة تجاوبك

وبآخذ بعين الاعتبار اقتراحك وبقوم بدراسته ..

وشكراً مره ثانيه

العفو عبدالمجيد
واي استفسارات أخرى أنا حاضر