السلام عليكم

أرجو ترتيب المناطق السياحيه لزيارتها بيوم واحد

يوم الوصول الأربعاء الصباح 9 مارس
والمغادره الأثنين الصباح 21 مارس

جمعت كل المناطق وابي ترتيب لأن مافي وقت والسفر بعد 3 ايام


باص لندن
الاوت لت
عين لندن
ساعة بيغ بن
الاكواريوم
كوفينت جاردن
متجر ام اند امز
متحف الشمع
سفاري بارك
قصر باكنغهام
جيمس بارك
ساحة البيكاديللي
متحف صدق او لاتصدق
هايد بارك
هارودز
شارع اكسفورد
ريجينت بارك
حديقة الحيوان
جسر البرج
برج لندن
هامليز
قرين بارك
حديقة كينغستون ، قصر الأميره ديانا
الطرف الأغر
مصنع كادبوري
قرية المجسمات

وآرائكم اذا في شي مايستحق الزياره واذا في بديل أرجو الإضافه


يعني ودي ببرنامج يومي لاهنتوا

و عليكم السلام

ينقل لاستفسارات بريطانيا

فيه برنامج 10 أيام في لندن مثبت بالبوابة فيه كل هذي الفعاليات تقريباً

بامكانك الاطلاع عليه

وعليكم السلام .... الله يمهل لك وييسر امرك ..

عين لندن ، بيغ بين،الاكواريوم،جسر البرج ( قريبات من بعض ) وفيه بين عين لندن والجسر سوق شعبي ( ستريت فود ) حلو جرب اكلهم ..
متحف الشمع، بيكاديلي ( جنب بعض )
صدق او لاتصدق (جنب البيكادلي ) والطرف الاغر
- كينغستون و باكنجهام و هايد بارك هذا بالنسبة للمكان .. غيره مااقدر لاني مااحب زيارة المتاحف والقصور.

سفاري بارك - 3 ساعات بالقطار ( احجز قبل تروح )
كادبوري - 2 ساعتين بالقطار ويلزم الحجز مسبقا من موقعهم ( في برمنجهام )

كوفنت جاردن ضف معه كامدن وفينيسيا الصغرى
فيه هاري بوتر اذا تحت تزوره
https://www.wbstudiotour.co.uk/
مدري اذا بيمديك تحجز له او لا ...

- الاوت لت برا لندن ( ساعة بالقطار )
- الاكواريوم اذا سبق زرت اكواريوم فلا تزور حق لندن ( موب ذاك الزود ) ورح بداله لشريك ( عرضهم الفور دي حلو مره ) هو ترا حق اطفال بس عجبني عرضهم .

- متحف الشمع احرص تدخل العرض اخر شي ( لان يكون زحمه قبل يفتحون ابواب الصالة بس ما عليك صف معهم وتدخل وعرضهم حلو مره )
- حديقة الحيوان مع ريجنت بارك ولو انها موب مره بعد .
- خذ الباص اول يوم لو حبيت وبيمر بك على كل الاماكن اللي انت ذكرت .
- لندن جميلة وتربطها شبكة مواصلات قوية حاول تستفيد منها وقوقل ماب بيدعمك بقوه مره في كيف توصل للمكان من المكان اللي انت فيه .
- اكثر الاماكن اللي انت قلتها جنب بعض .
- الناس طيبين فلو احترت وانت بالمترو مثلا اسئل اي احد وبيساعدونك على طول ..

اقدر اقولك لندن هي المدينة الوحيدة التي لاتحتاج لترتيب

هي مرتبه نفسها بنفسها واغلب الاماكن جنب بعض ومشهوره يعني فره بالباص يمديك عليها كلها


لذا لاتزعج نفسك وتتقيد بجدول زيارات خلها متى ماشفت نفسك عندك وقت فاضي وفيك شدة تقدر تروح اما مشي للاماكن القريبة والمشي متعه في لندن او في الباص او المترو والتاكسي

وانصحك تحمل برامج مساعده للجوال او اي جهاز اخر تستفيد منه