السلام عليكم ورحمة الله وبركاته

صراحة اول شي اهنيكم بهذا المنتدى الرائع ماشاء الله تبارك الله على روح التعاون


عندي كم استفسار راح اكتبها على شكل نقاط واتمنى تفيدوني عشان ما اقدم ويجيني رفض

* اول شي انا يمني ( حضرمي ) مواليد المملكة العربية السعودية وعمري تقريبا 36 سنة مهنتي سائق خاص وراتبي ماينزل على الحساب بس كل مرة اجمع اجمع بعدين اودع في حسابي وعندي فيزا الانماء وماستر كارد من الاهلي مسبقة الدفع .
* لدى عدد اخوات شقيقات سعوديات وحده منهم تبي تروح بريطانيا سياحة وهي موظفة راتبها تقريبا 6 الاف بالشهر ولازم اروح معاها مع العلم عندنا بيت ملك بإسم اختي الي تبي تسافر . ولنا ابناء عم يدرسون في بريطانيا يحملون الجنسية العمانية .

1- كيف نقدم على التأشيرة اسجل لنفسي واخليها مرافقة معي أو العكس وكم أخلي مدة التأشيرة .
2- فيه أمل انها تجي التأشيرة او صعب بالنسبة لي انا طبعا .
3- بالنسبة لحسابي البنكي الايداعات ما تعتبر شهرية يعني اغيب فترة واودع مثلا 15 الف واخر ايداع قبل كم يوم كان 58 الف كنت مسلف واحد ورجع لي المبلغ تحويل .
4- اذا صار واعطوني الفيزا البريطانية هل تتوقعون اقدر اقدم على شنغن من اسبانيا او كيف ؟
5- اذا بجيب تعريف بالراتب ومسمى الوظيفة , كفيلي فرد الي هو زوج اختي ماراح اقدر اصدقها من الغرفة التجارية مافي الا تصديق من العمدة وهل تشوفون اسوي مسير الرواتب وارسله في الملف ؟

عارف اني دوختكم وسامحوني على الاطالة

والشكر موصول لجميع منتسبي المنتدى

هذي نموذجين

تعهد الكفيل

وتعهد لي انا

مدري اذا كان ناقصها شي او تمام كذا

الصور المصغرة للصور المرفقة

   

و عليكم السلام

الله يحييك يا غالي بين أخوانك

أولاً لازم تعرف أن نسبة قبولك نوعاً ما ضعيفة
فكل اللي تعمله هنا مجرد محاولات يا تصيب يا تخيب

و لا أنصحك بالتقديم الآن لأن بلدك في حالة حرب
و غالباً سيقومون برفضك و قد وضحت هذا من قبل

لكن لو حاب تقدم على أي حال

ما عندنا مشكلة نعطيك الخطوات

حتى لو لي أخت سعودية صعبة ؟

ياليت تعطيني الخطوات استخير الله واتوكل على الله اقدم

طيب ممكن احد يفيدني بالنسبة لهذي النقاط

1- كيف نقدم على التأشيرة اسجل لنفسي واخليها مرافقة معي أو العكس وكم أخلي مدة التأشيرة .

2- بالنسبة لحسابي البنكي الايداعات ما تعتبر شهرية يعني اغيب فترة واودع مثلا 15 الف واخر ايداع قبل كم يوم كان 58 الف كنت مسلف واحد ورجع لي المبلغ تحويل .

3- اذا بجيب تعريف بالراتب ومسمى الوظيفة , كفيلي فرد الي هو زوج اختي ماراح اقدر اصدقها من الغرفة التجارية مافي الا تصديق من العمدة وهل تشوفون اسوي مسير الرواتب وارسله في الملف ؟

شكرا لك اخوي




والله يكتب الي فيه الخير وراح ابلغكم بالمستجدات عشان يستفيدو الاخوان

بالتوفيق اخوي وياليت تخبرنا وش يصير معاك

======================

ينقل الموضوع للاستفسارات

الله يوفقك

ننتظر تحديثك للموضوع