السلام عليكم ورحمة الله وبركاته
حبيت استفسر عن موقع رينتال كار
كيف كانت تجاربكم؟
وهل يصلح اني احجز سيارة في سويسرا من خلاله؟!

وعليكم السلام

الموقع موثوق وأمن

بس هو وسيط مدعوم من بوكينق

أفضل الحجز دوم من الموقع الام لان لو سمح الله تاخرت الرحلة ومن هذا القبيل تجد صعوبه ف استرجاع المبلغ

وأفضل اذا كُنتُم من الرياض او جده المرور ع مكتب لأحد الشركات مثل اليورب كار اقل شيء تأخذون خصم ١٥٪‏ من الموظف

والدفع خلوه اثناء الوصول بس يطبع الفوتشر لكم وقبل ماتذهبون شيكوا ع الأسعار من الموقع اهم شيء القير اوتوماتيك وديزل

السلام عليكم




من واقع تجربه


كنت دائما احجز في رحلاتي من الشركات المعروفه واغلب سفراتي كنت احجز من يورب كار

تعامل راقي وحرص على العميل ماتطلع من عندهم الا وانت راضي مهما كان



اخر مره حاولت اسوي فيها فاهم وحجزت عن طريق رينتال كار لاني لقيت عندهم عرض ارخص


وفي الاخير طلع علي المبلغ اكثر من المتوقع

طبعا مثل مانتم عارفين الموقع وسيط اهم شي عندهم بالموضوع كامل هو التامين الي اثناء الحجز ياخذونه منك من ثم يحولونك على الشركة المؤجرة وانتهينا ..

طبعا استاجرو لي من شكرة بوخ بندر شركة المانية سيئة جدا سياراتهم قديمه مكدودة الموضفين غير محترمين في التعامل خصوصا مع العرب

هذا علاوة على ان مكانهم غير واضح في المطار جلست اكثر من اربع ساعات ادور فرعهم لين حصلته

في مبنا ثاني بينما الشركات المعروفه يورب كار وسكست وبدجت تحصلها بوجهك اول ماتطلع من الصاله

الموضف ساعتين وهو يساومني الا تاخذ تامين شامل على السيارة مع اني مأمن عن طريق رينتال كار

ولما ما اخذت التامين من عنده زعل وصار يبربر ويتكلم كلام ماله سنع وانتم يالعرب فيكم ومايخطيكم مع انه موظف تركي وليته

طبعا اتصلت على رينتال كار مافيه اي رد ارسلت ايميلات مافيه رد كسرت تلفونهم الدولي مافيه اي تجاوب



يعني اخذنا التامين الباقي ماعلينا منه بحريقة انت والشركة المؤجره


ارسلت ايميلات واتصلت عليهم حتى بعد ما رجعت ولا حصلت منهم اي رد حتى وقت كتابتي لهذه التجربه مع ان الكلام هذا قبل سبع اشهر تقريبا



فيه عدة نقاط اذا تبي تستاجر منهم كانو الاخوان ينبهوني عليها ولا كنت مستوعبها الا لما استاجرت من رينتال كار


اذا كان ولا بد انك تاخذ من رينتال كار وحصلت عندهم عرض حلو ورخيص


اولا تاكد من الشركة المزودة للسيارة اذا شركة غير معروفه لا تاخذ منهم

في اوقات تحصل سكست او يورب كار منزلين عرض عند الوسيط اقل من الشركة الاصليه

استاجر من عندهم

لا تدفع تامين .. ل رينتال كار

ادفع تامين من الشركة المزودة للسيارة في الفرع اثناء الاستلام


بكذا استفددت انت من العرض وضيعت عليهم الفرصه انهم يستفيدون وينصبون عليك بمبلغ التامين



تسليم السيارة كذلك في المطار مع ان المكان في الغالب واحد لكل الشركات لكن الشركات المعروفه سهله جدا وماتاخذ منك وقت اما الشركات الغير معروفه يعقدون الموضوع وياخرونك


انا حصلت واحد عراقي شايب مندوب عن شركة بوخ بندر الله يجزاه خير اول ماجيت قال تفضل وماراح اسجل اي شي على السيارة مع ان السيارة كان فيها حكة من الخلف مانتبهت لها الا وقت ماوصلت المطار


اسف على الاطالة .. حبيت انقل لكم التجربة واتمنى تستفيدون منها

الله يعطيهم العافية الاخوان ما قصروا

=======================

ينقل الموضوع لقسم تأجير السيارات