السلام عليكم


اخواني احنا ناوين نروح رحله لامريكا لاول مررره لشخصين ومتحمسه وخايفه بنفس الوقت من التنظيم للرحله وبتكون ان شا الله رحبه سياحه وتسوق ومختارين ولايات الشمال
8ايام لوس انجلوس
3 فيغاس والختام3 نيويورك

لكن الاهم بلوس انجلوس
ابستفسر لان مو عارفين وين نسكن ضايعين بالطرشه فابي

افضل الفنادق وتكون بجانب الاماكن السياحيه ؟ للعلم بناجر سياره

2- شلون واح يكون الجدول انا اعرف بعض الاماكن بس ماعرف شلون انظمها يعني مثلا

بنروح يوم يونيفيرسال ستديوز
ويوم دزني لاند
ووك اوف فيم ومدام تسو
وكاليفورنيا بريمم اوتلت


وشنو بعد الاماكن السياحيه والاسواق الموجوده هناك وهل في اماكن تنصحونها نزورها ومشكوورين

و عليكم السلام و رحمة الله ..

مناطق السكن ب LA .. أنصحك و بشدة تبتعدي عن الداون تاون (غالية جدا, و مرعبة جدا بعد غروب الشمس, و أهم شي ما فيها أي نشاطات تقدري تعمليها)
منطقة هوليوود خيار جيد للسكن أغلب الأنشطة السياحية بتكون حواليكم و أمان أكثر ..

تقدري تزوري منطقة ال westwood .. رايقة للتمشية
و عندك سانتا مونيكا حلو تروحوها.. صغيرة و جميلة و شاطئها حلو كثير ..
فيه أيضا منطقة Marina Del Rey .. سكنت فيها آخر مرة .. أسعار الفنادق معقولة و إطلالتها جميلة على مرسى اليخوت.

لو بتسكني ب هوليوود .. ممكن ترتبي الجدول أن
اليوم الأول: لل walk of fame , Madame Tussauds , الشارع فيه كثير نشاطات و عروض جميلة و محلات ممكن تقضي اليوم فيه
اليوم الثاني ممكن تطلعو برحلة إلى ال Hollywood sign و تاخذو تور في المنطقة
اليوم الثالث في اليونيفيرسال ستوديو
اليوم الرابع سانتا مونيكا و westwood
اليوم الخامس تطلعون للآوت لت
و بالأخير تقضونها في ديزني .. ممكن تجلسون ليلتين بمنتجعاتها .. تستحق التجربة و ممتعة جدا حتى للكبار ( نزلت في Disneyland hotel قبل 3 سنوات و كان فندق جميل جدا و نظيف و مرتب ) طبعا لما تكوني حاجزة في أيا من فنادق البارك .. رح تكون لك الأولوية أن تدخلي البارك قبل الزوار بساعة .. تلعبي براحتك قبل الزحمة

هذا اللي يحضرني حاليا .. و أي استفسار حاضرين و بالخدمة

خصوصوا يومين للشواطئ
3 ايام للملاهي
يوم لزيارة ديزرت هيلز اوتلت - افضل اوتلت
يوم لزيارة ووك اوف فيم - هوليود ساين
عندكم بعد السبكتروم - ذا قروف - سانتا مونيكا حلوين بالليل

لسلام عليكم

وعليكم السلام ورحمة الله وبركاته

اخواني احنا ناوين نروح رحله لامريكا لاول مررره لشخصين ومتحمسه وخايفه بنفس الوقت من التنظيم للرحله وبتكون ان شا الله رحبه سياحه وتسوق ومختارين ولايات الشمال
8ايام لوس انجلوس
3 فيغاس والختام3 نيويورك

فيقاس من خلال تجربتي بلاجيو جدا فخم
نيويورك ماريوت تايمز سكوير 😍
لكن الاهم بلوس انجلوس
ابستفسر لان مو عارفين وين نسكن ضايعين بالطرشه فابي

افضل الفنادق وتكون بجانب الاماكن السياحيه ؟ للعلم بناجر سياره

8 ايام قليلة وراح تظلمون لوس انجلوس 😝
ولكن كأول زيارة لكم اقترح السكن في الشمال ( بيفرلي هيلز او سانتا مونيكا )
الاماكن السياحيه
شاطيء سانتا مونيكا و الثيرد ستريت ( محلات قهاوي مطاعم )
هوليود ( شارع المشاهير او النجوم اسواق ومطاعم + علامة هوليود المشهوره + يونيفيرسال ستديو )
بيفرلي هيلز ( فيها شارع تسوق المشاهير كلها براندات عالميه ايرمز و قوتشي و ال في و ديور .. الخ ) حلو تمرونها بسياره وفيها مطاعم
هذا الشمال
الجنوب
فيه منطقة اناهيم مطاعم ومحلات عربيه + ديزني لاند ومناطق اخرى كثيرة ولكن الايام قليلة هذا الاهم
وفيه اكبر مجمع بلوس انجلوس برضو قريب لاناهيم اسمه ( ساوث كوست بلازا )

والتسوق انصحك اوت لت Desert hills premium outlets ) .افضل واحد بكاليفورنبا وترى بعيد يبي له ساعه تقريباً
بس جميييييع الماركات فيه وكبييير مره مدري تخلصونه بيوم ولالا 😁

2- شلون واح يكون الجدول انا اعرف بعض الاماكن بس ماعرف شلون انظمها يعني مثلا

بنروح يوم يونيفيرسال ستديوز
ويوم دزني لاند
ووك اوف فيم ومدام تسو
وكاليفورنيا بريمم اوتلت


وشنو بعد الاماكن السياحيه والاسواق الموجوده هناك وهل في اماكن تنصحونها نزورها ومشكوورين

بالنسبه للتسوق كتبت فوق اهم 2
ثانياً كثير من اللي يروحون امريكا يبون ميك اب ماركات الدرق ستور ارخص مكان ( ول مارت )
التا بيوتي اغلى بالنسبه للدرق ستور
وبرضو التا بيوتي جميييل لاتفوتيه 😍