ميترو او تاكسي اوبر ؟ + الاوت لت

Manoolitta · 02-05-2016, 03:47 AM

السلام عليكم

رح نروح من انترلاكن الى باريس بالسيارة

اول ما نوصل باريس رح نسلم السيارة في مكتب قريب جدااا من قوس النصر وبعدين نروح فندق جنب ديزني لاند

السؤال 1 : هل نروح بالميترو من المحطة في قوس النصر الى الفندق ؟ او بتاكسي اوبر "uber" ؟

علما اننا زوجين وطفلين ومعانا شنطتين سفر

هل صعب نروح بالميترو ومعانا طفلين و شنطتين سفر ؟ طيب تاكسي اوبر سعره كويس ولا زي التاكسي العادي غالي ؟

السؤال 2 : كيف اسعار الاوت لت اللي قريب من ديزني ؟ اسعارها معقوله ولا برضو غاليه ؟ يعني تبدا من كم الاسعار ؟

وشكرا لكم مقدما

فيصل · 02-05-2016, 08:16 AM

وعليكم السلام

الصراحه جايين من طريق وتعب وحلاتها تستمتع تشوف باريس لو مكانكم وبعيدا عن البحث عن الجانب الأقتصادي سوف أذهب بالتاكسي لكن كم المبلغ تقريبا
للعلم بالمترو راح يكلفكم أذا الأطفال أقل من 6 ممكن 17 يورو
أسعار الأوت لوت لكن أعتقد في جولاي فيه تخفيضات

تابعي موقعهم

https://www.lavalleevillage.com/ar/home/

وجهات أوروبيةمعجبون بهذا.

fanda · 02-05-2016, 08:43 AM

وعليكم السلام

المشوار بعيد من انترلاكن الى باريس اكثر من ٦ ساعات
عموما دام السياره معاكم ليش تنزلون باريس وانتوا ما راح تقعدون فيها؟!
خل مشواركم من انترلاكن الى ديزني مباشره وسلموا السياره هناك ....في مكتب لسكست لتأجير السيارات

بخصوص الاوت لت تقدير الغالي او رخيص يختلف من شخص للثاني بس البضاعة يكون عليها خصم على الاقل ٣٣%‏ وتزيد الى ٧٥% وتراها بالحظ أوقات تلقين أشياء ما تتفوت وأوقات ما تلقين شي يسوى
الاوت لت ملاصق له مول كبير بعد راح تلقين فيه شغلات حلوه وأسعاره مقبوله بعد

أبو مهاب, فيصل و وجهات أوروبية معجبون بهذا.

وجهات أوروبية · 05-05-2016, 10:02 PM

مرحبا اختي

بالنسبه لأستفسارج الاول
اتوقع انتو حاجزين السياره من شركه يوروب كار !!
اذا صحيح فرعهم الي جنب قوس النصر تحت الارض يعني تحت محطه بترول شي كذا
يعني انتبهو للأشارات
اذا هي شركه يوروب كار عطيني اخبر واضبط لج الاحداثيه لمدخل مواقف الشركه عشان ماتخربطون

بالنسبه للذهاب للفندق
لالالا ابدا ما انصح بالمترو ولا تفكرون اختي
لان مترو باريس في كل محطاته تقريبا بوابه الدخول صغيره جدا جدا ولازم يفتحون لكم ابواب الترولي وسالفه
الافضل بدل ماترجعون السياره على طول وانتو دافعين دافعين هاليوم كله
تروحون الفندق تنزلون اغراضكم وترتبون اموركم وبعدها ترجعون السياره بنفس اليوم

بالنسبه للأوت لت الافضل تروحون تشوفون اسعاره هناك لان مايبغيله مشوار
6 دقايق من دزني لاند بالسياره يعني بطريقكم
ومحطه واحده فقط بالمترو من دزني لاند
لاني مب متذكر الاسعار هناك

بالتوفيق

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
~\|\|- ميترو طوكيو Tokyo Metro -\|\|~ ((كل ما تريده))	Prince Kytu	بوابة اليابان	41	29-04-2023 07:23 AM
شــرح قطارات ومحطات ميترو مانيلا (mrt,lrt1,lrt2)	JAKALL	بوابة الفلبين	25	14-05-2019 12:07 AM
الاوت ليت في ألمانيا	Azzam	بوابة المانيا	50	29-09-2018 01:10 AM
اسواق الاوت لت ( outlet ) في اسطنبول.	هوايا شمالي	تركيا	23	10-02-2018 11:58 AM