استئجار سيارة ببريطانيا

استبرق · 09-05-2016, 09:24 PM

السلام عليكم

حابه استفسر عن استئجار السيارات في بريطانيا

أولاً : هل هناك اي مشكلة أو مخالفة لو استأجرت سيارة ل 5 اشخاص واحنا 6 ؟

ثانياً : ايش رايكم بوقع rentalcars.com ؟؟ موثوق ؟
وهل عندكم موقع ترشحونه لي لتأجير السيارات ببريطانيا يكون أسعار زينة ؟

ثالثاً : هل هنالك موقع لتأجير بمنطقة البحيرات Bowness-on-Windermere ؟

رابعاً : ايش الاوراق والمستندات المهم احضارها لمكتب تأجير السيارات ؟

خامساً : هل افضل لي استأجر السيارة اون لاين وادفع قبل اروح استلمها ؟ ولا عادي لو رحت بنفس الوقت ودفعت ؟ يعني هل بيفرق السعر ؟؟

سادساً : هل يصير لو أستأجرت سيارة من لندن وسافرت بها الى البحيرات ومانشيستر ورجعت بها ؟ ولا يفضل اني استأجر السيارة من البحيرات او مانشيستر واجي من لندن بالقطار ؟

وسؤال خارج تأجير السيارات : هل باصات الميغا بوص توصل الى البحيرات ؟ وايضا الى منطقة جنوب البحيرات عند الساحل ؟؟

فارس الجبيل و ابو عبدالله معجبون بهذا.

ابو عبدالله · 13-05-2016, 12:55 AM

اقتباس : المشاركة الأصلية كتبت بواسطة استبرق

السلام عليكم

حابه استفسر عن استئجار السيارات في بريطانيا

أولاً : هل هناك اي مشكلة أو مخالفة لو استأجرت سيارة ل 5 اشخاص واحنا 6 ؟

- النظام يمنع هالشي عشان موضوع السلامة واذا معكم اطفال ( يعني 5 سنين ) فبتحتاجون كرسي اطفال له ... ماني متاكد من العمر لان اعتقد حسب الطول ... يعني كرسي اطفال او جلسة ترفعه شوي وكلها موجوده عند محل التاجير ..

ثانياً : ايش رايكم بوقع rentalcars.com ؟؟ موثوق ؟
- انا استأجرت عن طريقه اول ماجيت بريطانيا وتغربلنا بسبته ، لان السيارة اللي اجرنا ميب متوفره في الفرع اللي عند المطار وكنا محتاجين سيارة كبيره عشان معنا شنط كثيرة واضطرينا نستاجر ونيت منهم .. والشركة قالت مالنا دخل هذا وسيط وهي غلطته هو تفاهموا معه ...
وهل عندكم موقع ترشحونه لي لتأجير السيارات ببريطانيا يكون أسعار زينة ؟

- انصح بمواقع الشركات الرسمية مو الوسطاء وانكم تستاجرون من نفس المطار موب من منطقة قريبة لان اللي بتوفرونه بتصرفون اكثر منه تكسي يوديكم للمكتب اللي استاجرتوا منه وتكسي يرجعكم المطار ...

وهذي شركات التاجير الموجودة بمطار هيثرو
Car Hire Heathrow | Europcar, Enterprise, Avis, Hertz | Heathrow

شوفوا مواقعهم واختاروا الانسب لكم

ثالثاً : هل هنالك موقع لتأجير بمنطقة البحيرات Bowness-on-Windermere ؟

ايه في بس لازم تتواصلون معهم عشان نوع السيارة اللي تبون واكيد الشركات الكبرى اللي برابط المطار لهم فروع هناك ..

رابعاً : ايش الاوراق والمستندات المهم احضارها لمكتب تأجير السيارات ؟
- رخصة دوليه + الرخصة الاصلية
- جواز السفر
- عنوان الاقامة ( صورة من حجز الاقامة )
- فيزا عشان دفع مبلغ الايجار + التامين ... ولو جاكم مخالفات مرورية بيخصمونها منها.

خامساً : هل افضل لي استأجر السيارة اون لاين وادفع قبل اروح استلمها ؟ ولا عادي لو رحت بنفس الوقت ودفعت ؟ يعني هل بيفرق السعر ؟؟

- اكيد يفرق السعر والافضل تحجزون قبل عشان السعر + ان السيارة تكون متوفرة ( او نفس فئتها ) .

سادساً : هل يصير لو أستأجرت سيارة من لندن وسافرت بها الى البحيرات ومانشيستر ورجعت بها ؟ ولا يفضل اني استأجر السيارة من البحيرات او مانشيستر واجي من لندن بالقطار ؟

- الطرق السريعة في بريطانيا جدا متعبة وزحمة وخصوصا لمانشيستر ... فانصح لمانشيستر بالقطار ومن مانشيستر تستاجرون سيارة واشجعكم على هالشي لان هناك جنان واماكن تستحق التوقف والنهار جدا طويل وبيكون هالشي جدا ممتع للتمشيات بالسيارة .. المسافة الى ويندرمير بالسيارة من مانشيستر تقريبا ساعة ونص مليان اشياء حلوة ...

وسؤال خارج تأجير السيارات : هل باصات الميغا بوص توصل الى البحيرات ؟ وايضا الى منطقة جنوب البحيرات عند الساحل ؟؟
- الباصات ماعندي خبرة فيها لانها ومملة ...
لو بتروحون قطار احجزوا من الان اون لاين عشان تاخذون خصم كبير مره يمكن يوصل 70% من سعر الحجز بنفس اليوم خصوصا القطارات هنا غالية شوي

رديت فوق ... ورحلة موفقة ان شاء الله

استبرق · 17-05-2016, 05:11 PM

شكراً لك ابو عبدالله ... بس بعد اذنك ابي تساعدني شلون اختار السيارة ووشلون احجز من الموقع ماعرفت

ابي استأجر السيارة من مانشيستر 3 Jul >> وارجعها في بلاك بول 7 Jul
سيارة ل ٦ اشخاص كبار وشنطيتين كبار

Big_Brother · 17-05-2016, 10:45 PM

للعلم ..

مقود القيادة على اليمين ..

ابو عبدالله · 20-05-2016, 02:27 AM

اقتباس : المشاركة الأصلية كتبت بواسطة استبرق

شكراً لك ابو عبدالله ... بس بعد اذنك ابي تساعدني شلون اختار السيارة ووشلون احجز من الموقع ماعرفت

ابي استأجر السيارة من مانشيستر 3 Jul >> وارجعها في بلاك بول 7 Jul
سيارة ل ٦ اشخاص كبار وشنطيتين كبار

ارشح لك هذا الموقع ...

https://www.enterprise.co.uk

حطي صح على : Return to a different location

عشان يفتح معك خانة مكان الترجيع في مكان ثاني

حطي بالمربع الاول : Manchester

وبالمربع الثاني : FY4 2QY

عنوان مطار بلاكبول

ثم حددي التواريخ من - الى

ثم CONTINUE
الصفحة الثانية تختارين موقع من مواقعه بمانشيستر على حسب وين تحبون ( المطار او التاون او السوق )

ثم ( سيلكت ) والصفحة اللي بعدها المكان من بلاكبول ( ثم سيلكت ) ثم يعرض لكم السيارات ... وانا شفت سيارة سبع مقاعد اسمها فولكسهول سعرها رخيص وهي مناسبة وصناعتها بريطانيه اعتقد فترتكم ب 300 باوند ...
اذا موب واضح انزله بالصور ...

وهذي مواقع شركات اخرى :

Car Hire in the UK, Europe and Worldwide | Avis Car Hire UK

www.europcar.com

http://www.hertz.co.uk/?lnk=CH1

Car Hire | Car Rental | National Car Hire

Budget UK - Rent a Car

https://www.alamo.co.uk

http://www.sixt.co.uk/

ومثل ماقال اكسير الدركسون يمين وتقيدوا بالسرعه ( داخل المدينة 30 ، خارج المدينة اذا موب طريق سريع 60 ، الطريق السريع 70 )

- مافيه لوحات سرعه غالبا بس المكان اللي فيه انوار شوارع هذا سرعته 30 الا اذا فيه لوحة تقول اكثر ، والشارع اللي مافيه انارة هذا سرعته الى 60 ... وترا فيه كاميرات داخل المدن ... واي شي بخصوص انظمة القيادة عادي اسئلوا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استئجار سيارة في لنكاوي	abo_alhish3	بوابة ماليزيا	18	07-07-2019 07:54 AM
استئجار سيارة !	turki2333	بوابة الامارات	5	23-05-2016 04:22 PM
تجربتي في استئجار سيارة مع بعض الحيره !	ياسر	تأجير السيارات	4	07-02-2016 10:44 PM
استئجار سيارة من باريس	الذهبي	بوابة فرنسا	3	08-05-2015 08:08 PM
استشارة بخصوص استئجار سيارة	أبو أسامة	تركيا	12	11-04-2015 10:11 PM