السلام عليكم ،،

احنا عائلة كلنا كبار نبي أماكن حلوة نروح لها في ( لندن ، مانشيستر ، بلاكبول ، ويندرمير )
وايضاً رشحوا لنا مطاعم حلوة في لندن ومانشيستر وبلاكبول .

وايضاً سؤال بخصوص لندن بريج في اشياء حلوة في المنطقة حولة ؟ ودنا نروح لهذيك المنطقة ونمر على الجسر ونتمشى هناك :؟

وأيضاً ابي أسأل عن مانشيستر ودي اخوي يدخل مباراة او يحضر مباراة ؟ كيف ووشلون ؟

وجزاكم الله الف خير ولله يفرج لكم جميعاً .

متى سفرتكم اختي ؟؟
ياريت تشوفين التقارير وبتحصلين اجابات لاستفسارج
وتشوفين اللي يعجبج حفظيه بالملاحظات

وبالنسبة لمنطقة الجسر بتشوفين غير الجسر لندن آي
والاكواريوم وبيت الرعب والمطاعم
بتحصلين مراكب تمشي بنهر السين مع شروحات عن كا مكان يمر فيه
وبعد هناك بيكون قريب من بيج بين

والمطاعم والانشطه بكل لندن حلووة بس لازم تقرين التقارير
علشان تشوفين اللي يناسبكم

التذاكر للمباريات لازم الحجز مبكر
والا بيكون السعر اغلى وبعد ما يحصل

في بياعين بتلاقونهم بين الجمهور يبيعون التذاكر لكم بسعر اغلى
والله كريم

لندن بريدج من اجمل المناطق سياحيا ويجب تخصيص نص نهار لمنطقتها فقط عندك القلعة بجانبها بامكانكم دخولها وكذلك البرج وكذلك سفينة بلفاست والمتحف القائم بها كذلك مبنى بلدية لندن والاماكن المحيطة به وبجانبكم برج شارد والمطعم الي فيه فوق يتيح لكم نظرة بانورامية للندن وتعتبر من اجمل المناطق لدي انا شخصيا ويمكنكم زيارة البيكادييلي مشيا على الاقدام او الكوفنت قاردن واذا مازال فيكم حيل للمشي تكملون للاكسفورد او النايسبريدج وان تعبتوا اقرب باص

ياحلو لندن والتمشي فيها خاصة اذا الجو حلو وغيم ومطر رذاذا خفيف ياسلام اتعب نفسيا من جو لندن



بالنسبة لمانشيستر في وقتكم يمكن يكون الموسم منتهي ولايوجد مباريات لكن عموما جميع ملاعب ونوادي بريطانيا بامكانك دخولها وتعتبر تور سياحي متكامل يمكن زيارته باي وقت تشاء وشراء بعض التذكارات من متاجرها

الله يعينكم على صيام رمضان هناك النهار طويل

مبنى البلدية لا اعلم ان كان هناك برنامج سياحي تور لها او لا لكن اذكر ان فيه كوفي في نفس المبنى ومطعم يمكنكم زيارتها

برج شارد نعم بامكانكم زيارته وهو مخصص للجمهور من بعد الدور 72

The View From The Shard | The Shard

وينديرمير طلعوا لها من مانشستر ماهي بعيدة
و عندكم هناك فندق لورا اشلي احلى منظر

بالنسبة للمطاعم في لندن عندي موضوعين مري عليهم

لندن مررررررره كثيره اماكنها ... ممكن جولات نهرية في التايمز او ليتل فينيسيا ... وانا مسوي كم تقرير عن لندن ... مانشيستر لو رحتوا لايفوتكم سوقهم ستراتفورد ... جدا ضخم وفخم .. ويقال بانه اكبر مركز تسوق في اوروبا ... زرته وتفاجأنا بمنطقة المطاعم فيه فخمه جداااا ... وممكن زيارة ملعب مانشيستر يونايتد او مانشيستر سيتي ... التاون في مانشيستر جميل ايضا