رحلتي وضايع ^^

sa70 · 04-06-2016, 04:09 AM

السلام عليكم

كيفكم ان شاء الله بخير

حبايبي ابي مساعده

شهر عسل من تاريخ 8/6 الى 8/20

المشكله اني ميح جداً الرحله ابيها باريس 7 ايام ثم مفكر بامسترادام الباقي

ابي جدول او راي غير امستردام
لو كلها بفرنسا عادي بس اغير باريس او اروح لدزني ماحجزت شي حتى الان بس جالس بامور التاشيره

وتطبيقات تنفعني وانا مسافر للمترو وكذا قلت لكم غشيم جداً واللغه لابأس اوصل فكرهـ مع مساعدت عمنا قوقل ^^

بانتظار ارائكم وشكراً مقدماً

وجهات أوروبيةمعجبون بهذا.

sa70 · 04-06-2016, 04:16 PM

20 مشاهده بدون ردود

ابو جاسر · 04-06-2016, 05:42 PM

انا أرى انك تأخذ فرة في تقارير واستفسارات فرنسا وراح تستفيد

وجهات أوروبية · 06-06-2016, 11:05 PM

ياهلا ومرحبا والله اخوي

مبارك عليك الشهر
الف مبروك بارك الله لكم وبارك عليكم وجمعكم في خير ان شاء الله

ابشر بسعدك راجع لك اليوم واعطيك كل شي من فنادق وجدول ومحطات مترو وكل الي تحتاجه بأذن الله لاتحاتي ابد

تحياتي

ابو عبدالله · 07-06-2016, 03:02 AM

وعليكم السلام ورحمة الله ...
الله يسعدك ويجمع بينكم في خير ...
دام ابو سعد موجود خلاص امورك في السليم ... وعنده واسطات في باريس بعد ... وباريس ترا العربي يفيدك اكثر من الانقليزي لكثرة الاخوة العرب هناك وهم راعين فزعات .. لو ضعت والا شي ادخل اقرب بقالة بس

وجهات أوروبيةمعجبون بهذا.

sa70 · 07-06-2016, 04:07 AM

بالانتظار بخليها 7 ايام باريس رجعه واول 7 ايام بريطانيا ^^

وعطنا الي عندك ياابوسعد بانتظارك

وجهات أوروبيةمعجبون بهذا.

وجهات أوروبية · 08-06-2016, 12:59 AM

تسلم لي مميزنا ابوعبدالله قاهر الانهار
ماعليك زود والله

مرحبا اخوي الغالي sa70

هنا تغير الموضوع اشويات ههههههه

يعني البدايه بريطانيا تبغي تستقر فيها وتخلي كل ايامك ال 7 في لندن او تبغي تتمشى !!

وطبعا بعد ماتخلص من لندن تروح بالقطار مباشره الى دزني لاند يومين
وبعدها 5 ايام باريس

طبعا بالنسبه لقطار يوروستار في رحله واحده يوميا من لندن الى دزني لاند دايركت
والرحله تقريبا الساعه 10 ونص صباحا
تجلس يومين بدزني لاند
وبعدها تتوجه 5 ايام باريس
عندي جدول جاهز باريس في 6 ايام من ضمنها يوم دزني لاند
يعني لو تلغي رحله دزني لاند من الجدول بالرابط تحت تطلع لك خمس ايام جاهزه بمحطات المترو

http://www.arabtrvl.com/vb/t16538.html

وبالنسبه لليومين في دزني
طبعا هاليومين تكون في ملاهي دزني والمنطقه المحيطه بها جهه البحيره من امام فندق نيويورك ومحطه الرير مارني شيسي
ومنها ايضا زيارات لمجمع فال دي يوروب و اوت لت لافيلا
كلهم بنفس المنطقه

الحين نروح للفنادق

في اربع فنادق تابعه لدزني
واحد داخل الملاهي
و 3 فنادق حوالي البحيره جنب الملاهي
وايضا توجد فنادق اكثر تابعه لدزني لكنها ابعد اشوي من الملاهي

وفي فنادق ثانيه قريبه من الملاهي وقريبه من المجمع والاوت لت

اذا ممكن اعرف كم مخصص ميزانيه السكن عشان نشوف لك الفنادق المناسبه لك في دزني وفي باريس

sa70 و ابو عبدالله معجبون بهذا.

sa70 · 10-06-2016, 04:40 AM

ابيض وجه

بالنسبه لدزني اكيد لازم ^^ يومين عندها بفندق قريب ونشوف ترشيحك

والخمس ايام على الجدول اما المترو حتى الان مافهمته وهل في بطاقه حقت اسبوع ^^

بالنسبه لباريس مدري وين اسكن لقيت فندق قريب من القوس لكن متردد منه شوي اسمه montfleuri

نسمع وجهة نظرك يالغالي

فيصل · 16-06-2016, 02:51 PM

بعد أذن ابوعبدالله
يوم ديزني حلوه الا ذا اتبون تسكنون وتخلون وقت للتسوق صباح وبعدها الي الاستديو والبارك يووم

المترو اذا وصولك الأثنين في بطاقه مناسبه لك أو يفضل تأخذ خلال اقامتك في باريس فقط ومن زون 1 الي 3 فقط

sa70معجبون بهذا.