السالفة اللي بتخليك تعبي ابلكيشن الفيزا كأنك في اختبار نهائي

one pumch man · 20-06-2016, 01:25 AM

السلام عليكم و رحمة الله

الموضوع بكل بساطة و باختصار شديد

انا حجزت موعد في تاريخ 20june فيزا short-term student عبيت الابلكيشن و دفعت الرسوم (تقريباً 506ريال) ونفذت كل الخطوات اللي على يمين الصفحة بحذافيرها،
بعد ما وصلت للخطوة الاخيره وطبعت الابلكيشن لاحظت وجود اجابات خاطئة على الاسئلة اللي في الابلكيشن و التواريخ بعد فيها اخطاء، طبعاً بعد البحث عرفت انه مافي اي مجال اني اعدل الاخطاء هذي، ولو تغاضيت عنها و سلمت المستندات في الموعد اللي حجزته راح تكون نسبة احتمال رفض الفيزا كبيره، و اذا انرفضت لك الفيزا مره يصعب عليك انك تقدم على فيزا في المره ثانية

عموماً لغيت الموعد وفتحت ابلكيشن جديد وعبيته هالمره بدقة متناهية كأني احل معادلات و دفعت رسوم مره ثانية للاسف (الى الان انفقت من جيب والدي 1012ريال) و موعدي راح يكون في 21june، و انا مو من سكان الرياض لذلك انا اكتب الموضوع حالياً وانا في الفندق وموعدي بعد بكرا الصباح فلذلك اضطريت امدد فترة اقامتي هنا يعني مصاريف اكثر غير تذاكر العوده اللي لو ابي أاجلها لازم ادفع ٤٠٠ ريال زياده

المعضله الصدقية و المشكلة اللي اواجهها الآن هي اني لي ٦ ساعات احاول اطلب Refund ابي استرجع رسوم الموعد الاول اللي حجزته و لغيته بسبب الابلكيشن و الموقع يقول لي applicante detalil dose not exist !!!!!!!!!!!! يقول ان بياناتي غير موجوده مع اني كتبت الrefrence number and the last name نفس ماهو مكتب في موقع visa4uk !! والله انا ماعندي مشكله انتظر شهرين ولا سنه عشان يرجعون لي الفلوس بس يجحدون بياناتي بكبرها خير !!

ما اقول الا حسبي الله و نعم الوكيل ابوي لو درى بيحسبني سبيكة و يكسبون من ورا ظهري و هذا فعلاً اللي قاعد يصير
اتوقع الحل الوحيد اني بتسلف رسوم الفيزا الاولى من اي احد و اعطيها للوالد و اقوله انهم رجعوها و الله يعين

الفائدة الوحيده اللي ممكن تجنيها عزيزي قارئ الموضوع من قراءة الموضوع هو انك تقرا الابلكيشن مليون مره قبل ماتضغط على submit و تعض اناملك

آخـــرفـــرصـــة, فارس الجبيل و tab_el معجبون بهذا.

آخـــرفـــرصـــة · 20-06-2016, 04:07 AM

و عليكم السلام

الله يحييك بيننا

مبروك التقديم و ان شاء الله تيسر أمورك

ارسل لهم ايميل بالموضوع من هنا

UK Visas & Immigration

فارس الجبيلمعجبون بهذا.

فارس الجبيل · 20-06-2016, 04:18 AM

وسع صدرك وانا اخوك ولايضيق خلقك دافعة بلا بأذن الله عنك وعن والدك ومن تحب

اذا جى يوم موعدك استشر اقرب مكتب عن الطريقة واذا يبي فلوس طنشة وفي المكتب الموحد علمهم بالعلم كامل وماراح يقصرون معك ان شاء الله كل شي موجود وموثق بالارقام حتى لو خذيت كشف حساب من البنك يفيد بخصم اول مبلغ واظهاره لهم في يوم المقابلة ويرجعون رسومك ان شاء الله

اتمنى لك التوفيق وسفرة سعيدة بأذن الله تنسيك ايام القلق والتعب الي عشتها

tab_elمعجبون بهذا.

فارس الجبيل · 20-06-2016, 04:19 AM

او عل الأقل يخلونها لمدة سنتين بدال 6 شهور

tab_el · 20-06-2016, 07:33 PM

تتسهل بإذن الله

مثل ماقالك اخر فرصة ارسلهم ايميل وشوف

موفق وعقبال الفيزا

الغردقاوي · 27-12-2016, 09:29 PM

صدقت لابد من التروي كثيرا والتدقيق جدا قبل إرسال الطلب وخصم القيمه
وخصوصا أنه ربما أي معلومه تكتب خطأ قد تتسبب في رفض التأشيره

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مساعده في ابلكيشن فيزا المانيا	brig almas	فيزا	5	26-05-2016 07:42 AM
ايش الموقع اللي اتأكد منه اذا الفيزا البريطانيه خلصت او لا ؟	أبو ريان 2017	فيزا بريطانيا	5	09-06-2015 06:13 PM
لازم اعبي ابلكيشن لكل شخص في العائلة ؟	mno	فيزا بريطانيا	1	17-05-2015 01:41 AM
مساعده في تعبئة ابلكيشن الفرنسيه	memo	فيزا	16	03-05-2015 08:32 PM