السلام عليكم

انا مخططه اروح لندن بتاريخ ١٩ اوقست، وعندي بعض الاستفسارات عن الفيزا.
حنا ٥ اشخاص( انا والوالده واختي واثنين من اخواني) ، سويت الابليكشن لنا الخمسه من نفس الاكاونت والاكاونت باسمي،و خطتنا ان انا والوالده بنتكفل بالمصاريف.
- اختي موظفه بقطاع خاص ( مدرسه خاصه) لما عبيت الابليكيشن حقها خليتها غير موظفه وكتبت اني انا راح اتكفل بمصاريف رحلتها لان راتبها ضعيف و ما عندها تعريف من العمل (المدارس عطله). هل صحيح اللي سويته ؟ او المفروض اني حطيت انها موظفه ؟ و ماهي المستندات اللي لازم ارفقها مع الابليكشن حقها؟ لازم اسوي خطاب تكفل بالمصاريف مني لها حتى وانا مسافره معها ؟

- بالابلكيشن حق اخواني حطيت ان امي هي اللي راح تتكفل بمصاريفهم لانهم طلاب واحد بالجامعه والثاني اصغر من ١٨ . هل يلزمهم خطاب تكفل بالمصاريف والوالده مسافره معهم ؟

- بالنسبه لخطاب التعريف من العمل ، اسم العائله اللي انا مسجله فيها بالعمل مكتوبه بطريقه لا تطابق الجواز فهل هذا يسبب مشكله ؟ مع العلم ان خطاب التعريف يصير اتوماتك من السستم يعني مقدر اغير طريقه كتابه اسم العائله

-هل في رصيد معين لازم يكون موجود في كشف الحساب ؟


- يوم المقابله وتسليم الاوراق بيكون يوم ١٢ جولاي ، إلى اي يوم لازم يغطيه كشف الحساب ؟
من ١ جانوري الى جون او لازم يغطي إلى يوم المقابله ؟


- هل يلزم حجوزات الطيران و الفنادق ؟


- كم المده لاستخراج الفيزا ؟ وهل ممكن تطلع قبل ١٩ اوقست او اغير حجزي ؟



شكرا لكم مقدما وكل عام وانتم بخير