مساء الخير
اشكر القائمين على هالقسم الجميل وحبيت اشارككم تجربتي

بالبداية حجزت موعد بتاريخ 20 يونيو بمركز التأشيرات بجدة مع اني من سكان القصيم بس وقتها كنت في جده وقدمت هناك وكانت درس لي اني ما اقدم فيه مره ثانيه لأن اجرائاتهم بطيئة جداً مقارنة بالرياض

* وصلني اول ايميل بتاريخ 30 يونيو من السفارة البريطانية في (الرياض) "بعد 10 ايام من التبصيم" تفيد ان الجواز وصلهم وجاري العمل عليه .. يعني اي شخص يقدّم من جده او الخبر الجواز يروح للرياض يعتمد وبعدها يرجع وهذا اكيد راح يطوّل مدة الانتظار

* وصل الايميل الثاني بتاريخ 7 يوليو تفيد انه تم الانتهاء من الجواز وجاري ارجاعه للمصدر .. يعني شغل السفاره ما استغرق الا 7 ايام عمل شامله الويكند واجازة العيد !!

*وصلني رسالة على الجوال بتاريح 11 يوليو يفيد بأن الجواز جاهز للتسليم من مركز التأشيرات في جدة مع العلم اني طالب توصيلة للقصيم عن طريق ارامكس

*جلست بعدها يومين افكر امشي لجده لانه ما وصلني اي رسالة بعدها تفيد انه تم شحن الجواز !

* وصلتني رسالة اليوم بتاريخ 13 يوليو من شركة ارامكس يخبروني ان الجواز وصل عندهم ورحت واستلمته

* الاوراق اللي قدمتها :
1- موعد التبصيم
2- ورقة قبول المعهد
3- ورقة المتكفل بالمصاريف مع صورة جوازة وتوقيعه
4- تعريف بالراتب للمتكفل بالمصاريف باللغة العربية وما قدمت معه ترجمه
5- كشف حساب بنكي للمتكفل بالمصاريف لمدة 3 شهور باللغة الانجليزية

*نوع التأشيرة كان (study shory term) مدتها 6 شهور

* نصيحة لأي شخص بيقدم على هالسفارة وباقي على سفرته اقل من شهرين يدفع رسوم التسريع ويريح راسه من حرق الاعصاب

عقبال وصول تأشيراتكم بإذن الله