السلام عليكم و رحمة الله و بركاته

إخواني عندي أسئلة بخصوص استخراج فيزا الشنغن من سفارة النمسا و إن شاء الله ألقى الأجوبة عندكم

1- دخلت على موقع مكتب التأشيات الموحد الموجود في أم الحمام في الرياض علشان أحجز موعد لكن لقيت الفروع بس في جدة و الخبر - فهل هذا معناه إني أقدم على السفارة مباشرة لو كنت موجود في الرياض ؟

2- سويت أبليكيشن على موقع مكتب التأشيرات الموحد و أضفت زوجتي معي في نفس الطلب, لكن عجزت أحجز موعد صار لي تقريبا 3 أيام أحاول أحجز ,,, إما مافي أيام متاحة , أو إذا طلع لي يوم متاح يطلع فيه وقت واحد بس مدته 15 دقيقة و لما أختاره تطلع لي رسالة خطأ تقول ( اختر تاريخ آخر و توقيت آخر لأن جميع المتقدمين حجزوانفس التوقيت)

3- أنا ناوي أروح النمسا و ألمانيا و فرنسا ( أكثر الأيام في النمسا ) في إجازة الحج إن شاء الله يعني على شهر سبتمبر, فلو إني مالقيت موعد إلا في شهر أغسطس مثلا هل بيمديني أطلع الفيزا و كم الوقت اللي تاخذه غالبا ؟

4 - بعد البحث في العم جوجل لقيت موقع www.bmeia.gv.at و مكتوب إني أقدر أسوي موعد على السفارة في الرياض من هذا الموقع, فهل هالكلام صحيح و لا لازم من مكتب التأشيرات الموحد ؟

هذي بعض الأسئلة اللي في بالي حاليا , و لا نستغني عن خبرتكم في باقي الأسئلة لاحقا

و جزاكم الله خيرا