السلام عليكم .. كل عام وانتم بخير وصحه وسلامه
سؤالي منطقة ستريزا هل هي قريبه من ميلان او من لوقانو سمعت مدح لها وحبيت اعرف معلومات عنها وهل تستحق الزياره وكيف يمكن الوصول لها بالقطار طبعا الله يعطيكم العافيه .. سفرتي بعد اربع ايام ودي ارتب جدولي باهم الامكان السياحيه ..

ستريزا الافضل زيارتها من ميلان لان لها رحلات مباشرة بالقطار ومدتها ساعه
وتطلع من محطة ميلان سينرالي الى محطة ستريزا

وللعلم للذهاب لها بالقطار من لوجانو تقريبا 3 ساعات وما انصحكم فيه

وستريزا قرية صغيره وجميلة وتقع على بحيرة ماجيوري
ومنها رحلات جميلة بالسفينة الى جزيرة ايسول بيلا

وقربها وعند مرسى رحلات السفن الثاني الى جزيرة ايسولا بيلا يوجد تلفريك يصعد الى قمة Mottarone
واللي فيها الزحليقة الصيفية ALPYLAND
ويبعد عن وسط ستريزا كيلو ونصف وعن محطة القطار كيلو

وهذا تقرير لي يمكن يفيدك وبتلاقي بعض التفاصبل والصور عن ستريزا في الصفحة الرابعة والخامسة وفي جدول اليوم العاشر
http://www.arabtrvl.com/vb/t5104-4.html

كل الشكر والتقدير ..

السلام عليكم .. انا باذن الله قررت اروح لستريزا من ميلان بعد ماشفت تقرير الاخ مقدام عندي بعض الاستفسارات الان اذا وصلت لستريزا ونزلت محطة القطار كيف اوصل للسنتر والمطاعم والبحيره وكذلك كيف اوصل للزحليقه الصيفيه والتلفريك وهل الزحليقه الصيفيه مناسبه للشباب من عمر ست طعش وفوق والا مناسبه للاطفال ..

الزحليقة مناسبة لكل الاعمار ومن القمة اطلالات جميلة على بحيرة ماجيوري

ممكن اول ما توصل تروح مشي لمكان التلفريك اللي يوصل الى الزحليقة
وقربه العبارات اللي تروح الى جزيرة ايسول بيلا


وبعد ماترجعون من الجزيرة تروحون مشب كيلو ونص الى ستريزا وفيها المطعم والكوفيات


واذا ما تريدون الزحليقة روحوا مباشرة الى ستريزا وفيها ايضا عبارات توصل الى الجزيرة




وهذي خريطة ممكن تفيدكم

هذي فيديوهات عن الزحليقة

الف شكر للعميد مقدام والله يجعله في موزاين حسناتك ��