السلام عليكم
عدت للامس من المانيا بعد قضاء 17 يوما ولله الحمد
و الان احب ان اشارككم تجربتي مع شركة ليست بجديدة و لكنها غير متعارف عليها بيننا العرب
حجزنا كان مع شركة انتربرايس عن طريق موقع رنتل كار للوساطة
وسبب اختيارنا لهذي الشركة رخص سعرها
بحثت قبل ان احجز و خرجت بعده معلومات منها ان اللي يحجز من رنتل كار لا ياخذ منهم تامين شامل و يطلبه من الشركة لوصل المطار لانهم لو صار شي انت بتدفع الفلوس و لرجعت اجلس طالبهم يرجعون لك.. و الشي الثاني انتربرايس ياخذون مبلغ على خروجك خارج المانيا
اخترنا في البداية سيارة اوبل انسيما اوتوماتيك غير محدد ديزل او بنزين بقيمة 1800 ريال لمدة اسبوعين شامل تامين الطرف الثالث و تامين حوادث
و لما وصلنا المطار رحنا لمكتبهم و كان صغير قبل باب الخروج نهاية صف مكاتب التاجير بعد يورب كار و بدجت و سيكست
سالتنا الموظفة اذا بنطلع برا المانيا قلت ايه و اخذت سبعين يورو بمعدل 5 يورو باليوم
و اعطتنا ورقه قالت انزلو القراج تحت لدور شركتنا يسلمونكم السياره و تفاهمو معهم على التامين
نزلنا لموظفه تحت قالت سيارتكم كيا اوبتما قلنا كيف حنا حاجزين اوبل جلست تضحك قالت تبون اوبل عطيتكم هذي احسن !!!
قلنا حنا ما نعرف كيا ولا عمرنا شفناها اذا تقولين احسن بناخذها 😅
وفعلا ما شاء الله السياره كانت ماشيه بس عشر الاف وواسعه الكراسي بينها مسافات حلوه للجلوس و شنطة السيارة اخذت عزبة طبخ و ثلاث شنط كبار ر باقي مساحه بعد
و جتنا ديزل بدون طلب و قالت لنا الموظفه اصلا اغلب سياراتنا ديزل
و التامين الشامل؟؟ قالت التامين بثلاث مية يورو قلنا كثيير نفس سعر ايجارنا هذا قالت لا صح سعركم 250 قلنا اكيد !! قالت لا صح 230 اكييد
قلنا زين و اخذنا التامين و استلمنا السياره بمجموع اقل من ثلاث الاف ريال
ولما جينا نرجع السياره ما نظفناها كانت مغبره من برا بعد مطر بس داخل السياره ما كانت متوسخه ولا طلبو مننا رسوم تنظيف حسب ما سمعنا من بعض الاخوان هنا في شركة يورب كار
و سلمنا السياره بمكتب لقيناه داخل ميونخ واخذو مننا رسوم 25 يورو لاننا ما رجعناه للمطار
وما اخذو مننا وديعه قالو التامين الشامل يكفي
وهذي صورة السياره
[IMG]
[/IMG]
1الاعجاب
25-07-2016, 04:01 PM
تجربتي الناجحة مع شركة انتربرايس enterprise عن طريق رنتل كار 
العرض العادي
المواضيع المتشابهه 
