السلام عليكم
حاليا قاعد ادرس واخطط حق رحلة الى سويسرا وفي بالي هذي المناطق حاليا

جنيف ( أفكر ما اقعد فيها يعني بس يوم واحد واليوم الثاني طالع منها )
انترلاكن ( أفكر اقعد فيها وايد )
لوقانو ( يومين )

تنصحوني بمناطق ثانية بجمال الى ذكرتهم مثلا البحيرة الزرقاء وين موجودة ؟ القلعة الصراحة ناسي اسمها بس مشهوره وين موجوده الى مطله على البحر ؟

بما انه معي والدي او والدتي واختي المفروض يكون عدد أيام السفر الى اهو 15 يوم

وعليكم السلام ورحمة الله وبركاته

متى سفركم وهل حجزتوا التذاكر او لا ووين بيكون مطار الوصول والمغادرة


وتنقلاتكم بتكون سيارة او قطار




البحيرة الرقاء ممكن تزورونها من انترلاكن وتبعد عنها 37 كم حوالي 40 دقيقة


والقلعه اللي تقصدونها اعتقد انه قلعة تشيلون chateau chillon
Chillon Castle - The medieval fortress on the shores of Lake Geneva near Montreux is the most visited monument in Switzerland
وهي قريبة من مونترو


هذي بعض التقارير اللي ممكن تفيدكم


جنيف اين تذهب فيها واين تذهب منها ..
أماكن سياحيه قريبه من أنترلاكن وماحواليها
احداثيات ومواقع الاماكن السياحية في سويسرا وما حولها
انترلاكن ..وماجاورها ...في اسبوع.
قمة تتلس الثلجية وشلال انجيلبيرج
انترلاكن ( الدليل الشامل ) احداثيات - برامج يومية - فنادق

تخطيط ممتاز بس أضف عليهم مونترو ولوقانو في حال رجوعك من ميلان

ولو تخلون وصولكم على زيوريخ راح يكون افضل

حاليا مبدئيا احنا مخططين تكون الرحلة اما في شهر 1 او شهر 3 او شهر 6 يعني واحد من هالثلاثه
المشكله نبي نروح ونشوف خضره سويسرا اخاف ادا رحنا 1 او 3 ما راح انشوف الى الثلج وراح نتجمد وما نستمتع كثير

في بعض الاشياء محيرتني فرضا اذا بروح اكثر من منطقة يعني تنصحوني اقعد في كل منطقة يومين ؟ او ثلاثة ؟
يعني لكل منطقة لازم يكون له سكن منفصل صح ، وبخصوص تنقلاتي لحد الان محتار انه اشوف بالنسبه ليه بما انه بتنقل من مكان لمكان افضل سيارة بحيث احط العنوان وامشي عليه بس يعتمد على ايهو ارخص سواء السيارة او القطار ؟

وبخصوص ميلان او غيره حاليا افكر نكون في سويسرا فقط وان امكن ناوين نروح المانيا حق يوروب بارك .. اقدر اكنسل هذي الخطوه اذا في سويسر حديقة العاب ممتازه وومتعه حق كبار السن يعني الاعمار 20 - 30

ننتظر اراء المجربين والخبراء .. يعطيكم العافيه

سويسرا افضل وقت لزيارتها غي اشهر الصيف من شهر مايو الى نهاية شهر سبتمبر

وبالنسبة للتنقلات فالافضل والاريح لكم بالسيارة


وحدائق الالعاب افضل شيء لكم هو زيارة اليورب بارك لان سويسرا ما فيها حديقة العاب مميزه
نفس اليورب بارك


مقترح مبدئي


الوصول والمغادرة جنيف


يومين الى 3 ايام مونترو


6 الى 7 ايام انترلاكن


3 ايام الغابات السوداء وممكن تسكنون في رست او فرايبورج او بادن بادن


وهذي تقارير مفيدة
برنامج سياحي لبادن بادن بالاحداثيات 2015
جدول رحلاتي في رست والغابات السوداء
الغابات السوداء ..في أربعة ايام ...جدول سياحي.


3 او 4 ايام جنيف وممكن تسكنون في القرى الفرنسية اللي حولها مثل ديفون او فرنيه او تواريه او ممكن تسكنون في مدينة انسي الفرنسية
ومنهم تزورون انسي و شاموني و تتسوقون في جنيف ولوزان