رايكم يهمني دبي في 7 ايام

عبدالله التميمي · 03-08-2016, 08:22 AM

السلام عليكم ورحمة الله

ان شاء الله سفرتي الى دبي في تاريخ 17سبتمبر
ولمدة اسبوع كامل لشخصين و سويت جدول وحبيت اعرضه
عليكم واذا كان فيه شي ناقص تكملونه

بسم الله

اليوم الاول(السبت)
الاقلاع الساعة 11:40 الوصول الساعة 2:30 السكن فندق
ناسيما رويال طريقة الوصول للفندق عن طريق محطة
المركز التجاري العالمي الغداء في الفندق
ــــــــــــــــــــــــــــــــــــــــــــــــــ ــــــــــــ
مساء اليوم الاول مشاهدة فيلم/ عشاء (اقتراحاتكم)

اليوم الثاني(الاحد)
افطار ثم الذهاب الى اكوافنتشر عند الساعه 12 ظهرا عن طريق محطة نخيل اتلانتس (هل هي مفتوحه.؟) اذا لا(اقرب محطة.؟)
ثم الاكمال بالتاكسي
ــــــــــــــــــــــــــــــــــــــــــــــــــ ــــ
مساء اليوم الثاني مشاهدة فيلم/ عشاء(اقتراحاتكم)

اليوم الثالث(الاثنين)
يكون مخصص لبرج خليفه و الاماكن المجاورة

اليوم الرابع(الثلاثاء)
يكون مخصص لل jbr نبي نلعب بالباراشوت المائي
(وين مكانه بالضبط + كيف طريقة الحجز)

اليوم الخامس(الاربعاء)
غداء ثم الذهاب الى سوق التنين عن طريق محطة الراشديه ثم
الاكمال بالتاكسي
ــــــــــــــــــــــــــــــــــــــــــــــــــ ــــــــ
مساء اليوم الخامس عمل مساج بعد السوق الصيني عشاء(اقراحاتكم)

اليوم السادس (الخميس)
يكون يوم حر لكل شخص حرية الذهاب الى أي مكان
انا مخطط اروح لنادي الشوت قن (وين مكانه بالضبط +كيف طريقة الحجز)

اليوم السابع(الجمعة)
دبي فيستفال عن طريق محطة طياران الامارات
ــــــــــــــــــــــــــــــــــ
مساء اليوم السابع مشاهدة فيلم /عشاء (اقتراحاتكم)

اليوم الاخير(السبت)
غداء و جمع الشناط واذا فيه حاجه ناقصه نكملها
موعد الاقلاع الساعة 8:30 العشاء

هذا هو الجدول وش رايكم وش ازيد وش انقص واذا عنكم افكار ثانيه اطرحوها

عشقي السفرمعجبون بهذا.

عشقي السفر · 03-08-2016, 05:35 PM

اقتباس : المشاركة الأصلية كتبت بواسطة عبدالله التميمي

السلام عليكم ورحمة الله

وعليكم السلام ورحمه الله وبركاتو

ان شاء الله سفرتي الى دبي في تاريخ 17سبتمبر
ولمدة اسبوع كامل لشخصين و سويت جدول وحبيت اعرضه
عليكم واذا كان فيه شي ناقص تكملونه

اهم عامل من عوامل نجاح الرحله هو التخطيط بالتوفيق

بسم الله

اليوم الاول(السبت)
الاقلاع الساعة 11:40 الوصول الساعة 2:30 السكن فندق
ناسيما رويال طريقة الوصول للفندق عن طريق محطة
المركز التجاري العالمي الغداء في الفندق

ممتاز لكن راح تحتاج تمشي خلال جسر المشاه من المحطه الى الشارع المقابل للمحطه وتمشي مسافه الى الفندق تقريبا 10 دقايق مشي من المحطه الى الفندق او تنزل من المحطه وتاخذ تكسي الى الفندق

ــــــــــــــــــــــــــــــــــــــــــــــــــ ــــــــــــ
مساء اليوم الاول مشاهدة فيلم/ عشاء (اقتراحاتكم)

ارشح لك الوافي مول تروحه بالتكسي لانه الاسرع او عن طريق المترو من المحطه القريبه منك الاى محطه مركز برجمان تنزل بالمحطه وتروح محطه برجمان للمترو الخط الاحمر ونركب المترو الى محطه الوافي مول وتنزل ثشوف المول

اليوم الثاني(الاحد)
افطار ثم الذهاب الى اكوافنتشر عند الساعه 12 ظهرا عن طريق محطة نخيل اتلانتس (هل هي مفتوحه.؟) اذا لا(اقرب محطة.؟)
ثم الاكمال بالتاكسي

طريقه الوصول الى فندق الاتلانتس تركب من محطة مركز دبي التجاري وتنزل في محطه دماك العقاريه وتمشي بالجسر المكيف الى الطرف الاخر وتجد محطه الترام وتوكب الترام الى محطه الجميرا بالم وتنزل تلقى محطه مونوريل وهو قطار كهربائي يخذك من طرف النخله مباشره الى فندق اتلانتس هذي الطريقه الاولى

والطريقه الثانيه تاخذ المترو من محطه مركز دبي التجاري الى محطه النخله وبالتكسي الى اتلانتس

ادخل موضوعي عن موصلات دبي وتلقى الطريقه بالتفصيل

http://www.arabtrvl.com/vb/t13856.html

ــــــــــــــــــــــــــــــــــــــــــــــــــ ــــ
مساء اليوم الثاني مشاهدة فيلم/ عشاء(اقتراحاتكم)

وانت راجع من الاتلانتس حسب الطريقه اللي بتستخدمها فاذا ركبت المترو انزل في محطه الامارات مول يوجد بالمول المدينه الثلجيه والسينما والمطاعم المتنوعه

اليوم الثالث(الاثنين)
يكون مخصص لبرج خليفه و الاماكن المجاورة

دبي مول وبرج خليفه وسوق البحار وبوليفارد الشيخ محمد بن راشد كلها منطقه واحده

عندي اقتراح لهذا اليوم وهو ان تجعل زياره برج خليفه والمنطقه اللي حولها في نفس اليوم اللي بتزر فيه السوق الصيني لان احس متعة المكان من بعد العصر ويوم كامل كثير واقتح هذا اليوم تزورون فيه ابوظبي تاجرون سياره او تروحون مع قروب مثل كذا

https://www.cobone.com/ar/deals/duba...l-pickup/44946

وهذا

https://www.cobone.com/ar/deals/duba...ri-world/40897

وتزورون عالم فيراري وجزيرة ياس ومول ياس واذا كفاكم الوقت زياره مسجد الشيخ زايد الله يرحمه

اليوم الرابع(الثلاثاء)
يكون مخصص لل jbr نبي نلعب بالباراشوت المائي
(وين مكانه بالضبط + كيف طريقة الحجز)

الجي بي ار ومرسى دبي متجاورات وتقدر تتنقل بينها بالترام ومشي يوجد بالمنطقه سينما و تلقى كونترات التاجير منتشره على الشاطئ او في كوشكات حول المحطه الترام لكن ماعندي خلفيه عن افضلها سعر تقدر تحجز من النت ومن احد المواقع اللي يقدم عروض مميزه هو

https://www.cobone.com/ar/deals/activities-dubai

ابحث بالموقع تلقى عروض على اغلب الفعاليات حتى تذاكر الاتلانتس وممكن تحجز رحله عشي بالقارب تنطق من مرسى دبي

ممكن تاخذ تكسي من الجي بي ار وتزور 1- سوق مدينه الجميره او 2- السيتي ووك او 3-ذا بيتش او 4- لاست إكزت ومطاعم ومقاهي واماكن رايقه

http://www.arabtrvl.com/vb/t20583.html

اليوم الخامس(الاربعاء)
غداء ثم الذهاب الى سوق التنين عن طريق محطة الراشديه ثم
الاكمال بالتاكسي

انصحك تروح بعد الفطور مباشره وتروح السوق الصيني وتخلي الغدا خفيف من احد المحلات هناك يوجد فرعين للسوق سوق الصيني القديم وحاليا فتح مبنى جديد لكن الاول يناسبكم من حيث البضاعه والثاني ممكن تلقى مطاعم افصل وبعد كذا في طريق العوده من السوق الصيني تكسي الى المردف سيتي سنتر للان على الطريق ممكن تجربه اللعب في اي فلاي تحتاج منكم ساعه وفي سينما والعشا هناك وبعد كذا العوده الى محطه الراشديه والى الفندق

ــــــــــــــــــــــــــــــــــــــــــــــــــ ــــــــ
مساء اليوم الخامس عمل مساج بعد السوق الصيني عشاء(اقراحاتكم)

اذا كان المساج في الفندق خله لما ترجع من المشاوير لانه تحتاج تسترخي بعده وجهة نظري

اليوم السادس (الخميس)
يكون يوم حر لكل شخص حرية الذهاب الى أي مكان
انا مخطط اروح لنادي الشوت قن (وين مكانه بالضبط +كيف طريقة الحجز)

للاسف ماعندي خلفيه عنه

اليوم السابع(الجمعة)
دبي فيستفال عن طريق محطة طياران الامارات

عند المحطه راح تاخذ تكسي الى المول

ــــــــــــــــــــــــــــــــــ
مساء اليوم السابع مشاهدة فيلم /عشاء (اقتراحاتكم)

ممكن تحجز رحله عشا على القارب في خور دبي تنطلق من قرية البوم النطقه قريبه من فيستفال سيتي او ممكن تخلي زياره دبي مول وبرج خليفه في هذا اليوم

اليوم الاخير(السبت)
غداء و جمع الشناط واذا فيه حاجه ناقصه نكملها
موعد الاقلاع الساعة 8:30 العشاء

هذا هو الجدول وش رايكم وش ازيد وش انقص واذا عنكم افكار ثانيه اطرحوها

من الاقتراحات اللي ممكن تدخلها بالجدول اذا كنتو من هوات البر والتخييم والتطعيس توجد رحلات سفاري في دبي مثل هذي

https://www.cobone.com/ar/deals/acti...l-pickup/47697

وهذا

https://www.cobone.com/ar/deals/acti...1-aed-79/47413

وهذا

https://www.cobone.com/ar/deals/acti...i-98-bus/46991

طبعا انا اعرض الروابط هذي حتى تاخذ فكره عن الجولات وانواعها لكن ممكن تحجز منها او اذا وصلت دبي تشةف اذا الفندق اذا عنده مكتب للرحلات والجولات ممكن تلقى عندهكم عروض او ممكن تشوف احد المكاتب السياحيه الاماراتيه اللي تنظم مثل هذي الجولات وتستمتع انا رشحت لك الجدول لان اللي فهمه ان الرحله شبابيه وفحاولت ارشح اللي يناسبكم

بالتوفيق رحله موفقه

بوصلووحمعجبون بهذا.

عبدالله التميمي · 04-08-2016, 03:58 AM

الله يعطيك العافيه اختي عشقي السفر وصراحه معلوماتك جدا افادتني

بس عندي سؤال بخصوص الكوبانات هل يوجد عليها تخفيض في اكوافنتشر

انا قريت عن الكتيب حق التخفيض بس محتار فيه هل اشتريه او استغني عنه

عشقي السفرمعجبون بهذا.

عشقي السفر · 05-08-2016, 02:37 AM

اقتباس : المشاركة الأصلية كتبت بواسطة عبدالله التميمي

الله يعطيك العافيه اختي عشقي السفر وصراحه معلوماتك جدا افادتني

بس عندي سؤال بخصوص الكوبانات هل يوجد عليها تخفيض في اكوافنتشر

انا قريت عن الكتيب حق التخفيض بس محتار فيه هل اشتريه او استغني عنه

الله يعافيك هذا واجبنا

ممكن تدخل موقع فندق اتلانتس ممكن تلقى عروض الصيف او تصبر الى ان تروح الفندق وتسال عن العروض لان مره احد الاعضاء ذكر انه اذا دخلت الادفانشر تدخل على الغرفه المفقوده بخصم صراحه ناسيه التفاصيل لكن انت اذا دخلت وحده قبل الثانيه راح تحصل عرض

وهذا تعليقه طلعته نصا من موضوع الاخ كشكول

قرية مائية أتلاتنس = 280 درهم
ذا لوست تشامبرز حوض الأسماك : 100 درهم

تنبية : احد موظفات قالت اذ تبي تدخل قرية مائية نسوي لك خصم 50 بالمية ع حوض الاسماك يعني تصير 50 درهم مشكلتي اني دخلت اول شي حوض الاسماك قلت يالله مره ثانية مع نفسي ماتعرف عربي هههههههه

بالنسبه لكتيب التخفيض للمانه مااستخدمته لكن تكلمت عنه الاخت ام زياد ناجي في تقريرها بالبوابه هنا ادخل موضوعها وراح تلقى طريقه استخدامه

وهذا التقرير

http://www.arabtrvl.com/vb/t3321.html

بالتوفيق

عبدالله التميمي · 05-08-2016, 06:24 AM

ا

شكرك اختي على تفاعلك وهذا ليس بغريب على هذا المنتدى الاكثر من رائع

و اذا الله كتب لنا عمر ان شاء الله انزل تقرير عن الرحله

عشقي السفر · 06-08-2016, 12:11 AM

العفو

بالتوفيق بانتظار التقرير

أرسلت من GT-I9300 بإستخدام تاباتلك

اللـــــيث · 14-08-2016, 07:39 PM

فيه اماكن ما حطيتها

مثل المرسى
الامارات مول
حديقه الفرشات والزهور

عبدالله التميمي · 14-08-2016, 07:55 PM

اخوي الليث اذا قصدك المرسى اللي هو دبي مرينا هو من ضمن اليوم المخصص للجي بي ار بحكم قرب المسافه بينهم و الامارت مول بيكون في ليله من اليالي الفاضيه

حبيت اسالكم عن اوت لت دبي هل ينفع للشباب وهل احد زاره من قبل يعطيني عنه انطباع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رايكم يهمني جدا *	#عبدالرحمن	تركيا	3	25-06-2016 12:48 PM
هذي فنادقي وجدولي رايكم يهمني	jedo	بوابة فرنسا	61	12-02-2016 06:25 PM
رايكم يهمني (تركيا-مصر-سرلانكا)	عريسها	تركيا	32	01-01-2016 01:55 AM
رايكم يهمني .. وين تنصحوني ؟	جوري	رحلات الجزر والكروز	2	28-03-2015 06:17 AM
(( يتبع موضوع رايكم يهمني )) رايكم النهائي في فندق كوالا !!	out law	ماليزيا	16	19-02-2015 08:45 AM