السلام عليكم
اعضاء المنتدى العزيز على قلبي
ان شاءلله مسافره لباريس على نهاية سبتمبر
وحابه احجز التكت من النت لان فيه عروض حلوه
دخلت على الموقع ولكن ماعرفت كيف
نحنا 4 بالغين وطفل عمره سنتين ونص
وابغى ازور دزني على يومين يوم للبارك ويوم للاستديو
وشوفت فيه عرض قيمة تكت واحد للبارك والاستديو
تاريخ تواجدي فباريس من يوم 23 الى 28 ان شاءلله
ياليت تفيدوني
https://www.booktickets.disneylandpa...d=32454335543R

مشكورين

سؤال اخر
هل هذا النوع من التذاكر اخرج لعائله من 6 بالغين طفل
مدة الاقامه 6 ليالي ان شاءلله الوصول الخميس والمغادره الاربعا

بطاقة متعددة الايام - Multi-Day Paris Metro Tickets


او ما يعرف بباريس فيزت "Carte Paris Visite" وهي الشائعه و الاكثر ملائمه للسياح

تتوفر البطاقة ليوم , يومين , ثلاثه او خمس ايام وتنقسم الى نوعين حسب نطاق التغطيه :

- النطاق 1-3 " Zone 1-3 "
10.85 يورو ليوم واحد
17.65 يورو ليومين
24.10 يورو لثلاثة ايام
34.70 يورو لخمسة ايام

- نطاق 1-5 " Zone 1-5 "
22.85 يورو ليوم واحد
34.70 ليومين
48.65 يورو لثلاثة ايام
59.50 يورو لخمسة ايام

الاطفال اقل من 10 سنوات نصف السعر
الاطفال اقل من 3 سنوات مجان

هذه البطاقة مناسبة لك اذا : كنت تنوي الاعتماد الاكبر على وسائل النقل العام و لديك خطة مزحومه لزيارة اكبر قدر من الاماكن في باريس و ما حولها.


او هذا النوع
تذاكر الاستخدام الواحد " +Ticket t "


هذه التذاكر صالحة لرحلة واحدة متواصلة في جميع انحاء منظومة المترو.

تشمل صلاحيات البطاقة :

- المترو
- الرير RER في نطاق المنطقة 1-2 "Zone 1-2 "
- -الترام
- الباصات
- الباصات الليلية

وعليكم السلام

حاليا في عرض على تذاكر ديزني
تذاكر دخول البارك و الاستوديو بسعر بارك واحد فقط
هذا العرض صالح حتى تاريخ ٢٨ سبتمبر يعني ممكن تستفيدون منه وقت تواجدكم
وهذا العرض للحجز اونلاين فقط يعني غير متوفر للشراء من البارك او ديزني ستور او اي مكان حجز ثاني

بخصوص تذاكر المترو فهي تعتمد على تخطيط البرنامج
زون ١-٣ تغطي باريس
زون ١-٥ تغطي الضواحي مثل ديزني و فرساي

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

مشكوره طيب هل لازم يوصلو التذاكر عن طريق البريد وله ممكن يرسلوها ايميل
لان البريد تاخذ مكتوب ١٠ايام واخاف يجي السفر وهيا ماوصلت

تذاكر ديزني ؟!!
ممكن تطبعينها مباشرة بجوده عاليه وتحتفضين بيها طول فترة تواجدكم في ديزني

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

مرحبا اختي جنون
من كلام مشرفتنا ام ريم ان ومن العرض مميز جدا
و اخذي الحجز من الحين ليومين للبارك والاستديو

بالنسبه لتذكره المترو
تواجدت في باريس خمس ايام
هل كلها في باريس او مع ديزني
وهل راح تحجزين بفندق في دزني !

1- اذاكلها في باريس اخذي مالتي تكت تذكره متعدده لمده خمس ايام لزون 1-3

2- واذا من ضمن الخمس ايام دزني يعني السكن في باريس 3 ايام ودزني يومين اخذي تذكره متعدد لمده 3 ايام زون 1-3
وتذكره منفصله لدزني لاند tt لمره واحده لزون 5

3- اذا السكن في باريس خمس ايام ومن ضمنها الذهاب مرتين من باريس الى دزني والعوده مره اخرى باريس
اخذي تذكره متعدده لخمس ايام لزون 1-5

4- واذا تبغين توفرين 10 يورو للشخص
والسكن بباريس وتروحين وترجعين دزني لاند
خذي تذكره متعدده 3 ايام لزون 1-5 (في خلال ال 3 ايام تروحين دزني مرتين وتخلصين )
وبعدها تذكره اخرى متعدده ليومين زون 1-3

بالتوفيق

تذكره دزني تطبعينها
وتذكره المترو تاخذين هناك وقت الوصول من الماكينه
اذا تبغين اشرح لج طريقه الشراء انا حاضر وهي سهله جدا

الله يسعدك مشكورر
اعرف كيف اخذها عن طريق المحطه انا سبق وزرت باريس
بس كنت في اخر المخطط وكنت تعبانه مره فما استمتعت فيها
المشكله دزني مكتوب انها تنرسل عن طريق البريد وهذا الشي خوفني اني اخذها من النت