السلام عليكم يا اخوان

عندي فيزا تسوق من الراجحي وحجزت عن طريقها فنادق واستأجرت سياره
طبعا احط رقم الفيزا ويتم سحب المبلغ

المشكله في فندق خصم 100 ريال مدري حقت ايش
تواصلت معاهم عن طريق البوكينغ مافي تجاوب طبعا باقي عن رحلتي اسبوع

كيف اضمن حقي بحكايت السحب وانه يسحب المبلغ المطلوب بس
وهل كل من عرف رقم الفيزا يقدر يسحب؟
حاط لها رقم سري بس مدري ايش فايدته
مافي طريقه ما يتم السحب الا عن طريقي والمبلغ المطلوب بدون زياده؟
وبعد ما اسلم الفندق او السياره مايقدر يسحب من البطاقه ثاني بحكم ان الرقم عنده

طولت عليكم بس احتاج افاده واحد يوضح ليه الامور وجزيتم خيرا

.

وعليكم السلام ورحمه الله وبركاته
يا غالي فيه فنادق تسحب مبلغ بسيط من الفيزا عشان يتأكدون انه بيانات الفيزا صحيحة وانه فيها فلوس..
لا تخاف اذا وصلت بالسلامة بإذن الله وريهم رسالة الخصم وان شاء الله ما تواجهك أي مشكلة..


بس ما أخفيك انه فيزتي ( تسوق من الراجحي ) للأسف تهكرت علي مرتين
فجأة تجيني رسائل خصم من مواقع ما اعرفها ولا سبق اني تعاملت معاها..

يمكن من مواقع الحجوزات فيه أحد اخذ بياناتي واستخدمها..
ويمكن لأني مخزن بيانات الفيزا في موقع بوكينج
فيه أكثر من احتمال والله أعلم..

الله يجزاك بالخير كفيت ووفيت