السلام عليكم

كنا مقررين نسافر لندن في ديسمبر لمدة اسبوع عشان نشوف احتفالات الكريسمس

وخصوصا انه ماجربنا نسافر اوروبا بالشتاء وحابين نشوف الفعاليات والاحتفالات .. بس سمعت كثير ان البرد وقتها لايطاق واخاف اروح وما استانس من البرد !

فترددنا شوي في القرار .. مابي اسافر واقعد فالفندق من البرد وفنفس الوقت شفت ناس سافروا واستانسوا هناك .


محتاره نكمل على خطتنا ولا نغير ؟؟ خصوصا انه رتبنا الاجازات ومانقدر نغير عن ديسمبر

فـ وين تنصحوني غير شرق اسيا ؟ فكرت في استراليا بس بعيده وحرام بس اسبوع

اما جنوب افريقيا مخططه لها سفره اطول

اللي جرب لندن في فترة الكريسمس ياليت يعطيني رايه

وبانتظار اقتراحاتكم .

وعليكم السلام

الله يحييك بيننا

رأيي تكملون على مخططكم
لندن رغم البرد حلوة في ديسمبر
يميزها التخفيضات و أنوار الكريسماس بكل مكان
و احتفالاتهم روعة بس لازم تحجزون فندق بمنطقة الاحتفال
من بدري لو حبيتوا تروحون

لو فكرتوا تغيرون ارشح لكم

اما هونق كونق وفيها ديزني لاند و تسوق رائع و كمان بدون فيزا
أو اليابان وهذي راح تكون رحلة استثنائية

لن ازيد على ما تفضل به اخي آخر فرصــــة


لنــدن جميلة في كل الفصول

و شخصياً عشت التجربة و كانت جميلة جداً

لندن جميلة في ديسمبر
ما في ثلج في شهر ديسمبر
التنقل سهل سواء باصات قطارات
بعدين داخل المولات مسكرة مشغلين الدفايات

صباحكم خير ،،، لندن بارده بس البرد الحلووو

ديسمبر شوارعها غير كل شارع متزين بإناره شكل ،، ولا تنسى وينتر وندر لاند العاب وناسه الى نص الليل

لندن طول السنه ممتعه

طيب عندي سوال .. انا عندي مبلغ 7الالاف ريال هل تكفي 10 ايام ؟ في لندن

7... ريال
تقريبا 700£

لندن فيها معيشة راقية و معيشة عادية
النقل في باص 4.50£ طول اليوم
بكون اسرع لو تأخذ القطار حدود 13.50£ ب Oyster card لو ناخذ العادية تكون أغلى
الأكل رخيص و فيه محلات حلال كثيرة تلقاها بسهولة
نفس الشيء للملابس أرخص شيء primark
لكن نوعيته عادية
إذن الان بدأت التخفيضات عل شهر ديسمبر تكون احسن ماركات غالية تنزل لغاية 70/٪

أظن تكفي لو تشيل مبلغ النقل 13.50£* 10
تقريبا 25 * 10 للأكل

باقي مبلغ يروح للترف

فيه winter water land في العاصمة مهرجان كثير طيب فيه حاجات تباع لا توجد في المحلات

الله يسر لكم و يكون سفر طيب


اريد اكتب موضوع جديد ما اعرف لانني جديدة من يساعدني