السلام عليكم

عندي سفره مفاجئه لايطاليا وبتكون بعد كم يوم وانا مو مرتبه او مخططه اي شي !

الهدف من السفره عمل لمدة يومين في فلورنس .. ف بنزيد عليها كم يوم لتكمل اسبوع

الحين جدا محتاره هل اخلي الخطه

يومين روما - يومين فلورنس - 3 ميلانو ( يوم منها لزيارة فينيسيا ) = التنقلات بالقطار

^

انا عارفه ماراح اشوف كل شي بس انه نظره اوليه او انه تحسون بيكون تعب ؟

او

الغي روما ويقتصر الوضع على ميلانو و فلورنس < بس في خاطري اشوف روما

بتكون مثلا 4 ايام ميلانو - 3 فلورنس والمغادرة تكون من مطار بيزا على الخطوط القطرية

ملاحظة : ميلانو مهمه بالنسبة لي للتسوق + زيارة فينيسيا

عدد الاشخاص : 3 كبار

ومشكورين

وعليكم السلام

مطار الوصول وين ؟

من وجهة نظري توزعون ايامكم بين ميلان وفلورانس

وفلورانس ممكن تتسوقون فيها وفيها العديد من المحلات الايطالية الرائعه وايضا قربها اوت لت ذا مول من افضل اسواق الاوت لت في ايطاليا

ومن ميلان تزورون البندقية وايض اوت لت سيرفالي وباقي الايام تتسوقون وتتمشون فيها

ممكن تزورون روما بالقطار وتوجد قطارات مباشرة مدتها تقريبا ساعه ونصف
وفي روما ممكن تركبون الباص السياحي اللي يلف بكم على اشهر الاماكن السياحية في روما

لانصحك ان تزور روما من فلورانسا

توزيعك كويس ومطار الوصول شوف الأرخص لك واحجز سواء على ميلان او روما

والتنقل بينهم في القطار

اذا العوده من فلورانسا خليها في النهايه وتنقل بين ميلان وروما عبر القطار

طبعاً روما في المقدمة 3 أيام - الانتقال بالقطار إلى فلورنس (يوم واحد يكفي) و زيارة خاطفة منها إلى بيزا - الانتقال مرة أخرى إلى ميلان (يوم واحد يكفي ) و منها لفينسيا (يومان)

اذا وصلتي ميلان اخذي يوم فنيسيا ويوم اما بحيره كومو او فيرونا صراحه الاثينين احلى من بعض وحرام توصلين ميلان وما تشوفينهم . لوجانو بعد حلوه وقريبه يعتمد على عدد الايام الي راح تكونين موجوده بميلان .

بخصوص الشوبنج في الطريق من فيرونا او فنيسيا(صراحه مااذكر عدل ) الى ميلان في اوت لت كبير وحلو بتلاقين فيه كل ما تحبين . شوبنج الماركات في الدمو غالي . انا قارنت شيئين طلعو عندنا بالبحرين اشوي ارخص بس طبعا هم عندهم الكولكشن الاحداث .

تمنياتي لك برحله ممتعه

توني اكتشف ان الاستفسار من سنه 2016 معليش احتمال احد يستفيد من المعلومات