السلام عليكم
كيفكم ان شاء الله تمام
رحلتي بكره ومافي وقت
ابغاكم تساعدوني في ترتيب الجدول والاماكن القريبه من بعض
لمده سبع ايااااام
هذي الاماكن الي حابين نزورها

نهر التايمز
متحف الشمع
هارودز و السيلفردج
الاوت لت
البيكاديلي والبق بن
شارع الاكسفورد وشارع الريجنت
هاري بوتر
منطقه كامدن
كوفنت قاردن
عالم ام اند ام والهايد بارك

ويعطيكم العافيه ياررررب

وعليكم السلام ورحمه الله وبركاته

ياهلا ومرحبا فيج

ماشاء الله مميزنا ابوعبدالله كفى ووفى جزاه الله خير

طبعا ماراح ازيد على ابوعبدالله
بس راح ارتب واضيف بعض الاشياء
والترتيب بكون على مجموعات :

1- نهر التايمز - ساعه بغ بن - لندن اي - الاكواريوم -Shrek's Adventure - The London Dungeon
ومحطه المترو حقتهم ( Westminster )

2- البيكاديلي - كوفنت غاردن - ام اند ام
تقدرون من البيكاديلي تروحين كوفنت غاردن قريب كثير
محطه مترو البكاديلي و ام اند ام ( Piccadilly Circus)
محطه مترو الكوفنت غاردن ( Covent Garden) يفضل الذهاب له يوم الاحد

3- شارع اكسفورد فيه سلفردج وبريمارك ومحل دزني ومحلات تجاريه كثيره له
محطه مترو بدايه شارع اكسفورد ( Marble Arch )وهي محطه جنب فندق كمبرلاند وتفصل تقريبا مابين شارع اكسفورد وشارع اجوررود
محطه مترو بوسط شارع اكسفورد ( Bond Street )
محطه نهايه شارع اكسفورد ( Oxford Circus ) طبعا هذا ليس اكسفورد لكن لين هنا المتعارف عليه شارع اكسفورد وهو له امتداد اطول من كذا
ملاحظه ( نهايه اكسفورد هي محطه Oxford Circus وهو التقاطع لما تروحين يمين يكون شارع الريجنت وعند نهايه شارع ريجنت هو تقاطع بيكاديلي سيركس
يعني هو خط حلو للمشي من بدايه اكسفورد الى تقاطع اكسفورد سيركس ومع هذا التقاطع يمين هو شارع الريجنت ونهايته هو بدايه البيكاديلي

4- الهايد بارك له مداخل كثيره لكن اهم المداخل الي تهمج هو مدخلين
من من تقاطع ماربل ارش وتقاطع ماربل ارش هو نفسه الي فيه محطه مترو Marble Arch جنب فندق كمبرلاند لما تعدين الشارع من تحت القوس تدخلين الهايد بارك وهذا المدخل للهايدبارك هو نفسه الي يتجمعون الناس ويتكلمون ويتهاوشون هههه

المدخل الاخر للهايدبارك وهو من شارع النايتس برج وهو الشارع من ارقى شوارع لندن وفيه هارودز

5- الهاردوز طبعا تكلمت عنه في شارع النايتسبرج ومحطه المترو للهارودز والنايتسبرج هي Knightsbridge مقابل المحطه بالشارع الثاني خلف البنايه مدخل الهايدبارك

6- كامدن ومحطه المترو (Camden Town)
ونفس ماقال ابوعبدالله الافضل تدمجون فينيسيا المصغرهLittle Venice مع كامدن
بمعنى اذا رحتي بالمركب بالنهر مدته 45 دقيقه وينزلج في كامدن حلو ويستحق التجربه
طبعا جنب لتل فينيسي مافي محطه مترو يا اما تروحين بالتاكسي وهو قريب من شارع اجور رود خلف فندق هيلتون متروبول او تروحين بالباص اذا قلتي لي مكان سكنج بقولج كيف تروحين بالباص الى هناك

7- متحف مدام توسو في شارع بيكر ستريت وخلف المتحف حديقه ريجنت بارك ومحطه المترو ( Baker Street )

8- مجمع ويستفيلد
للوصول له الافضل بالمترو :
اذا بتروحون له من بغ بن ولندن او من جنب مدام توسو تنزلون في محطه Wood Lane الخط الاصفر او البني

واذا بتروحون له من شارع اكسفورد تنزلون في محطه Shepherd's Bush على الخط الاحمر

9- الاوت لت
من محطه قطارات London Marylebone
والنزول في محطه Bicester Village
الرحله مباشره ومدتها اقل من ساعه مابين 47 دقيقه الى 53 دقيقه

ملاحظه :
1- ممكن الحجز بالمحطه والذهاب على اقرب قطار مايهم وقت الرحله
2- عند الوصول والخروج من المحطه انتظار الباص عند باب المحطه وينقلكم مجانا للأوت لت المسافه 5 دقائق
العوده للمحطه من مكان مانزلكم الباص تنتظرونه ياخذكم مره اخرى الى المحطه
3- عند الوصول لمحطه قطار بستر فلج للعوده بتشوفون جسر لونه ازرق اصعدو فوق ونزلو الناحيه الثانيه من رصيف القطار لان هذا الرصيف هو خط عودتكم الى لندن

10 - برج لندن او لندن تاور اذا تبغون تزورونه لكن الجسر الزجاجي مغلق الى نهايه شهر 12
اقرب محطه مترو له ( Tower Hill )


بالنسبه الى متحف مدام توسو يفضل ويفضل الحجز اون لاين قبل الذهاب لان الطابور طويل وفي مكان ضيق وكئيب
وهذا رابط الحجز

https://www.madametussauds.co.uk/london/en/tickets/

وتقدرون تاخذون من عندهم بكج لأكثر من مكان موجود بالرابط

مدام توسو - لندن اي - الاكواريوم Shrek's Adventure -
the London Dungeon
تختارون البكج الي يعجبكم

بعد الحجز اون لاين يكفي تصورين الحجز بالتلفون او تفتحين الايميل عندهم مش ضروري تطبعين الحجز
وعند الدخول مدام توسو تاخذين تذاكر الاماكن الثانيه اذا اخترتي منهم ويطبعونهم لج

راح اكتب لج بعض الاشياء بالمشاركه الجايه

اذا تبغين شركه اتصال النت فيها لا محدود لمده شهر اخذي شركه three 3 قيمتها تقريبا 35 باوند

انصحج تاخذين بطاقه الاويستر للباص والمترو لمده اسبوع ( زون 1 ) قيمتها تقريبا 37.5 للشخص الواحد
وتاخذينها من محطات المترو او محلات الصحف او من بعض محلات الاتصالات

وحبيت اضيف ان بتاربخ 18 نوفمبر الى 2 يناير بس مادري تلحقون عليه او لا

راح يكون بالهايدبارك

فيه تزلج ومدينه العاب واكشاك بيع ويشاركون فيه كثير من الدول الاوروربيه


يفتحون هايدبارك وينتر Winter Wonderland-Hyde Park Winter

Winter Wonderland Homepage - Hyde Park Winter Wonderland