السلام عليكم ورحمه الله وبركاته

لي اسابيع ويمكن اكثر بعد اجهز لسفرتي القادمه ان شاء الله ومحتااااار ولساعات اخطط وامسح واكتب واغير واعدل والحقيقه ما ودي اتحسف على لا يوم اقضيه هناك


خط سير الرحله

نيويورك - لوس انجلوس - لاس فيقاس - اورلاندو

هي رحله شهر عسل

التخطيط

نيويورك 5ليالي
لوس انجلوس 15ليله متضمنه سان ديغوو كم يوم ثلاث الى اربع ليالي
فيقاس 5ليالي
اورلاندو 10ليالي


الحقيقه اورلاندو مو عارف شلون اخططلها

- برنامج سياحي واضح لهالوجهه مو عارف اعده خصوصا ان شهر عسل لازم كل شي بيرفكت

- تكفله المصاريف في هاذي المدينه لي الحين مو عارف احسبها لان مو عارف وين اروح ووين اجي

- الاوت ليتات والسوق المعروف هناك مادري وين

- هل احتاج ليسن دولي لقياده السياره او اكتفي برخصتي المحليه. وان كنت احتاج شنو اجراءاتها وهل صعبه الاجراءات وشنو هي الاجراءات

- 500دينار لاورلاندو تكفي؟

دبروني يا جماعه اعتقد اعتقد اني ضايع هههههه والسفره مابقى عليها شي



Sent from my iPhone using Tapatalk


Sent from my iPhone using Tapatalk

سلام عليكم اخي العزيز والف مبروك على الزواج مقدما ان شاء الله اقدر افيدك بخصوص اولاندو ..لاني رحت لها في 2015 وقضيت فيها 19 ليله سبع ليالي كروز والبقيه كلها في اولاندو وحسيت اني للحين ما شبعت منها .

اولاندو مدينه ترفيهيه سياحيه بحته . اشهرها حدائق دزني ال5 وحديقتين هليوود ستديو بالاظافه الى وايد اماكن سياحيه ثانيه . الي سمعته ان حدائق دزني في اولاندو اكبر واحلى من الي الموجوده بكلفورنيا . عن نفسي رحتها في ديسمبر كان الجو جميل مثل جو البحرين في ديسمبر بروده غير مزعجه وكانت اجواء الحدائق رائعه بسبب احتفالات الكرسمس والسنه الجديده .

احنا طلعنا الكروز لمده اسبوع من بورت كنيفرال من اورلاندو وصراحه كانت تجربه جميله.

باعطيك لسته بالاماكن السياحيه والاسواق في اولاندو الي زرناها :
[*]Disney's Animal Kingdom® Theme Park[*]Disney's Hollywood Studios®[*]Magic Kingdom® Park[*]Disney's Blizzard Beach Water Park[*]Disney's Blizzard Beach or Typhoon Lagoon[*]Universal's Island of Adventure[*]Universal Studios Florida[*]Wet in Wild - Waterpark[*]Universal City Walk[*]Blue man show [*]La Nouba™ by Cirque du Soleil®[*]SeaWorld, Aquatica and Busch Gardens[*]Legoland [*]Kennedy space Centre [*]Orlando eye +Madam tussu +aquirm [*]Ripleys Believe it or not [*]Titanic the experience [*]Ifly Orlando [*]Wonder Works البيت المقلوب[/LIST]Shopping
Orlando Vineland Premium Outlets®
Outlet Marketplace | A Simon Center
5Orlando International Premium Outlets®
The Mall at Millenia
Russ
Target
Wall Mart


اورلاندو عامتا ارخص من لوس انجلس فانصحك تزيد عدد ايامك في اولاندو وتقلل لوس انجلوس . لان صديقتي راحت هذا الصيف الجانب الغربي من امريكا وتقول حلوه بس اغلى من الجانب الشرقي .

بخصوص نيويورك في يناير بس بغيت الفت نظرك تراها بتكون بااااارده جدا وبيكون صعب التمشي في الاماكن المفتوحه فانصحك تقلل الايام فيها الى 3 ليالي .

واي تفاصيل عن اولاندو انه حاضره.

اهل وسهلا اخوي
الف مبروك مقدما
في نيويورك حاول تخليها 3 ليالي لان وقتك برد ولا راح تستفيد منها كثير
ولابتستمتع ابد
سان دييغو 3 ليالي كافيه فيها
لاس فيغاس 3ليالي غير كافيه خلها على الاقل 4 ولو خمس حلو
اورلاندو برضه خل لها 8 ليالي بتكفيك
ميامي 4 ليالي حلو تزور منها هوليوود مدينه قريبه منها 20 دقيقه
الكروز الافضل تحجزه لما توصل اورلاندو وهو ارخص بكثير
من الان
تلاقي عروض عندهم 3 ليالي لشخصين بحدود 300 دولار لشخصين
وبتلاقي كوشكاتهم في اسواق الاوت لت باورلاندو
لوس انجلوس 12 يوم كافيه فيها جدا

ولا تنسى وقتك بيكون في عز البرد بالنسبه ل نيويورك وكاليفورنيا
اولاس فيغاس
اللي مناسب جوها تقريبا فلوريدا وبرضه فيه لسعات برد خفيفه بالليل

تحياتي لك