السلام عليكم ورحمة الله

ابستفسر عن نقطة في حجوزات السكن عبر بوكينق في دوله اوربية مثل المانيا
هل اقدر احجز مثلاً غرفة مخصصة ل٣ اشخاص كبار وحنا ٤ ؟؟

هل هم ملتزمين بهالشئ وممكن يسببون لنا مشاكل او عادي مادام اننا ماراح نطلب اسرة اضافية ؟؟
لان لاحظت انه فيه غرف كثير حقت ٣ بينما ٤ لازم الحجز يكون غرفتين
ارجو افادتي وشكراً

أوروبا غرف فنادقهم صغيرة مقارنة بأمريكا و آسيا يدقّقون في العدد "أحيانا لأسباب أمنية و إخلاء عند الطوارىء"عشان كذا احرص على أن حجزك يكون نفس العدد عشان ما تدخل في مغامرة أو مبالغ أنت في غنى عنها ..

ممكن يتكلمون
سياسه الفندق تذكر عن دخول الشخص البالغ كم قيمته

اذا نتكلم عن سياسة الفندق بالطبع هي تمنع هذا الشي
لكن اتوقع انه حسب حجم الفندق مثل ما شفت باوروبا

اذا كان فندق كبير و نزلاء كثير ما احد يدري عن احد ولا يدققون
اما اذا كان بوتيك هوتيل يعني صغير الداخل والخارج معروف هنا ممكن يتكلمون
وخاصة اذا كان الفطور مشمول بالسعر
بس لابد تشيكوا على حجم الغرفة لانها غالبا راح تكون صغيرة
و ماتكفي لاربعة اما اذا كانت تكفي فالموضوع يستحق المغامرة

هو يكفي وزيادة ، واذا حطيت عدد الاشخاص ٣ فرق لي بالسعر كثير والشقة دورين غرفة وصالة ودورة مياه ومطبخ وفيه كنبات يعني يكفي بالراحة ..
وانا ماراح اطلب منهم سرير اضافي فعلشان كذا الموضوع محيرني !

الامر يعتمد على نوعية الفندق
ومثل ماقال الاخ آخر فرصة اذا فندق كبير فماراح يلاحظون..

والحجز في بوكنق فيه شقق او غرف ماتقابل اصحابها.. يمكن يكون الباب فيه رقم سري ويعطيك اياه بالايميل
او يفتح لك الشقة وماتعرفه الا وقت الخروج..

وفيه بالعكس شقق تكون لاصحابها ويدققون احيانا حتى في ادخال الاحذية مثلا وغيرها...

رأيي..
انك تحجزها .. وهناك اذا مشت الامور وغالبا تبي تمشي بنسبة 70-80% لانه اما فندق كبير ماراح يدقق
او يبي يسلمكم السكن ويترككم ..
وان مامشت .. في ذاك الوقت ممكن تطلبون سرير اضافي وتقولون اضيف شخص في اللحظات الاخيرة

وغالبا..
الامور تبي تمشي سهالات
استاجرت في المانيا واغلب الدول الاوربية.. وماكان احد يدقق كم العدد..

الفنادق دائماً تسأل كم عدد النزلاء
انت حاجز شقة اعتقد الوضع عادي

آخر مواضيع فارس من خيال

- من أجمل ما رأت عيني (جزيرة جيجو - كوريا ) - استطنـــــ(في خاطري شوق وحكايات واسرار)ـــبول - على اطلال (هونج كونج)2017 - هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ) - بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ Save