تجربتي مع الشنقن الاسباني BLS ( تم تغيير موقعهم لحي عرقه)

ابن الوطن · 08-05-2017, 05:40 PM

السلام عليكم ومساكم الله بالخير

تم تغيير موقع مكتب السفارة الاسبانية من واحطة غرناطة الى حي عرقة فالرياض

ولله الحمد تم اصدار الفيزا مدتها سنه التقديم يوم الاربعاء 7 شعبان وتم اصدارها يوم الاحد 11 شعبان
يعني في ثلاث ايام عمل بصراحه ماتوقعت تخلص بهالسرعه ولله الحمد

النموذج عبيته بنفسي بفضل الله وبفضل هالمنتدى من تجارب وتجاوب الشباب الموجودين

أول بلد وصول المانيا والمغادرة باريس واكثر اقامه في اسبانيا نفس الموجود بنظام الشنقن
في موقع وزارة الخارجية الي اكثر اقامه هي صاحبة الفيزا ( يعني ماشين على النظام )

ظ…ط¬ظ…ظˆط¹ط© ط¯ظˆظ„ ط´ظ†ط؛ظ† | ط§ظ„ظ…ظ…ظ„ظƒط© ط§ظ„ط¹ط±ط¨ظٹط© ط§ظ„ط³ط¹ظˆط¯ظٹط© - ظˆط²ط§ط±ط© ط§ظ„ط®ط§ط±ط¬ظٹط©

الاوراق الي اخذتها معي :

1- النموذج تطبعه من موقعهم وتعبيه بخط يدك او بالكمبيوتر عادي saudi.blsspainvisa.com

( خانة الفنادق ماعبيتها وقال لي ماهو لازم)

2- تعريف من العمل موجه للسفارة مترجم ومختم

3- كشف حساب 3 شهور انجليزي مختم من البنك ( خويي جاب ستة شهور مختم وقبلوه )

4- تأمين صحي من التعاونية (عادي لو تطبعه من الايميل خويي ماقالو له شي )

5- تذاكر ذهاب واياب (وتذاكر داخليه لاني بنزل في المانيا وثم النمسا وثم اسبانيا وثم فرنسا)

6- حجوزات الفنادق من بوكنق

7- صورتين شخصيه ( ايضا خويي جاب صوره وحده ووافقو على طلبه )

8- صورتين للجواز

9 صورتين للهويه الوطنية

دخلت موقعهم وحجزت موعدين وكان مجاني ماهو مثل المركز الموحد ب 110 ريال تقريبا وكان مزحوم مالقيت

الا الاسبوع بعد القادم

وتفاجئت بتغيير الموقع وقلت ماهو مشكله ووصلت لموقعهم بحي عرقه على طريق الامير مشعل بجانب بنك

البلاد

دخلت المبنى وصعدت الدور الثاني ولاكان فيه زحمه تقريبا 16 شخص وثلاث موظفين

بالاضافه الى موظفة تصوير يقومون بالعمل ولا طلبو ورقة موعدنا خذ رقم من الموظف بورقه واجلس لين ينادي

عليك

عطيناه الاوراق ولاحظت انه يفك كشف الحساب وياخذ الشهر الاخير فقط وكان متساهل معنا موظف اسمراني

الله يجزاه خير ماقصر معنا كان عندنا شوية ملاحظات وتساهل معنا مثل ماذكرت فوق

ثم قال اوراقكم كامله استريحو بنفس رقمكم عشان نناديكم وتدفعون سعر الفيزا وتاخذون الوصل

وتروحون عند التصوير وثم الله يستر عليكم

نادانا وايضاً خويي مامعه كاش يبي يدفع بالبطاقه وقالو لا نقبل الا كاش والبنك تحت سحب وجاء

سعر الفيزا : 239 ريال

رسوم مكتب السفارة : 61 ريال

رسوم الرسايل النصية 5 ريال ( تبلغك بكل خطوه عن فيزتك اذا تبيها ادفع ماتبيها عادي مو اجباري )

الاجمالي : 305

قبلها مكلم مكتب سياحي يقول ب 700 ريال اطلعها لك شفتو الفرق 400 ريال

كأنك مطلع شنقن وفيزا بريطانيا لو تشتغلها بنفسك

سوها فالبيت ووفر فلوسك شغلتها بسيطة كلها 4 ورقات

وسلامتكم ودعواتكم

.

آخـــرفـــرصـــة و فيصل معجبون بهذا.

آخـــرفـــرصـــة · 08-05-2017, 07:19 PM

وعليكم السلام

الله يمسيك بالنور

زين غيروا الموقع لأن القديم كان فيه ازمة مواقف
وان شاء الله يفتحون فرع في جدة و آخر في الخبر

واضح تعاملهم رائع
و السعر بالتأكيد أرخص من المكتب الموحد

تجرربة جميلة شكراً لك على طرحها
لكي يستفيد الجميع

الله يسعدك

فيصلمعجبون بهذا.

nightlover · 09-05-2017, 08:23 AM

فيه نقطة مهمة لموظفي القطاع الخاص
تعريف الراتب يجب ان يكون مصدق من الغرفة التجارية ويسلم الاصل وليس صورة
هذا ماحصل معي
وطلبوا مني ارسال التعريف المصدق من الغرفة التجارية مع اي احد واذا انت خارج الرياض ارسله با DHL

فيصل و آخـــرفـــرصـــة معجبون بهذا.

الفارس · 11-05-2017, 12:43 AM

يا ليتهم يفتحون اكثر من مكتب خدمات لكل سفارة. يعني تقدر تقدم على التأشيرة شنقن من السفارة الالمانية من (VFS) أو (BLS). حتى يصير هناك تنافس وتحسن في الخدمات ولا يصير ايضا زحام اذا صار مكتب واحد.

فيصل و آخـــرفـــرصـــة معجبون بهذا.

الفارس · 11-05-2017, 12:46 AM

اقتباس : المشاركة الأصلية كتبت بواسطة nightlover

فيه نقطة مهمة لموظفي القطاع الخاص
تعريف الراتب يجب ان يكون مصدق من الغرفة التجارية ويسلم الاصل وليس صورة
هذا ماحصل معي
وطلبوا مني ارسال التعريف المصدق من الغرفة التجارية مع اي احد واذا انت خارج الرياض ارسله با DHL

يعتمد على جهة عملك. اذا كانت شركة كبيرة كأرامكو او سابك. لا يطلبون ان يكون التعريف مصدق.

فيصل و آخـــرفـــرصـــة معجبون بهذا.

فيصل · 11-05-2017, 03:12 AM

وعليكم السلام ورحمة الله وبركاته

شكرا لذكر تجربتك وعلي البركه الفيزا

بنفسك تخلصها أفضل من المكاتب عاد لو لعدة أشخاص بيفرق المبلغ

آخـــرفـــرصـــةمعجبون بهذا.

ابن الوطن · 11-05-2017, 07:54 PM

شكرا لمروركم ولتعليقكم

.

آخـــرفـــرصـــةمعجبون بهذا.

الذهبي · 13-05-2017, 11:22 PM

الله يعطيك العافية وشكرا على طرح التجربة

انا الان احول القا موعد في شهر مايو ولا حصلت والموقع مقفل بشكل كامل!!
بخصوص بطاقة العمل انا مكتوب عليه بالعربي والانكليزي هل تكفي؟

كم مدة الفيزا يعطونها اذا الجواز جديد؟

ابن الوطن · 16-05-2017, 08:44 AM

اقتباس : المشاركة الأصلية كتبت بواسطة الذهبي

الله يعطيك العافية وشكرا على طرح التجربة

انا الان احول القا موعد في شهر مايو ولا حصلت والموقع مقفل بشكل كامل!!
بخصوص بطاقة العمل انا مكتوب عليه بالعربي والانكليزي هل تكفي؟

كم مدة الفيزا يعطونها اذا الجواز جديد؟

الموقع تقفل قبل كم يوم والان مفتوح

https://saudi.blsspainvisa.com/arabic/index.php

عطوني سنة وباقي على جوازي سنتين اتوقع مايعطون الا سنة

.

SNAPTRAVEL · 25-07-2018, 12:13 AM

يعطيك العافية على الطرح

من له تجربه مع هذا المركز وايش الدول اللي يخدمونها غير اسبانيا

وكم اسعارهم الحين

وكم تعطي السفارة الأسبانية مدة؟

وايش تنصحوني بأفضل سفارة للشنقن

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربتي في استخراج الشنقن من الالمانية خلال 3 ايام	mfmfd	فيزا	15	20-08-2016 03:45 PM
تجربتي في استخراج الشنقن من السفارة الألمانية 2/8/2016	كوكتيلا	فيزا	3	20-08-2016 03:26 PM
تجربتي في استخراج الشنقن السويدي	emo0o	فيزا	12	27-05-2016 07:56 PM
تجربتي في استخراج الشنقن من السفارة الالمانية	abmd2004	فيزا	32	27-05-2016 02:10 PM
الريف الاسباني	توبليرون	بوابة اسبانيا	8	23-05-2015 01:12 AM