واخيرا استلمنا الفيزا... مركز الأعتماد في الخبر...

ssq12021 · 08-05-2017, 06:34 PM

مرحبا بجميع الأخوان والأخوات

راح اعرض تجربتي في إستخراج الفيزا من المركز الموحد للتأشيرات الخبر الراكه

عبيت الأبلكيشن لي ولزوجتي ولابنائي الثلاثه

وبعدها جهزت جميع الأوراق تعريف الراتب + كشف حساب ل اخر 6 شهور + حجز الطيران + حجوزات الفنادق + صوره للفيز السابقه من الجواز فيزا شنغن + فيزا سنغافوره + الأبلكيشن

دفعت الرسوم لكل شخص 115.5 $ رسوم الفيزا + 71.5 $ رسوم الخدمه فقط في مكتب الخبر = 187 $ = 729 SR

جيت للمواعيد واخذت مواعيد في 26 \ 04 \ 2017 ولكن كانت في اوقات متباعده بعض الشيء
حصلت موعدين ع الس 12:15 وموعد ع الس 12:45 وموعد ع الس 15:00 وموعد ع الس 15:30

وصلت المكتب الس 11:50 وقال لي الموظف انتظر 10 دقايق وراح ادخلك
وجيته ع الس 12:00 ودخلنا واعطيت الموظف اللي يستقبل الطلبات ويعطينا الرقم وقال لي انه راح يدخل 3 طلبات فقط حاليا وباقي الطلبات ماراح يقدر يدخلها الا الس 15:00 حاولت معاه لكنه قال اذا تبي تدخل جميع الطلبات في وقت واحد تدفع حق خدمة البريميوم ع كل شخص 415 ريال ولكني رفضت
دخلنا 3 طلبات وخلصنا امورهم وطلعنا خارج المكتب رحنا ل بنده وتمشينا شوي واخذنا لنا شي خفيف ك تصبيره ورجعنا لهم ع الس 14:45 وقدمنا اخر طلبين وطلعنا من المكتب ع الس 15:45 تقريبا

طبعا دفعنا لكل جواز 50 ريال رسوم شحن ارامكس فقط في الخبر + 10 ريال رسوم رسائل جوال
انا قلت للموظفه مايحتاج ارامكس انا راح اجي الى عندكم واستلمها قالت لي مافي استلام الا عن طريق ارامكس يعني دافع دافع الله لايعوق ب شر

في تاريخ 28 \ 04 \ 2017 جاتني رساله من مكتب VFS ان طلبك حول ع السفاره البريطانيه من تاريخ 26\04\2016
وفي تاريخ 7 \ 05 \ 2017 جاتني رساله من مكتب VFS ان طلبك جاهز للأستلام
وفي 8 \ 05 \ 2017 جاتني رساله من ارامكس عشان استلم الجوازات لاني حطيت العنوان نفس مكتب ارامكس ورحت واستلمتهم من مكتب ارامكس ولله الحمد الجوازات + كل الأوراق اللي ارفقتها مع الطلبات

ملاحظاتي \ *طبعا مش كل الأوراق كانت مطلوبه ولكنني ارفقتها فقط لتدعيم الطلب وحقيقه الموظفه اخذت كل الأوراق ورجعت فقط بعض الأوراق من الأبلكيشن
*انا عندي حسابين حساب اللي ينزل فيه الراتب وهو للمصروفات وحسابي الثاني في نفس البنك وهوا على الأغلب للمدخرات المشكله ان الحساب ماكان فيه مبلغ اللي يغطي الرحله فحولت من حسابي الثاني مبلغ ورحت للبنك وطبعت الكشف المشكله اني جيت يوم تقديم الطلب وانتبهت ان موظف البنك طبع الكشف من قبل 6 شهور الى قبل مااطبع الكشف ب 4 ايام يعني المبلغ اللي حولته مابين في الكشف فا اضطررت ان ارفع كشف الراتب لأخر 6 شهور مع الطلبات كي تدعم الطلب ولله الحمد الأمور عدت سهالات
*اذا قدمت لأكثر من جواز وصادفتك مشكله في حجز مواعيد في نفس الوقت
عادي احجزها واذا كان الفرق نصف ساعه بين المواعيد راح يستقبلونها كلها في نفس الوقت

*ومايحتاج تدفع للرسائل فقط ادفع 10 ريال لجواز واحد فقط لأنهم راح يرسلون لك ايميل ع كل حال
* ولايحتاج تدفع لتسريع الطلب لأن اذا اوراقك كلها سليمه إن شاءالله ماراح تاخذ وقت طويل

المكتب عنده عروض لبطاقات اويستر للمواصلات العامه وتذاكر دخول للمتاحف وجميع الأنشطه السياحيه وتكون مدتها سنه كامله من وقت شرائها أنا اخذت بطاقتين اويستر للمواصلات العامه بمبلغ = 369 ريال

وآخر دعوانا ان الحمدلله رب العالمين

مع تحيات اخوكم \ ابوعدنان

آخـــرفـــرصـــة و فارس الجبيل معجبون بهذا.

الريس · 08-05-2017, 06:48 PM

مبروك اخوي ابو عدنان

آخـــرفـــرصـــة و فارس الجبيل معجبون بهذا.

ssq12021 · 09-05-2017, 02:21 AM

اقتباس : المشاركة الأصلية كتبت بواسطة عتبان بن مالك

مبروك اخوي ابو عدنان

الله يبارك بحياتك اخوي عتبان والفال إن شاءالله لك ولكل من ينتظر الفيزا ياااااااااارب

آخـــرفـــرصـــة و فارس الجبيل معجبون بهذا.

آخـــرفـــرصـــة · 09-05-2017, 08:58 AM

1000 مبروك يابو عدنان
تفاصيل دقيقة للتجربة تشكر عليها

في الخبر لابد تدفع رسوم اضافية + شحن لارامكس لقلة الطلبات
اللي يميز البريطانيين شغلهم السريع في غير موسم الصيف

نقاط وملاحظات جميلة اللي ذكرتها
وان شاء الله تكتب لنا تقرير عن رحلتكم

رحلة سعيدة

فارس الجبيلمعجبون بهذا.

ابو مازن · 10-05-2017, 12:45 AM

جزاكم الله خير أبو عدنان و مبروووك
ان شاء الله رحلة موفقة و سعيدة

ssq12021 · 10-05-2017, 02:14 AM

اقتباس : المشاركة الأصلية كتبت بواسطة آخـــرفـــرصـــة

1000 مبروك يابو عدنان
تفاصيل دقيقة للتجربة تشكر عليها

في الخبر لابد تدفع رسوم اضافية + شحن لارامكس لقلة الطلبات
اللي يميز البريطانيين شغلهم السريع في غير موسم الصيف

نقاط وملاحظات جميلة اللي ذكرتها
وان شاء الله تكتب لنا تقرير عن رحلتكم

رحلة سعيدة

الله يبارك بحياتك اخوي أخر فرصه

والفضل بعد الله سبحانه وتعالى يعود لك اخي العزيز ولإمثالك الطيبين في هذا الصرح الجميل ع ردودهم السريعه ونصائحهم الأكثر من رائعه على اي استفسار

ماراح اوعدك باالتقرير بس إن شاءالله إذا الله أحيانا وياكم لذاك الوقت نحاول نكتب ولو شيء بسيط عن رحلتنا بإذن الله

ssq12021 · 10-05-2017, 02:17 AM

اقتباس : المشاركة الأصلية كتبت بواسطة ابوسلمىوبس

جزاكم الله خير أبو عدنان و مبروووك
ان شاء الله رحلة موفقة و سعيدة

الله يجزاك الخير يابوسلمبوبس ويبارك فيك

وإن شاءالله رحله موفقه للجميع بإذن الله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
واخيرا	mjjazm	بوابة استراليا ونيوزلندا	11	10-05-2016 11:54 AM
متابعة طلب الفيزا الفرنسية في مركز الاعتماد جدة	vip_temaa	فيزا	6	25-10-2015 10:56 PM
استقسار استلموا الجواز ولا جتني رسالة	عطارد	فيزا	5	15-07-2015 10:37 PM
واخيرا جيناكم	شارلوك هولمز	بوابة الكويت	22	31-03-2015 12:49 AM
عمل الفيزا الفرنسيه في الخبر وارسال الجواز الجواز الى سفاره فرنسيه في بلد اخر	Moo77dy	فيزا	2	16-02-2015 06:36 PM