استشارة في جدول لشهر العسل في المانيا .

أوربي · 10-05-2017, 08:33 PM

السلام عليكم ورحمة الله وبركاته .
شهادة حق : أشكر كل القائمين على المنتتدى الجميل ، واللي الصراحة استفدت منه كثير من خلال قرائتي للمواضيع وجمع المعلومات والتنسيق ..
شهادة حق ، شكراً لجميع الأعضاء هُنا والمشرفين . جزاكم الله خير على ماتقدمون .

بالبداية إن شاء الله انا زواجي في نهاية سبتمبر ( 9 لعام 2017 ) ميلادي .
والصراحة فضلّت إني انا اسوي الجدول للسفرة أحسن من المكاتب مقارنة بأن المكاتب غاليه جداً وتستغل العملاء من هذا النوع .
وبما إني سبق وأني قمت برحلة أوربية ( شبابية ) حبيت أنسق أنا بنفسي شهر العسل .

بداية السفر : 1 / 10 / 2017 إلى 20 / 10 / 2017 مَ .
سير الرحلة : جدة - ميونخ - بادن بادن - فرانكفورت - امستردام ( هولندا ) - بوكسل ( بلجيكا ) - باريس - جدة .* اللي زرتها من المدن المذكورة فوق هي ميونخ فقط . وكانت رحلتي من ميونخ إلى النمسا وسويسرا ونهايها إيطاليا ( ميلانو ) .
والان احببت أن اغير فكنت بزيارتي الاولى من فوق لتحت حسب الخريطة الأوربية
بس الحين باخذها بشكل عكسي

ماعلينا المُهم

الميزانية : مبدئياً 35 الف ريال سعودي قابلة للزيادة ..

عدد المسافرين فقط انا وزوجتي كما ذكرت أنها بتكون رحلة شهر عسل

نجي الآن للتخطيط

انا قريت كثير عن مدن ألمانيا بالتحديد ( بادن بادن - فرانكفورت ) بالبداية كانت بدل بادن بادن شتوتغارت .
ولكن عند قراتي رأيت أن بادن بادن أحق بالزيارة ، كون شتوتغارت مالقيت فيها شي يستحق الزيارة ،

تخطيط الرحلة جميع المدن كل وقتها 3 ايام للمدينة الواحدة ، ويبقى يومين مخليها يوم وصول ويوم عودة .

استفساري يا أحبة أنتو ، بعرض لكم جدول قابل للتعديل من قبل الخبراء .. أبي رايكم فيه ونصائحكم تكفون .
وكما ذكرت اعلاه . أن الرحلة شهر عسل .. أتمنى تنسقون معاي ..

جدول ميونخ :

جدول بادن بادن :

جدول فرانكفورت :

اتمنى رايكم ، أنا ماكملته وذلك بطرح كل مكان في قسمه المخصص له .
بالأضافة إن كان هناك في تغيير لمسار الرحلة أفضل برضو عادي اقترحوا علي ممكن يتغير !
لأن في البداية كان تخطيطي إلى : جدة - ميونخ - ساالزبورغ - زيلامسي - البندقية - ميلان - جدة

فيصلمعجبون بهذا.

أوربي · 11-05-2017, 03:47 PM

"

مازلت أ نتظر أقتراحاتكم ي أخوان

أوربي · 12-05-2017, 10:55 AM

وينكم ياجماعة ؟

عشقي السفر · 13-05-2017, 12:42 PM

مساء الخير حياك الله اخوي وباذن الله اخوان ماراح يقصرون معاك
لكن انت عارف هذي فتره اختبارات وشهر رمضان على الابواب ربي يبارك لنا بشعبان ويبلغنا رمضان فناس مشغوله بالتجهيز ان شاء الله الاخوان ماراح يقصرون

راح اجاوبك باللي اقدر عليه

اول عندي اقتراح عند الخروج من ميونخ مكن تمر بلاوت ليت اذا حاب تتسوق

ثانيا حط في بالك ان المشوار من ميونخ الى بادن بادن 3 ساعات وربع

ثالثا انا مستغربه من عدم زيارتك لليورب بارك من بادن بادن وايضا ستراسبورغ، فرنسا وايضا فريبورغ ام بريسغاو

اما بالنسبه لفرانكفورك هي مدينه واذا انتو من محبين صخب المدن والمتاحف بتفيدكم ولكن انا مااميل لها لاني احب الارياف والطبيعه اكثر

بالنسبه لسير السفر

فعندي كذا سؤال هل راح تأجر سياره ؟
والتنقل بين المدن راح يكون طيران او سياره او قطار ؟

مع كذا احس ان المسافه بين المدن بعيده عن بعض لو بتستخدم السياره واحس ميولك المدن والصخب والمتاحف والتسوق لانك ما حطيت في جدول ارياف وطبيعه صح كلام

ومدتك ممتازه تقريبا 18 يوم ولكن احس ان توزيع الايام ما ساعدك ففي مدن تستاهل اكثر ومدن تستاهل اقل وايضا اذا بتستخدم السياره فيوم التنقل ضايع عليك بالسياره وبعدها الراحه من الطريق
توزيع ايامك اللي انت معتمده يكون كالتالي
الوصول
1 -2-3-4 مبيويخ
4-5-6-7 بادن بادن
7-8-9-10 فرانكفوك
11-12-13-14 امستردام
14-15-16-17 بروكسيل
17-18-19-20 باريس تستحق ايام اكثر خصوصا اذا بتزور ديزني لاند والشانزيليزيه

ما ادري احس الجدول راح يكون فيه قليل من الارهاق خصوصا من عند فرانكفورك الى باريس المسافات متعبه شوي

اوهذي وجهة نظري وانشاء الله مبدعينا ماراح يقصرون
بالتوفيق

أوربيمعجبون بهذا.

أوربي · 13-05-2017, 06:27 PM

"
أهلين اختي عشقي السفر ،،
حي الله هالطله ،،
في البداية بقولك ، انا قد زرّت اوروبا وزرّت بالأخص ( ميونخ - سالزبورغ - زيلامسي - فينيسيا ( إيطاليا ) والرجعة كانت من ميلان ) .

عشان كذا هالمرّه حبيت أغير وأستكشف شي جديد مع إنه شهر عسل بس أبغى أغير شوي وأستكشف .

الصراحة الاوت لت ماحطيته ببالي لأن معروف اذا كان فيه أوت لت ف أبخليه بأخر شي ،
وممُكن كمان أكنسله لأن ما أحس إنه وقت تسوق وكذا ،،
.

والله الصراحة ما إنتبهت لـ المسافة ، لكن بحكم إني زرّت أول اوروبا وكنت مستأجر ،
ف الصراحة الخط مهما كان طويل ماراح تحسين فيه من المناظر والسهالة اللي فيه .

..

للإمانة بحثت كثير عن اماكن في بادن بادن وجداول سياحية ولا لقيت ، وأنا اقبل بالتعديل عادي ،
يعني اذا فيه عندك أقتراح تعديل من ناحية الأيام أو ناحية عدد الليالي في المدن مو مشكلة .

للأمانة ماقد زرتها عشان كذا كتبت هالشي ، وبالعكس بشهر عسل مافي أحد مايحب الهدوء والأجواء الحلوه ،
وبحثت عن هالشي ، ولقيت في أمستردام بروح منها لقرية بسكن فيها .

..

لا بستاجر سيارة سبق وإن استأجرت وكانت مُمتعة جداً .

مو مشكلة ، وزعيلي هي أنا والله عشان ماعرفها فَ ماعرفت كيف التوزيع وخليتها كذا ،
قلت أحسن ومنها يوم راحة ويومين تمشية ويوم نرتاح فيها ونطلع من الفندق ونمشي للمدينة الثانية وكذا .

وأخيراً ، والله أشكرك كثيّر ع ردكّ ونقاشك ، ومتابع معاك والله يعطيك الف عافيه يارب .
ماقصرتيّ والله ، وبإنتظارك .

عشقي السفرمعجبون بهذا.

S7sultan7s · 02-06-2017, 07:15 AM

مساء الخير اخوي عدد المدن الّي راح تزورها ٦ مدن و مدة تنقلاتك بين المدن ١٦ ساعة و هذا كثير على ٢٠ يوم . من الافضل لو تحذف وحدة هذي المدن . و تخلي عدد المدن خمس و تخصص ٤ ايام لكل مدينة .. يكون اريح

عشقي السفرمعجبون بهذا.

fadhel.1991 · 06-06-2017, 02:02 AM

من الافضل انك تقلل عدد المدن

عشقي السفرمعجبون بهذا.

عشقي السفر · 06-06-2017, 02:42 AM

يا هلا فيك

مبدأيا هذا جدول كامل لاربع ايام في منطقه بادن بادن والغابات السوداء

https://www.arabtrvl.com/vb/t16138.html

نعم ذكرت انك زرتها لكن ممكن زوجة المستقبل حابه تزور احد هذي المدن فلو تشوف رايها وتخلي لو واحده منها بطريقه وتستغني عن احد المدن البعيده

امم الاكتشاف حلو لكن انا ما اييده خصوصا وانت عريس الافضل تروح اماكن عارفه او معروفه بين الناس حتى تبيضها قدامها والاكتشاف الافضل يكون مع الشباب ولكن لكل شخص ميوله ورغبته وانا احترم هالشي

ما اختلف معاك ان الطريق يخليك تنسى الوقت لكن هل زوجتك تتحمل السفر مثل هذي المسافات ؟

تم وضع رابط بالاعلى

فرانكفورك مدينه اقتصاديه اكثر من كونها للسياحه هذي وجهة نظري

بالنسبه للجدول بحاول اضبط لك واحد لان المدن كثي على المده خصوصا المسافات بينهم كبيره

تم الإرسال من SM-G935F باستخدام Tapatalk

ابو خليفة · 30-06-2017, 02:09 AM

ماشاء الله . الله يكتب لك التوفيق

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مساعده في تنظيم جدول لشهر العسل	rakan260	ماليزيا	17	29-03-2016 12:43 AM
مساعدة في ترتيب جدول سفر لشهر العسل	yaga202	بوابة اندونيسيا	14	21-02-2016 08:12 AM
ابغى جدول لشهر العسل مايو 2016	albeladimustafa	بوابة النمسا	7	07-01-2016 07:59 AM
ترتيب وتنسيق جدول لشهر العسل	hsooonh	ماليزيا	17	12-03-2015 09:45 AM
استشارة لاهل الخبرة في شهر العسل	moomksa	بوابة المانيا	8	15-02-2015 02:07 PM