وعليكم السلام ورحمة الله وبركاته

في شهر ديسمبر بيكون الصيف عندهم، لكن الحرارة بين 25 و 30 درجة مئوية،
يعني غالبا بتحتاج جاكيت خفيف في المساء.
وممكن يكون في زحمة في بعض الأماكن السياحية لأن هم عندهم إجازة الكريسماس،،
فالأفضل تحجز الطيران والفندق قبل السفر بفترة كافية وإلا ما بتحصل شي مناسب.

بالنسبة للمصاريف، صعب أحددها، لأنها تفرق حسب خطوط الطيران
والفندق أو الشقة اللي بتحجزها والنشاطات اللي بتسويها..

لكن مثلا الأكل رخيص.. وجبة الغداء لشخصين ممكن تكون بأقل من 80 درهم إماراتي،
وإذا كان الأكل من مطاعم الوجبات السريعة بتكون طبعا أقل بكثير.

وممكن تشوف رسوم رخول الأماكن السياحية في جداول دليل كيب تاون والجاردن روت
اللي في التقرير الموجود مع توقيعي.

الطيران يعتمد من أي بلد بتسافر، وهل تبغي الرحلات المباشرة وإلا ممكن تاخذ رحلة فيها ترانزيت.

شوف هذا الموقع، يطلّعلك الرحلات بين الجهات المختارة وأسعار التذاكر..

Cheap Flights and Airline Tickets: Flight deals - Bravofly

أنا ما سافرت غير على طيران الإمارات،، والطيران الداخلي ما استخدمته،
لأن طيران الامارات يروح على كيب تاون..
بس ممكن تشوف تقارير الأعضاء،، بتحصل كاتبين رأيهم في خطوط الطيران الداخلي.