السلام عليكم ورحمه الله وبركاته

للاسف اقولها احس التفاعل مب لهناك صار بالمنتدى عكس بداياته

والدليل كتبت موضوع قبل هذا وبعد فترة طويلة من الانتظار بس لقيت رد واحد


عموما اتمنى يتغير الوضع للافضل


سؤالي اخواني عن ميترو باريس

انا ان شاء الله بيلس في باريس لمدة ثلاث ايام

من 10/ابريل / 2015

الى 13/ابريل/2015

وسؤالي من اول المطار شارل ديجول

تنصحوني اخذ تكسي او الميترو للفندق

لان الفندق قريب من برج ايفل

انا اتمنى الميترو لاني سمعت تكلفة التكاسي غالية مرة

فياريت تعطوني خريطة للمحطات وكيفية اخذ التذاكر


والسموحة ع الازعاج اخواني

تمسك الرير من المطار الى سانت ميشال
بعدين مترو الأصفر الى مارس اذا فندقك قريب انزل في بيير حكيم

http://www.phys.ens.fr/IMG/pdf/plan_metro_simple.pdf

الرحلة تستغرق ساعة
بالتاكسي نص ساعة في حدود ٤٥ يورو

اذا انك اول مرة بباريس خذ التكسي اريح لك

وعليكم السلام

التاكسي افضل حتى لو كان أغلى
اولا انته واصل من رحله طويله مو ناقص شحططه وتبديل بين محطات المترو
معاك عفش صعب الحركه بيه
اذا كنتوا عائله فالامر اصعب لانه العدد اكثر والأغراض بتكون اكثر
الخط من المطار لمنطقة سكنك مو مباشر راح تغير محطات يعني نزول وطلوع وشيل وحط
انته ما تعرف فندقك وين صاير بالضبط وكم يبعد عن المحطة و مو حلوه تمشي في الشارع ضايع بأغراضك

ادفع اكثر واشتر راحتك

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

عليكم السلام ورحمه الله وبركاته

ياهلا ومرحبا اخوي الغالي

افا والله عليك لا ان شاء الله ماراح يخذلك
أبشر ان شاء الله بكل خير

اول شي انا مانصحك بالمترو وانت جاي من سفر ومعك شنط
الا اذا انتو عددكم واحد او اثنين وكل واحد بشنطته ممكن
يعني ماتكون عايله وشنط عددها كثير

على العموم لو تاكسي فان ياخذ عليكم بين 80 الى 100 يورو تقريبا


اما بالنسبه للمترو

من مطار شارل ديغول تركب الرير الازرق ( B )
وهذا الرير ياخذك 15 محطه
والمحطه رقم 15 وهي denfert-rochereau تنزل منها

وفي هالمحطه تاخذ الخط الاخضر رقم (6)
وهذا الخط يمر على 9 محطات
والمحطه رقم 9 تنزل لها واسمها (Bir-hakeim (Grenelle
وبتكون جنب برج ايفل

العاب


او

من مطار شارل ديغول تركب[/B] الرير الازرق ( B )
وتنزل في محطه اسمها saint-michel notre-dame جنب الحي اللاتيني

ومن هالمحطه تركب الرير الاصفر (c)
وتنزل لما توصل المحطه اسمها champ de mars-tour eiffel
بكون جنب الايفل

محطتين الوصول قريب من بعض


وبالتوفيق اخوي

الكل شرح لك ولا قصروا

اذا معاك عائله وشناط خذ تاكسي
شباب او لوحدك رح علي المترو

المترو فقط للي ماعنده شنط وايد ولا اطفال

وتقدر تحجز او تقارن اسعار الشركات عن طريق مواقع الشركات من قبل لاتروح وتقرر شنو تبي تاكسي او مترو ..

ونصيحه اخذ تاكسي لانه المترو اللي بالمطار ما راح ينزلك دايركت عالفندق

وتقدر تجرب المترو في التنقلات اللي داخل باريس

الله يعطيكم العافية

والله ماقصرتو جميعا

الف شكر لكل من رد

شكرررررررررررررررررررا

وانا قررت اني اخذ تكسي لان مثل ماقالو الاخوان رحلة طويلة ومعاك عايلة

شكرا من القلب