اهل المعرفه والخبره ساعدوني لاحرمكم الله الاجر

سلطان بيك · 20-06-2017, 09:37 PM

السلام عليكم ...تحيه طيبه

كل عام وانتم بخير وسلامه وعاد عيدكم ـ

اخواني انا اول مره اسافر تايلند ومن تايلند راح احجز الي فوكيت مدة الرحله 15 يوم انشالله
طبعا انا حجزت #فندق اماتا ..عن طريق كلام الناس عنه انه كويس حجزته يومين عشان اعرف اللي حولي واعرف اموري ...
.
.
اخواني ابي تقولون لي فوكيت لاهنتم ابي منتجع يتكون من غرفتين وصاله وكذا ..لاني حق قهوه وطبخ وشوي 😊 ... ابي مكان حلو وامااان وهذا اهم شي ..ورخيص ..وابي لاهنتم منتجعات او شقق في بتايا اذا تكرمتووووو .... !!!
الشي اللي مفيد خبروني فيه ..وكيف انظم رحلتي لجزيرة جيمس بوند ...وشكرا

آخـــرفـــرصـــةمعجبون بهذا.

نايف سلمان · 20-06-2017, 11:35 PM

عليكم السلام ورحمة الله وبركاته

اولاً تايلند بلد الابتسامة وكل شي فيها سهل وبسيط جداً والتايلنديين متساعدين جداً مع السياح.

انت اسكن باي فندق ببوكيت وتقدر بعدها تغير على راحتك وللمعلومية جزيرة بوكيت صغيرة ويكفيها 3 او 4 ايام فقط
انصحك تزور بانكوك وفيها اسواق كثيرة ورخيصة وجودة والافضل يكون اخر يومين ببانكوك
بتايا لا تصلح للعائلة ولاكن يوجد بها اماكن حلوه ويوجد منطقة للعرب قريب لمارين بلازا وهي مدينة ليل.

يوجد بتايلند مدن سياحية كثيرة اللي اتذكرها

شنقراي
شنقماي

والباقي يفيدونك الاخوان

تروح وترجع بالسلامة

آخـــرفـــرصـــةمعجبون بهذا.

آخـــرفـــرصـــة · 21-06-2017, 05:26 AM

وعليكم السلام

الله يحييك يا غالي

ما قصر نايف

بس هل الرحلة شبابية ولا عائلية ؟
و الافضل تحط تواريخ تواجدك في بوكيت وبتايا
عشان نشيك لك الاماكن المتوفرة

alradadiمعجبون بهذا.

سلطان بيك · 21-06-2017, 05:39 PM

اقتباس : المشاركة الأصلية كتبت بواسطة آخـــرفـــرصـــة

وعليكم السلام

الله يحييك يا غالي

ما قصر نايف

بس هل الرحلة شبابية ولا عائلية ؟
و الافضل تحط تواريخ تواجدك في بوكيت وبتايا
عشان نشيك لك الاماكن المتوفرة

يعطيكم العافيه .. والله الرحله انا وخووويي بسس اثنين ومصروفنا بدون الطائره حول 10000 عشر الاف ومادري اتكفي او لا ..لاني ماادري كم الاسعار ...

آخـــرفـــرصـــةمعجبون بهذا.

سلطان بيك · 21-06-2017, 05:48 PM

اقتباس : المشاركة الأصلية كتبت بواسطة نايف سلمان

عليكم السلام ورحمة الله وبركاته

اولاً تايلند بلد الابتسامة وكل شي فيها سهل وبسيط جداً والتايلنديين متساعدين جداً مع السياح.

انت اسكن باي فندق ببوكيت وتقدر بعدها تغير على راحتك وللمعلومية جزيرة بوكيت صغيرة ويكفيها 3 او 4 ايام فقط
انصحك تزور بانكوك وفيها اسواق كثيرة ورخيصة وجودة والافضل يكون اخر يومين ببانكوك
بتايا لا تصلح للعائلة ولاكن يوجد بها اماكن حلوه ويوجد منطقة للعرب قريب لمارين بلازا وهي مدينة ليل.

يوجد بتايلند مدن سياحية كثيرة اللي اتذكرها

شنقراي
شنقماي

والباقي يفيدونك الاخوان

تروح وترجع بالسلامة

تسلم ياغالي ... اماكن سباحه حدايق وملاهي والزحاليق المائيه وين في بتايا ... ولو تكرمت كيف طريق الحجز لجزيرة جيمس بوند سمعت يجي باص الصباح ومدري ياخذك ..وسمعت انك اذا خلصت من جزيرة جيمس بوند فيه جزيرة تروح لها بس مدري وش اسمها فيهااا غوووووص تحت المااا وهذا المطلوب ..واشكرك علي خدمتك انت والاخوان ـ

آخـــرفـــرصـــةمعجبون بهذا.

nice man · 23-06-2017, 03:39 AM

حياك اخوي
من ناحيه الجزر والرحلات والملاهي والحدائق لاتشيل همها
عندك الكشكات في كل مكان مر على كذا كشك
والسعر اللي يجوزلك قص تذكرته
ومن ناحيه بوكيت لو تبي جميع الرحلات والاماكن المهمة يبيلك اقل شيء 7 ايام في نظري
والشور لك وانا اخوك

آخـــرفـــرصـــةمعجبون بهذا.

سلطان بيك · 25-06-2017, 02:01 AM

اقتباس : المشاركة الأصلية كتبت بواسطة @ الحنوووون @

حياك اخوي
من ناحيه الجزر والرحلات والملاهي والحدائق لاتشيل همها
عندك الكشكات في كل مكان مر على كذا كشك
والسعر اللي يجوزلك قص تذكرته
ومن ناحيه بوكيت لو تبي جميع الرحلات والاماكن المهمة يبيلك اقل شيء 7 ايام في نظري
والشور لك وانا اخوك

يعطيك العافيه ...بس بسالكم تتوقعون عشر الاف اتكقي 15 يووم ...

آخـــرفـــرصـــةمعجبون بهذا.

آخـــرفـــرصـــة · 26-06-2017, 04:08 AM

اقتباس : المشاركة الأصلية كتبت بواسطة سلطان بيك

يعطيك العافيه ...بس بسالكم تتوقعون عشر الاف اتكقي 15 يووم ...

شخصياً ما اتوقع تكفي
على الاقل 100 دولار لكل شخص يومياً
عدا السكن والتذاكر
الرحلات البحرية والغوص ماهي رخيصة كما تتوقع
يعني لو فرضنا كان السكن بـ 100 دولار لكم الاثنين قريب من باتونق بيتش
يعني 300 دولار خلنا نقول 1000 ريال
يعني بنظري محتاجين 15000 ريال للرحلة
ارشح للسكن تشيكون على airbnb.com

nice man و hamad1 معجبون بهذا.

الرجل الطيب · 27-11-2017, 11:07 PM

سافرت الى بانكوك قبل عدة سنوات واشتريت منها ساعات مقلده رخيصه من احد الاسواق غير شارع العرب ناسي اسمه الان لكن بصراحه انظف وارخص من الصين برغم ان الساعات صينية الصناعة لكن تعاملهم وامانتهم افضل من الصينيين

hamad1معجبون بهذا.

hamad1 · 09-01-2018, 07:37 AM

اقتباس : المشاركة الأصلية كتبت بواسطة الرجل الطيب

سافرت الى بانكوك قبل عدة سنوات واشتريت منها ساعات مقلده رخيصه من احد الاسواق غير شارع العرب ناسي اسمه الان لكن بصراحه انظف وارخص من الصين برغم ان الساعات صينية الصناعة لكن تعاملهم وامانتهم افضل من الصينيين

الساعات و الشنط المقلدة فى شارع العرب تباع باضعاف تمنها ( وهزا بسبب ارتفاع اسعار ايجارات المحلات فى شارع العرب بشكل خرافى )

افضل منطقة لهذة المنتجات . منطقة صغيرة تسمى سامبين تقع فى الحى الصينى فى بانكوك
يعيب تلك المنطقة انة من الصعب جدا تجد بائع يتحدث بالانجليزية . يتحدثون ففط تايلندى
وقد تكون صعبة للعديد من السياح العرب الوصول لتلك الشوارع ( شوارع كثيرة صغيرة متفرعة )ان لم يكن يعلم مكانها بدقة
وتعتبر تلك المنطقة المورد الرئيسى بسعر الجملة للعديد من المنتجات . ليس ففط الشنط و الساعات

آخـــرفـــرصـــةمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ساعدوني الله يسعدكم	lbdfk	بوابة بريطانيا	14	06-05-2017 03:52 PM
لاهل الخبرة في الشنغن المساعدة لاحرمكم الله الاجر	العلي	فيزا	2	26-06-2016 09:32 AM
ساعدوني الله يجزاكم الجنة.	mohammd	تركيا	15	27-05-2016 12:26 PM
ساعدوني الله يسعدكم	BUTEERFLY	بوابة فرنسا	70	17-02-2016 02:49 PM