مثل ماهو مكتوب بالعنوان
يومين في لندن مع 3 أطفال
انا محتار بين
استخدام المواصلات
او استخدام الباص السياحي

هل الباص السياحي بيحطني بأقرب نقطة من المكان السياحي وانزل أتصور واشوفه؟
اخاف اذا استخدمت المواصلات العامة أضيع وأدور حول المعلم اللي انا رايح له ويضيع وقتي وانا ما لقيته

بحكم ان الوقت محدود قلت أستشيركم لأنكم اخبر

في بطاقه تشحنها تستخدم في المترو و الباصات العامه هذي افضل وسيله بلندن

ترا ما هي صعبه بالعكس هي اسهل لك و تاخذ راحتك بس انت امش مع google map ولا راح تضيع. يعطيك الباص بالرقم و الدقيقه

الله يعطيك العافية

اخذ الباص السياحي تذكرة يومين ويلف كل المعالم

بخصوص الأماكن السياحية أؤيد كلام الأخت أبرار
الباص السياحي يأخذك لأشهر الأماكن
وأقترح تحجز لها عن طريق النت اختصاراً لوقتك
مثل متحف الشمع وعين لندن
بقية الأماكن أو الجهات البعيدة اعتمد على المترو

وبالتوفيق

مرحبا دكتور

يكفيك الباص السياحي تلف كل الاماكن المهمه
تاخذ التذكره ليومين وتنزل كل مكان يعجبك تاخذ راحتك فيه وتصور وتتمشى وبعدها تنتقل لمكان ثاني

راح اعطيك التفاصيل وركز فيها :

1- تحجز من هذا الرابط

https://www.bigbustours.com/en/london/london-bus-tours/

2- تروح لمكان الحجز على اليمين فوق تضغط على ticket

3- تختار المربع الي مكتوب عليه 2 days بسعر 38.70

3- تختار عدد تذكره child(1) + (1)family

4- تاخذ البريميوم تيكت ( يعني شامل رحله نهريه بالكروز )

5- سعر التذكره لعدد 2 يوم الخط الازرق و الكروز 117 جنيه للجميع

وباقي الاماكن ممكن تروح لها مشيا او تذاكر مترو منفصله اذا المكان الي بتروح له مش من ضمن اماكن توقف الباص السياحي
بس الباص السياحي الازرق تقريبا يوقف بجميع اهم الاماكن

واذا تبغي تروح متحف مدام توسو و لندن اي والاكواريوم ومغامرات شريك وغيرهم الباص يوقف فيهم
ممكن تحجز تذاكر بكج اون لاين لاتحجز من هناك زحمه كثير
رابط الحجز

https://www.madametussauds.com/london/en/tickets/

هذه المقالة ستساعدك ان شاء الله

كل ما تحتاج معرفته عن وسائل النقل العام في بريطانيا