سلام عليكم ورحمه الله وبركاته

ناويين ان شاء الله نروح نستكسف كندا بنوفمبر بين 1- 15 نوفمبر . جزء من السفره بيكون مؤتمر طبي (2-4) في مونتريال كيبك تاون والبقيه سياحه . الوصول بيكون في مونتريال تاريخ 1 استعداد للمؤتمر.

احتاج مشكورتكم بالنسبه لتوزيع الايام في مناطق كندا
الي قريته ان مونتريال وترنتو وشالالات نياغرا نسبيا قريبين بس فانكوفر بعيده طيران 7 ساعات فهل تنصحوني اروحها لاني مااعتقد راح اكرر الزياره لكندا نظرا لبعد البلد عنا .
شنهو الفنادق الي تنصحون فيها (4-5) نجوم لشخصين .
المواصلات هل نستاجر سياره والا المواصلات العامه كفايه ؟
المناطق السياحيه الي تنصحون فيها . وكيف الجو بهذا الوقت من السنه ؟

ولكم مني كل الشكر مقدما

وعليكم السلام

يعني ضمنا خبيرة كندية مستقبليه
بس لابد تكتبين لنا تقرير عن الرحلة

موفقين بالمؤتمر

استبعدوا فانكوفر تماما لبعدها
لكن ممكن تضيفوا كيوبك سيتي بحيث يصير جدولكم
مونتريال 5 ايام
كيوبيك 2 يوم
نياقرا 2 يوم
تورنتو 5 ايام والمغادرة منها

من كيوبيك لتورنتو ممكن طيران 2 ساعة
وتكونوا حاجزين سيارة تستلموها من المطار ومن هناك مباشرة
على نياقرا فولز حوالي ساعة ونص

مشكووور اخوي وما تقصر

جدول مرتب ماشاء الله وابشر ان شاء الله بالتقرير المفصل اول ماارجع

تحياتي

السلام عليكم ورحمه الله وبركاته

لحقوني طلع المؤتمر في فندق Fairmont Le Château Montebello
392 Notre Dame
Montebello, QC J0V 1L0

ومن الخريطه يبين انه لا في مونتريال ولا في ترنتو اظن منطقه بين الاثنين ....وش تنصحوني فيه ؟ كيف المواصلات هل هي بالطيران من مطار مونتريال ؟ والا في مواصلات اخرى واذا كانت اهي نقطه الانطلاق كيف تكون الخطه السياحيه ؟

ما استغنى عن نصايحكم يالغاليين

ومشكورين مقدما

تحياتي

ام ملاك

هلا ام ملاك

استاجروا سيارة واستلموها بمطار مونتريال
ومن هناك حوالي 120 كلم يمكن ساعة للفندق
تستخدموا قوقل ماب للاتجاهات

السيارة خلوها معاكم وسلموها في كيوبك سيتي
ومن هناك طيران لتورنتو وتستلموا السيارة بالمطار
و دايركت على نياقرا وتسلموا السيارة عند العودة بالمطار

بكذا وصولكم مونتريال والعودة تورنتو
تاكدي من تذاكركم

ابشري
بالويكند اكتب لكم المزارات الهامة
في المدن اللي راح تزوروها

ام ملاك
ممكن تعطيني متى تخلصوا يوميا من المؤتمر
عشان نشوف ان كان فيه وقت مناسب لزيارة معالم

كنسلو فانكوفر بعيده جدا ومدن كندا اللي قريبه من تورونتو جميله تقدرون توزعون ايامكم عليها
بالتوفيق