السلام عليكم ورحمة الله اللهم صلي وسلم وبارك على نبيبنا وحبيبنا محمد صلى الله عليه وسلم اخواني الاعزاء انا ان شاء الله مسافر قريب وقررت تكون الوجهه استراليا ومجموع الايام اللي راح اقضيها ان شاء الله 15 يوم وحاب تكون رحلتي مرتبه يعني فكرت انزل في ملبورن 4 ايام وسيدني 7 ايام وقولد كوست 4 ايام ولكن المشكلة اني لا اعرف ايش افضل وسيله للتنقل داخل استراليا بين المدن دخلت وشيكت بنفسي وحصلت خطوط اسمها Jet اتوقع ورحلاتها تكلف تقريبا 140 دولار وهذا الشي بيكلف علي لاني بنزل بملبورن بعدين استراليا بعدين قولد كوست بعدين راح اضطر ارجع لملبورن عشان اخذ الطيارة للعوده للوطن فما ادري ايش افضل وسيله للتنقل داخليا وهل تنصحوني استاجر سيارة وكم بتكلفني تقريبا انا رايح مع زوجتي وهل في مدن تنصحوني ازورها واغير الترتيب اللي انا مسويه ؟ وهل ميزانية 5800 دولار استراليا تكفي لمده 15 يوم دون سعر تذكرة الطياران والفنادق ؟ وشكرا

وعليكم السلام

اهلا وسهلا بك يا غالي

تنبيه فقط ان اجواء استراليا عكسنا فالصيف عندهم في ديسمبر ويناير وفبراير
بينما الشتاء في جون جولاي واغسطس

افضل وسيلة للتنقل هي خطوط جت ستار وهي الارخص بالمناسبة
مع العلم بان الدولار الاسترالي تقريبا 2.9 ريال حاليا بينما الامريكي 3.75 للريال السعودي
لذا انتبه للسعر عشان حساباتك لانه غالبا بالدولار الاسترالي

حاول تحجز من موقعهم مباشرة علما بان التشيك ان وكل شي الكتروني
حتى اصدار البوردنق باس وشحن العفش

Jetstar Airways - Australia | Jetstar

الطيران رائع وطائراته جديدة

التخطيط الافضل
الوصول ملبورن ثم سيدني والمغادرة من قولد كوست
او الوصول قولد كوست ثم سيدني والمغادرة من ملبورن
والخيار الاخير هو الافضل عشان التسوق وشراء الهدايا
بحيث تكون الايام حسب التسلسل 4-6-5

و لا انصحك باستئجار سيارة بل استخدام المواصلات العامة الممتازة
وهذا راح يوفر عليك كثير
اما الرحلات اللي تكون بعيدة شوي ممكن تروح لها بالفيري
او تاخذها رحلة مع قروب عن طريق المكاتب

اشوف الميزانية اكثر من كافية ومناسبة لتجربة الكثير من الفعاليات

اختيارك لاستراليا رائع و راح تنبسطوا فيها كثير
بس لازم تكتب لنا تقرير عن الرحلة

اخوي انصحك بما ان استراليا بعيدة
تشمل معاها نيوزلندا .. وتطول المدة
نيوزلندا جنة ... ولاشك اجمل بكثير من استراليا
رحلة سعيدة

فعلا زرت نيوزلندا جنة الله في ارضه عام 2014

الله ييسر ناوين نسافر وماحددت الوجهة