السلام عليكم ورحمة الله وبركاته
حبيت اسأل اذا فيه احد زار انطاليا شهر يناير وكيف الجو بارد جداً او لا؟
وهل تنصحون بزيارتها في هذا الشهر؟
وشكراً مقدماً

هلا والله اختي انطاليا في يناير جوها برد نفس الخليج مع بعض الامطار ويوجد ثلوج في الجبال نفس بورصة

افضل منطقة تعتبر للزيارة في تركيا في شهر يناير

يعطيك العافية
يعني تنصح بزيارتها في هذا الشهر او نأجلها احسن ؟

بالطبع الجنوب التركي ادفى من اسطنبول وو الشمال
بس بالشتا مافيها نشاطات وايد لانها تعتبر من المناطق الساحليه وو نشاطاتها مائيه صيفيه 🏊🏼‍♂
بس اذا اتحبون الجو البارد وو نشاطات الشتويه في منتجعات تزلج قريبـه من انطاليا
مثل منتجع ساكليكنت وو اوليمبوس تليفريك للتزلج ⛷🏂
وو من احلى الشلالات قريبه من انطاليا شلال دودان ، شلالات كورشونلو وو شلالات مانافجات 🌊
مدينه انطاليا القديمه كاليتشي في وسط المدينه تعتبر منطقه اثريه 🏰
وو طبعا على طول الساحل فيها كافيهات وو مطاعم اتاتورك بارك اشهرهم 😊
رحله ممتعه ان شاء الله

لكن تبقى انطاليا افضل من اسطنبول لانه اسطنبول شهر يناير ممكن تاخذ اسبوع او اكثر ثلج المطار يسكر والشوارع بعد

لكن انطاليا ما فيها ثلج الا بالمرتفعات وما راح يكون فيه عائق غير البرد وبعض الامطار

مثل ما قال اخوي عادل انطاليا افضل من اسطنبول بالشتاء وو ادفى الثلوج تكون اغلب بالمرتفعات
روحو وو استانسو وو تركيا بكل فصول حلوه 😊